نصف سكان العمارة عند والدي فلسطينيين ...أنا و إخواتي إتفرجنا على الماتش عند والدي و لما كان بيجي جول لمصر والله كان صوت فرحتهم أعلى من صوتنا مع إنهم بيتفرجو في بيوتهم مش مع حد.
عرض للطباعة
نصف سكان العمارة عند والدي فلسطينيين ...أنا و إخواتي إتفرجنا على الماتش عند والدي و لما كان بيجي جول لمصر والله كان صوت فرحتهم أعلى من صوتنا مع إنهم بيتفرجو في بيوتهم مش مع حد.
يا ريت نفتح المعابر و مالوا لما يدخلوا سيناء و يحطوا اعلامهم على مدارسنا و مؤسساتنا الحكومية و ينزلوا العلم المصري و يشتروا اللى هما عايزينوا بدولارات مزورة و يعلوا أسعار كل حاجة فى العريش و رفح على المصريين اللى مش فارقة معاهم هما ياعنى ناقصين فلوس.
و بعدين المصريين فيهم 40 مليون مش لاقيين ياكلوا و مالوا لما نفتح المعابر و يزيدوا 1.5 مليون
مش هتفرق كتير
و طبعا مش هما دول اللى قتلوا العسكري المصري فى رفح و لا هما دول اللى قتلوا الظابط المصري من سنة.
و طبعا مش هما دول اللى حماس المقاومين الجدعان اللى لا عايزين سلطة و لا جاه مطلعاهم علشان تجر ناعم مع مصر علشان عارفين إن من غير مصر هما في الباي باي.
و طبعا كل اللى يعرف فلسطينيين من غزة عارفين كويس جدا جدا قد ايه هما بيحبوا مصر و المصريين جدا جدا جدا
بص
كلامك فيه كتير صح (صح يعني حصل)
بس مش صح اللي انت تقصده
هاقوللك كلمة و ياريت تفكر فيها شوية
اعتبرني أخوك الصغير أو الكبير و بافضفض معاك
حط نفسك مكانهم
غمض عينك و شوف السور و الحبسة و الحاجة
شوف لما تكون مصالحك أو مصلحة خالتك أو جدك أو أبو صاحبك في إيد مصر
علاج ده ....سفر حج ده ....لبن للولد ....أو حتى شوية شاي
وتلاقي مصر بترفضك و بتذلك و بتمنعك
هاتفرح و تسقف و تهلل؟؟؟؟؟؟
و مش كله زي بعضه هناك
في اللي أموره سالكة و عنده كل احتياجاته لأنه واصل أو يعرف حمساوي واصل أو ليه في الأنفاق و يقدر على تمن بضايعها .
و في اللي ما يقدرش
مش الناس اللي كسرت السور
ده الجوع و الحاجة اللي عملوا فيهم كده و اللي كانوا هايعملوا فينا كده لو كنا مكانهم
و غلا الحاجات ....هو اللي بيشتري اللي بيغلي؟؟؟؟
اللي غلى الحاجة تجار حرب
أعرف منهم ناس من المنصورة حملوا مقطورات و على رفح و كانوا بيشتروا بجشع من هنا علشان عارف انه هناك لما يقول على أبو العشرة بألف هايتباع
علشان الزبون محتاج ...يعنى حتى التاجر المصري عارف ان الغزاوية محتاجين
و انت زعلان من الدولارات المضروبة ؟؟؟
و اللي ضرب نار على ياسر اللي مات ده ...كان بيرد طلقة بطلقة و الأولانية كانت جسم عيل غزاوي بالغلط و للا بالصح
لو كان ابنك كنت هاتقول يا حبيبتي يا مصر برضه ؟؟؟؟
و الجندي اللي مات قريب ....مضروب في ظهره يا صديقي
تفتكر "القناص" الغزاوي يقدر يسحر ؟؟؟ ولا طلقة غلط من الطلقات اللي شلت العيل الغزاوي صابت المصري من بندقية زميله !!!!
انت متخيل اننا شلينا طفل مسلم ...عربي عنده 15 سنة .........
متخيل ؟؟؟
فين خراطيم الميه
فين الغاز المسيل للدموع ؟؟؟؟
فين الرصاص المطاطي ؟؟؟؟؟
ولا هم علشان مالهم تمن في الدنيا يبقى الطلقة بنفر ؟؟!!!!
بس ليهم تمن عن ربي و ربك
ولا حتى قناص حمساوي هو اللي قتل العسكري بتاعنا
هايروح من ربنا فين هو كمان (ولو ان العسكري ما كانسش بيجاهد يعني, اللي يلطف بيه)
يبقى خلاص ...نحبسهم كلهم لما يموتوا؟؟؟؟؟
خايف انهم يتوطنوا هنا ؟؟؟؟
كتير منهم مش عايزين
دول لو يسيبوا أرضهم كانوا هادنوا الصهاينة و عاشو زي بتوع أريحا و يافا في عز و تكييفات
بس مش هما دول
فكر تاني
اللهم أنصرهم ووحدهم
والله لهم الرجال حقا
نعم الرجال أهل غزة وبئس الرجال حكومة مصر
اللهم أنصرهم على عدوهم...أمين
جزاكم الله خيرا على الموضوع،