-
عداد الrpm أتعكس !!!
عربيه بوينتر 2005 ,عداد الrpm أتقلب وبقى يبتدى من ال 70 بدل من الزيرو (ويكمل 60 ,50,..) !!! الموضوع ده حصل بعد ما بتاع المفاتيح وصل العربيه على جهاز عنده علشان يجب الكود بتاع العربيه...... جربنا نفصل البطاريه و نوصلها و العداد كان بيرجع مكانه بس أول ما أدور بيرجع تانى يمشى عكس!!!
حد عنده أى معلومه بخصوص الموضع ده؟
-
هوا لو بيبأا عند ال 70 ولما تدور بيعلى أكتر يعنى الصفر بتاعه ال 70 تبأا محلولة لكن كونه يشتغل العكس دى غريبة جدا!! ومش عايز أقول إنه باظ بس ممكن تكشف عليه تانى بالكمبيوتر عند واحد متخصص ولو ماتصلحش تفكه..
-
غريب أوى الموضوع ده
ومتابع له
بس بكده أنت هتكون صاحب اول عربية تمشى على 120 كيلو فى الساعة .. والrpm على 10
:)))
-
انا بصراحة المشكله ده غريبة بس اول حل تجربة في رأيي انك تحطها على الكمبيوتر تاني وتعمل restart انا كان في واحد صاحبي معاه اوكتافيا برده كان وصل كمبيوتر كام بيعمل حاجه بعديها العربية بقى فيها رعشه كده عمل restart للبوابة رجعت كويسة
-
حصلت معايا فى عداد الحرارة فكيت المؤشر من مكانه و أعدت تركيبه بالشكل الصحيح - ولكن هذا خطا ولا أنصح به
-
فى هنا سؤال بيطرح نفسه أيه علاقه شفره المفتاح أو الكود بعداد الأر بى أم شكلو كده لعب فى حاجه تانيه
عمتا حط العربيه على الجهاز وأدخل على العداد وشوف فى أيرور متسجل ولا لأ أعرف الأيرور بيقول أيه الأول وبعدين خلى اللى داخل بالجهاز يعمله دليت لو أتظبطت يبقى خير وبركه ماظبطتش وقرت الأيرور اللى أتمسح تانى يبقى قدامك حل من الأثنين تروح لحد متخصص عدادات ديجيتال ودا موجود فى الدقى عند بنزينه مصر للبترول يأما تجيب عداد أستيراد وتركبه وبيتهيئلى دى هتبقى صعبه شويه
أن شاء الله يطلع مجرد ايرور ويتمسح وتعود المياه لمجاريها
-
-
لسه معملتش حاجه....أنا عايش فى أسيوط و مستنى أقرب فرصه أنزل مصر.
أنا بفكر أروح بيها التوكيل و أريح دماغى بس ها يرضوا يدخلوها و سبب المشكله ان واحد لعب فيها بره؟
بصراحه البوينتر عامله معايا مشاكل كتير أوى أوى...مش عارف أنا الوحيد الى كده ولا أيه...أنا ناوى أعمل موضوع عن الى شوفه منها
Content Relevant URLs by
vBSEO 3.6.0 PL2