حاجة غريبة فى مارشدير اللوجان
أهلا بكل أخواتى فى المنتدى.
فى حاجة غريبة عندى فى اللوجان ملاحظها بقالى فترة وقولت أسال أهل الخبرة يمكن حد يقدر يفيدنى بأذن الله.
فى بداية تعليمى لقيادة السيارات عرفت ان الواحد لما يجيب مارشدير اللمبة البيضا اللى ورا فى العربية بتنور.
انا بركن فى جراج ضيق حبتين فبضطر أجيب الاول والمارشدير كذا مرة ورا بعض علشان أطلع من الجراج , الغريب ان ساعات بجيب المارشدير وأحس انة معشقش كويس وأدوس بنزين علشان العربية ترجع لورا ولكن مبترجعش بالرغم أن اللمبة البيضا بتبقى منورة!!!!!
السؤال هنا أذا كان الغيار معشقش كويس يبقى أزاى اللمبة تنور أبيض؟؟؟؟؟:dzey:
طبعا فى الحالة دية بضطر انى أمور وأشيل رجلى من الدبرياج وأدوس علية تانى وأجيب مارشدير وفى الحالة دية العربية بترجع لورا طبيعى.