-
لادا نيفا (رجاء الدخول)
السلام عليكم ورحمة الله وبركاته
بعد التحية
انا جديد في السيارات ومعجب جدا بالروسي
وخاصه النيفا
وعندي عرضين معروضين عليا فياريت اشيروا عليا
الاول: لادا نيفا مو 83 مش راشه دواخل وصاحبها بيقول انها مشتغلتش كتير بس مغيره موتور تيوتا ومعها كل حاجتها
(وقد قيل لي ان النيفا لا يحملها إلاموتورها وانها ستفوت)
مطلوب فيها
14,5
الف
=====
العرض الثاني
لادا نيفا مو 84
موتورها الاصلي لم ترش دواخل
بكل حاجتها
مطلوب فيها
18
الف
_ _ _ _
السؤال
ما متوسط سعر الادا النيفا؟
واي عرض افضل ولماذا؟
وهل صحيح انه لا يتم ترخيص العربه بغير موتورها؟
وكم سعر موتور النيفا استعمال!
وأخيرا
كم السعر المناسب لكل عرض!
بأنتظار الرد
-
بص ياجميل
عشان متتعبش نفسك
موضوع السعر ده خاص بحاله العربيه يعنى ممكن تكون عربيه مو 90
ومتساويس اكتر من 15000 مثلا
وتلاقى واحده مو80:85 وتلاقيها فى حدود 17:20 الف
حاله العربيه هى الاهم
بس عموما متوسط السعر مو 80:85 يبدا من 11 الف حتى 17 الف حسب الحاله
اما مافوق 85 :90 فى حدود 14الف حتى 20 الف جنيه
ولو مو 92 تكون فى حدون 15:22 الف
والله اعلى واعلم
ده حسب اسعار السوق دلوقتىىىى وسبحان الله المغير ولا يتغير
وركز قوى وانت بتشترى على حاله الشاسيه والبودى عشان البارومه
وخدها قاعده ولكل قاعده شواذ اى عربيه اقل من مو 80 بيكون فيها شئ من البارومه
وممكن اللى اقل من 85 كمان
وركز فى المنطقه اللى ساكن فيها البايع قريبه من البحر او النيل ولا لا عشان البارومه
وروح مباحث المرور واتاكد من رقم الشاسيه والنمره المكتوبه على العربيه عشان العربيات المضروبه
وياسلام لو قدرت تعرف البالئع شغال ايه بالتحديد عشان تعرف العربيه متهانه ولا لا
يعنى لو مقاول ممكن يكون بياخدها الصحراء ومواقع العمل كتير ده غير الاحمال
ده على سبيل المثال
يعنى اعرف كل كبيره وصغيره عن البائع واكشف على عربيتك كويس القرش اللى بيدفع فى الزمن ده مبنعرفش نعوضه
ومتنساش صلاه الاستخاره ربنا يوفقك للى فيه المصلحه
وخد العربيه اللى معاها موتورها الاصلى حتى لو متغير بس يكون بتاع نيفا
عشان امتع حاجه فى العربيه دى قوتها
-
العرض التاني
و اكشف عليها كويس
-
-
تكرار بالخطئ
بأنتظاز الردود
Content Relevant URLs by
vBSEO 3.6.0 PL2