-
يا جماعه محدش اخد باله انه كان عامل التكييف علي مود الاوتو..؟؟
الأوتو اول تكة في البكرة قبل اقل سرعة للمروحة..
و في حالة الاوتو التكييف بيحاول يحافظ علي حرارة العربية علي درجة معينه..
يعني لو نزلت عنها بيسخن و يعلي تاني لحد ما تتظبط.. بيقلب بين سخن و بارد!!!!!!!!!!!!!!!
كل الفرق انك تقريبا لما روحت و قعدت مع المهندس شغل المروحة علي مود عادي غير الاوتو..!!!
و اللي نزل بمفك تحت العربية كان بيشيك علي الفالفات و لقي الفريون مظبوط.. مش فاضية..
-
معاك حق يا احمد بس المشكله ان صاحب الموضوع مقلش هو خلص علي ايه بالظبط
وزي ما قلت لو اوتو او فول اوتو (بتدوس هولد 3 ثواني على البكره) المهم ده ممكن يخلي السيركيليشن تفتح اوتو وقفل تاني وده يحسسك ان الهوا ضعف وسخن عن لو كانت مقفوله عادي
انا عن نفسي بحب اشغل التكيف بايدي خصوصا عشان موضوع الاوتو وفتح وقفل السيركل ده بيجنني ماله المانيوال زي الفل والله
-
امسك اقفش... معلومة جديدة.. :)
ايه الفرق بيم الاوتو و الفول اوتو..؟؟ و الهولد دي بتعمل ايه مختلف؟؟
اشرح يا معلم.. :)
-
بص يابوب (دي انا جبتها من الكتالوج) انت ممكن في العادي تشغل اوتو وهو ان التكيف يفصل عند درجه حراره معينه وكده
لكن الفول اوتو وهو ان المروحه تعلى وتوطي والريسيكل يفتح ويقفل اوتوماتيك حسب درجه الكابينه وكده
عشان تعمله فول اوتو
تدوس لجوه على بكره التكيف A/c لمده 3 ثواني حتلاقي اللمبه بتاعته بتنور وتطفي كذا مره ونفس الكلام على بكره المروحه
-
معقول برضه..
انا الكتالوج معايا علي فكرة بس موصلتش للجزء بتاع التكييف بصراحة لسة..
بس حاسس كلامك ده في الشكل قبل الحالي..
غالبا الشكل اللي معايا اللي من اول 2008 مختلف شوية عن كده و الاوتو بتاعته بتشتغل بطريقة مختلفة.. :)
هاتـأكد برضه و اقولك..
-
اه صح معاك حق انا قصدي على الموديل اللي كان معايا 2006
على العموم جرب وقولنا ولو مجتش هاتها من الكتالوج على طول ان شاء الله
-
في الشكل الجديد البكرة الاولي من الشمال فيها اول تكة بتاعت الاوتو..
و بعد كده سرعات المروحة..
-
بس أنا بشغله على المنوال على طول .. و المشكلة كانت موجودة الصراحة الموضوع دلوقتى مش موجود .. الحمدلله
Content Relevant URLs by
vBSEO 3.6.0 PL2