افتتاح توكيل صيانة جديد لارتوك اوتو في المعادي على الدائري

قابلت امبارح واحد محترم شغال في توكيل اسكودا وبهزر معاه بقلة يعني الواحد كل لما يحب يعمل صيانة لازم يروح لغاية غمرة مشوار سخيف بالنسبالي والتوكيل ضيق قوي .. والله الراجل فرحني وقالي انه يوم 8/2/2010 القادم أ ن شاء الله هيفتتحوا مركز صيانة على الطريق الدائري بالمعادي على الناحية الاخري من كارفور وقالي ان رئيس التشيك جاي يفتتحة بنفسة
والله انا فرحت لتلت اسباب .. الاول انه قريب جدا من بيتي .. والثاني انه لعل وعسي يكون معمول بمقايس عالمية ويكون حاجة محترمة تسهل تعامل الواحد مع التوكيل .. السبب التالت ان فيه مركز صيانة معتمد في المعادي ورا كارفور اسمة الاقصي والناس كانوا مختلفين عليه جامد ناس تقول فايف استار وهايل وناس تقول لا ميش كويسين بس خلاصة كلام الناس ان المصنعيات فيه غالية جدا ودبح فدا ممكن يعمل حالة من التنافس في عمل عروض او خفض المصنعيات وكله في مصلحتنا ان شاء الله في الاخر
وهي الايام ان شاء الله جيه وان شاء الله نشوف ونقيم
يلا سلاموا عليكم

:10d5c8~1107:

يعنى مصر تكسب :36_7_7[1]::vctry: و كمان يفتحوا مركز صيانه قريب :S_thum1[1]:
والله فرحتنى بجد كده اسهل جدا
بجد الف شكر على الأخبار الحلوه اللى تفرح دى

العفو يا باشا المهم بس يطلع كويس ونستفاد ان شاء الله منه

اقتباس:

---

المشاركة الأصلية كتبت بواسطة marawansabry

العفو يا باشا المهم بس يطلع كويس ونستفاد ان شاء الله منه

---

ان شاء الله

يا مسهل
ليهم سنة بيقولوا على المركز ده واتاخر افتتاحه جدا
يارب يصدقوا المرة دى لان مشوار دير الملاك ده سخيف فعلا
وعلى الله يطبقوا نظام الحجز فيه منعا للتكدس والزحام
والف شكر على الخبر الجميل

اقتباس:

---

المشاركة الأصلية كتبت بواسطة dr_druggist

يا مسهل
ليهم سنة بيقولوا على المركز ده واتاخر افتتاحه جدا
يارب يصدقوا المرة دى لان مشوار دير الملاك ده سخيف فعلا
وعلى الله يطبقوا نظام الحجز فيه منعا للتكدس والزحام
والف شكر على الخبر الجميل

---

العفو يا باشا .. افلحوا ان صدقوا .. وهو 8 فبراير ميش بعيد .. ان شاء الله يبقي حاجة كويسة .. ونستفيد بيه .. كفاية غمرة بقي

إن شاء الله هيكون كويس جدا ... أنا كنت بتكلم مع الأستاذ أحمد محرز نائب رئيس الشركة وقالى ان ده هيكون أكبر واحدث مركز صيانة لسكودا فى العالم .... أيوة فى العالم .. وهيحضر إفتتاحه رئيس جمهورية التشيك بنفسه

اقتباس:

---

المشاركة الأصلية كتبت بواسطة fouad_programer

إن شاء الله هيكون كويس جدا ... أنا كنت بتكلم مع الأستاذ أحمد محرز نائب رئيس الشركة وقالى ان ده هيكون أكبر واحدث مركز صيانة لسكودا فى العالم .... أيوة فى العالم .. وهيحضر إفتتاحه رئيس جمهورية التشيك بنفسه

---

والله دا حضرتك كمان عندك اخبار .. عالله يطلع كويس .. وميلموش تمن المركز الجديد من العملاء .. يعني كلة بالمعقول

اقتباس:

---

المشاركة الأصلية كتبت بواسطة fouad_programer

إن شاء الله هيكون كويس جدا ... أنا كنت بتكلم مع الأستاذ أحمد محرز نائب رئيس الشركة وقالى ان ده هيكون أكبر واحدث مركز صيانة لسكودا فى العالم .... أيوة فى العالم .. وهيحضر إفتتاحه رئيس جمهورية التشيك بنفسه

---

يا مسهل وكل ما نتمناه حقيقة ان يكون مركز يليق باسم سكودا الكبير والمحترم
شكرا جزيلا على المعلومة وتاكيد الخبر

أنا كدة اتلغبطت .. هو اللي في المعادي مركز صيانة ولا تجميع

بعد سؤال وتفحيص وتمحيص في ثلاث مسائل:

اولا: موضوع مركز الصيانة الجديد .. فهو اتحطلة حجر الاساس انهاردة وان شاء الله هيتم العمل به ابتداء من شهر 7 لسنة 2010 يعني كمان 5 شهور ان شاء الله.

ثانيا : موضوع تجميع اسكودا هو لغاية دلوقتي هو مازال مشروع لم تستقر شركة اسكودا حتى الان على الوضع النهائي وعلى النوع اللي هيتجمع (في حال الاستقرار النهائي على التجميع) بعد دراسة الجدوى بتاعت الموضوع .. لتحديد استيعاب السوق ورضاه واي نوع يمكن البدء به .. بس الموضوع هو فكرة تجميع اسكودا في مصر هي اللي طرحت واتوافق عليها.

ثالثا: العربية الجديدة اللي اعلن عنها امبارح ا 1400 سي سي مانيوال فقط ماتور تربو tsi وتمنها 195 الف جنية ، والتانية اتوماتيك 1800 سي سي ماتور تربو tsi وتمنها معدي ال 400 الف جنية مستريح (ميش فاكر بالظبط كام).

:Oc_sun1[1]:

490000 بالظبط يا مروان بيه وموجودة منطقة حرة طبعا بسعر اقل بس طبعا منطقة حرة متنفعش معانا (عشان الى مش عارف)

اقتباس:

---

المشاركة الأصلية كتبت بواسطة fouad_programer

490000 بالظبط يا مروان بيه وموجودة منطقة حرة طبعا بسعر اقل بس طبعا منطقة حرة متنفعش معانا (عشان الى مش عارف)

---

تمام يا باشا .. بص بالمرة بقي .. المانيوال اللي بي 195 الف جميع الكامليات (يعني نفس كامليات الهاي اليجانس بتاع الفانتازيا) ماعدا الفتيس المانيوال وطبعا الماتور التربو 92 كيلو وات اي ما يعادل تقريبا 122 هورس باور (ا كيلو وات = 1.4 هورس باور تقريبا)

أعتقد ان الكلام ده مش صحيح

اقتباس:

---

المشاركة الأصلية كتبت بواسطة osha966

أعتقد ان الكلام ده مش صحيح

---

اني كلام ؟؟ واية اللي ميش صح ؟؟ من فضلك وضح بس علشان تعم الفائدة !!!!!!!!!!!!!!!!!!!!!!!!!!!!!!!!!!!!!!!!!!

:ask:

المركز الجديد دايما نسمع عنة بس شكلة كدة لسة بدرى علية

اقتباس:

---

المشاركة الأصلية كتبت بواسطة mohameduoser

المركز الجديد دايما نسمع عنة بس شكلة كدة لسة بدرى علية

---

اهو يا باشا شهر سبعة قرب وادينا هنشوف .. ربنا يسهلها وكلها فايدة لينا ان شاء الله
:Ob_mak1[1]:

ياريت ان شاء بزات علشان اعمال السمكرة فى غمرة بتاخد و قت كبير

اقتباس:

---

المشاركة الأصلية كتبت بواسطة mohameduoser

ياريت ان شاء بزات علشان اعمال السمكرة فى غمرة بتاخد و قت كبير

---

راي شخصي .. اعتقد ان اعمال السمكرة ميش لازم تروح التوكيل .. في ناس بتشتغل شغل سمكرة عالي قوي وعلى البارد ولو حتى على السخن بيبقي شغل نضيف قوي .. واحيانا التوكيلات بتوديلهم .. اعتقد في واحد في الزاويةالحمراء التوكيلات كلها ببتعامل معاه .. وفي واحد في الدويقة في المقابر برضة ايدية حرير .. دا راي

بس الواحد يحب يكون فى المضمون