باركولللللللللللللللللللل للللللللللللللللللللللللل لي
الحمد لله دفعت مقدم حجز لفيرنا 16000 هاف اوبشن امبارح
انتو عارفين ان فيها كاسيت رود ستار و زي ما عرفت من المنتدي الفظيع كده انه زباله و مالوش لازمه
فهل من الممكن ان التوكيل يبدلهولي بكاسيت سي دي و ادفع الفرق قبل ماستلم العربيه و يتحسب عليا كاسيت ولا ايه
الف الف مبروك ....انا شوفت فى التوكيل موديل 2008 كانت راكب فيها كاسيت سى دى
بيغيروه عادي و تدفع الفرق
اه ممكن عادى
متعرفوش الفرق كام ؟
ممكن تتصل بعشم نوار و تسأل
أنا عندي كاسيت سي دي نازل فيها ،، بس هوا رودستار برده ،،،
بس مش زبالة و لا حاجة ،،، هوا بس عشان مصري ،،
عربيتك فول ابشن ولا هاف
فول أوبشنز أتوماتيك ،،
ده من الحاجات القليلة اللي عجبتني في العربية الكاسيت ،،
ههههههه
ربنا يباركلك فيها و دعواتك استلم بأه بسررررررررررعه
القعده من غير عربيه صعبه جدا مع انها كانت 127 بس و الله كانت اصيله
خلاص هتوكل علي الله و اخليهم يغيرولي الكاسيت
محدش فيكو يعرف ايه الاجرائات اللي بتحصل بعد ما بتيجي موافقه البنك لغبور
لاني انا دفعت المقدم الالف جنيه و لسه مستني الموافقه يعني عاوز اعرف ايه الخطوات الجايه
مفيش خطوات و لا حاجة ،،
هياخدوا الجواب و تكمل بقية المقدم ،،
بدولك العربية ،، تستلمها كويس بالضمان و ضمان الكاسيت و البطارية و الولاعة و كيس العدة و الكريك و الإستبن ،،
و يدولك جواب المرور تروح ترخص سنة واحدة ،، بس و عشان العربية عليها حظر بيع ،،،
مبروك مقدما ،،
معلش تاعبك اانا هقسط علي 3 سنين مينفعش ارخصها 3 سنين
يعني لازم حوار ارخصها كل سنه ؟
و معلش سؤال تاني ايه رايك في العربيه و الاهم عيوبها
و اخيرا في اي حاجه تنصحني بيها عند الاستلام اخد بالي منها
و خدمه ايليت ليها لازمه ولا لأ معلش زهقتك مني اصلهم بيقولو عليها تخفيض 25%
لأ هو بصراحه كاسيت زباله:)
ده 25 وات يا عم............عمرك شوفت كاسيت عليه نص قيمه حته بالوات ده
و رأيي هتلك كاسيت من بره اللي انت عايزه و فكك من التوكيل
لأن الرودستار ده معفن اوي لدرجه ان شكله مايجبش 300 جنيه علي بعضهم
حوار البنك ده ،، بالنسبة للبنك بتاعي ،، البنك العربي الأفريقي الدولي ،،اقتباس:
المشاركة الأصلية كتبت بواسطة storm_unleashed
مش عارف أيه الأخبار في البنوك التانية ،، بس هما بيعملوا كده عشان يتأكدوا من إنك هتدفع و يدوك جواب اخر كل سنة ،،
بخصوص رأيي في العربية فالفيرنا قتلت بحثا في المنتدي ،، بصراحة يعني اتقال فيها ما قال مالك في الخمر ،،
كفاية بس اقولك علي المميزات من وجهة نظري ،، سحب و لا أروع من كده ، موتور قوي ، عفشة ناعمة ، شنطة كبيرة فعلآ ،، كماليات كويسة
لما تستلم تراجع علي العربية كويس ، مفهاش أي خدوش ، أي حاجة تلفت نظرك ، تراجع علي الزراير و الأنوار و الإشارات ،، تستلم الأوراق كاملة ،، و الحاجات التانية اللي قلتلك عليها ،،
عشان أنا مثلآ نسيت كيس العدة ،، و دلوقتي لو عجلة نامت مش عارف اغيرها إزاي ،،
معرفش حاجة عن خدمة إيليت بس بتهيألي مالهاش لازمة ،، إنشاءالله المفروض العربية زيرو و الصيانة الدورية مش مكلفة ،، و أي حاجة جامدة بتغيرها مجانا تبع الضمان ،، بتهيألي كفاية التأمين عشان الحوادث
بالنسبه لموضوع زوايا العربيه لازم بجد اغير الجنوط ولا مش لازم
و ثبات العربيه علي السرعات العاليه عامل معاك ايه سمعت انه بيبقي فيه رجرجه و كلام من ده
بالنسبة ليا الثبات كويس ،، عشان الجنوط 14 كوري مش مصري ،، عشان كده مجبتش جنوط اسبوراقتباس:
المشاركة الأصلية كتبت بواسطة storm_unleashed
بس فعلآ فيه هزه خفيفة جدا في الدركسيون علي السرعات العالية بعد المئة سببها نوعية الكاوتش بالنسبة ليا عشان جربت بكاوتش جديد ،،
بس مش عايز أغير الكاوتش دلوقتي عشان استهلكه شوية
و قالولي بيروح بعد ما تركب كاوتش من نوعية كويسة ،،
طب فه مشاكل تانيه فيها غير دول
و موضوع ارتفاعها عن الارض سمعت انها بتحك مع المطبات لو كنت مركب ناس ورا هل ده صحيح
و اخيرا جزاك الله عني كل خير متعرفش المعلومات اللي بتعطيهاني دي مفيده قد ايه بالنسبه لي
أنا مش عارف الحكاية دي بصراحة من الحاجات اللي بسمعها كتير ،،
و أنا مش شايفها واطية للدرجة دي و ماشية تحك في كل حاجة ،،
طبيعي بتحك في المطبات العالية مع تحميل العربية ،، بس أنا مثلآ باخد أي مطب عالي بزاوية مايلة و عمري ما بحك أبدا بالطريقة دي ،،
و عموما كان في أخ في المنتدي بيقول اللي بيحك ده قضيبين اسفل العربية مش حاجة مؤثرة ،،
مشاكل تانية ،، الكراسي ناشفة و مش عجباني ،، الدهان بيتجرح بمنتهي السهولة ،، بيقولوا صوت الموتور عالي بس هوا مش مزعج بالنسبة ليا خاصة بعد ما عديت عشرتلاف كيلو ، طبعا ده غير الإنتشار الزفت ،، هتتلخبط في عربيتك من كتر مهتلاقيها في الشوارع زي ما يكونوا بيوزعوها مع الشيبسي
و من المميزات اللي نسيت اقولك عليها ،، التكييف ممتاز مش هتحتاج تزوده عن 2 ابدا ،،
الخلاصة اللي سمعتها من ناس في غبور و انا بسألهم اقبل ماشتريها ،، العربية ممتازة بس بيبقي فيها شوية مشاكل أول مابتستلمها بتضبط في الضمان ،، و انا متفاءل عشان مديري السابق عنده ماتريكس شريها من أول ما نزلت و مشواره اليومي من اخر شارع الهرم للعاشر من رمضان و العربية لسه زي الفل معاه و موتور و فتيس الفيرنا هوا بتاع الماتريكس و الإلنترا القديمة و الجيتز و الكوبيه ،،
و أحلي لون فيها بالمرة عشان ماردش في موضوعك التاني ،، الفيراني(الرمادي الغامق) و الأسود ،،و بعدين الزيتي و الكحلي
و ابعد عن السلفر و السماوي منتشرين بطريقة غير طبيعية
هوا مش موضوعي :)
الف الف الف الف شكر اخي العزيز
حاجة غريبة فعلآ حسيت بيها ،،اقتباس:
المشاركة الأصلية كتبت بواسطة Ahmed Anwer
الهزة الخفيفة دي من 100 ل 120 فقط ،،
بعد كده لحد 160 بتختفي تماما ،،
و طبعا مبجبش اكتر من 160 عشان أنا خواف جدا ،، و إن كنت أعتقد إني ممكن أقفل العداد بسهولة ،،
تظن انه كده معاناها انك محتاج ترصيص مش كده؟
لأ معتقدش ،، بالنسبة ليا
غالبا الكاوتش ،، لأنها مش ثابتة ،، بمعني إنها ممكن تكون موجودة في طرق و تختفي تماما في طرق اخري
و احنا مرة جبنا لعربية نوبيرا كاوتش نوع تركي ،، حول العربية ل 128 ، حدف و ترزيع و كل حاجة ، أعتقد بتبقي نوعية الكاوتش مفهاش المرونة الكافية ،،
و برده واحد صاحبي كان عنده كيا سبكترا تجميع محلي ،، كان عنده فيها نفس المشاكل و راحت ما جاب نوع كاوتش نظيف ،،
اااااه يبقي غير الكاوتش
و ربنا معاك
و اكشف علي الجنط برضه
مش مستهلة ،،
مش فارقة معاي كتير ،، دي خفيفة جدا تقول عليها رعشة خفيفة مش رجة ،،
ألف مبروووووك
احنا كنا من يومين راكبين 7 في العربيه و عديت علي مطبات كتير و محكتش في ولا واحد الحمد لله.اقتباس:
و موضوع ارتفاعها عن الارض سمعت انها بتحك مع المطبات لو كنت مركب ناس ورا هل ده صحيح
و مره في الصيف كنت مركب معايا نفس الناس في مارينا و كنت ماشي من البوابه الاولي للبوابه الخامسه، و اكيد طبعا كلكوا عارفين كميه المطبات اللي في مارينا اد ايه، و ماحكتش برده في المطبات :) بس طبعا المطبات بخدها براحه اوي و العاليين باخودهم بالورب.
شكرا جزيلا ربنا يطمنك
الله يبارك فيك الف شكراقتباس:
المشاركة الأصلية كتبت بواسطة tmz9111
انا لسه مستلم ماتريكس 2008 مانيوال من حوالي شهر وكان فيها كاسيت عادى وحاولت معاهم اني اركب الكاسيت Mp3 اللي في الأوتوماتيك وادفع الفرق مرضيوش
احبطتني يا عم :(
الف مبروووووووووووووك يا باشا
ولا احباط ولا حاجه يا باشا متزعلشي
هما قالولي روح لعشم نوار ولما روحتلو قلي انو هياخد الكاسيت اللي راكب في العربيه بنفس السعر اللي بيبيع نيه لغبور واختار اي كاسيت من عندو وادفع الفرق
كده ممكن
:)