أولا الحمد لله على كل شىء و الحمد لله إنى سليم و برسونتى تقريبا سليمة.:B4_592:
أنا مش عارف لإمتى الدنيا هتفضل ماشية بالعكس
الغلطان صوته يعلى عشان يدارى غلطه
و البلطجة دلوقتى فى كل مكان و فى أى موقف :khd:
رابع حادثة لحد دلوقتى و يا رب تكون الأخيرة خالص:rfds:
ماشى فى شارع جانبى فى المهندسين اسمه الحسن خارج منه على شارع جانبى أكبر شوية و اتجاه واحد اسمه عمان واصل ما بين شارع السودان و شارع محيى الدين و ببص فى الاتجاه الطبيعى اللى المفروض تكون جايه منه العربيات و عربية جاية فى أوله ضاربه نور و خارج بلف على الناحية التانية و أنا متابع بطرف عينى العربية اللى جاية لأحسن يتجنن و يدوس بنزين فجأة و يحاول يعدى قبل ما أطلع من الشارع و فجأة و بدون مقدمات طااااااااااااااااااااااخ :funny34d:
لبست فى نوبيرا جاية من الناحية التانية
طبعا أنا اتخضيت من قوة الخبطة على الرغم من إنى كنت بلف فكنت على مهلى تماما بس ماعرفش بصراحة هو كان ماشى على كام و نزلت بصيت على العربية ما كنش باين أوى اللى حاصل الحمد لله لكن اكصدام النوبيرا اتكسر نسيت إن أنا فى شارع عمان و نسيت إنه اتجاه واحد و بعتذر للراجل :B4_611:
صحيح هو كان مؤدب لا صوته على و لا غلط بس كان شايفنى غلطان و بسوق سرحان و لازم أدفعله تمن الإكصدام
دورت على كارت أديهوله مؤقتا عشان يعرف يتصل بيا مالقيتش قمت مكلم والدى خليته يكلموا و خلصت المكالمة بينهم على إنه خلاص هيستعوض ربنا و يسامحنا و يصلحها هو بعد ما والدى اتحايل عليه ييجى يصلحاله فى أى مكان هو عايزه و والدى قاللى آخد نمرته احتياطيا و مشى.:36_7_4[1]:
كنت هديت شوية و بدأت أشوف اللى حصل لعربيتى النمرة شالت كتير من الخبطة و اتطبأت و الإكصدام فيه شرخ طولى واضح ده غير إنه اتفك شوية من الجنب و الكبوت خد نقرة قوية كده على الماشى
على قوة الخبطة الحمد لله طبعا و مقارنة باللى حصلله الحمد لله تانى:B4_444:
بس أول ما شفت اليافطة بتاعة شارع عمان و أنا اتسمرت فى مكانى على اللحظة اللى لجمت لسانى و قعدت أعتذر و أدافع عن نفسى و كأنى غلطت غلط لا يغتفر و هو أصلا اللى غلطان و جاى عكسى لأ و كمان ماشى بسرعة على مفارق :H_angry[1]:
لقيت نفسى دمى اتحرق آخر حاجة و مش طايقنى بصراحة من الخضة و عنف الحادثة نسيت إنى مش غلطان و باصص على المكان الصح لكن نقول إيه بقى و المصيبة إنه كان هياخد منى تمن الإكصدام:I_angr1[1]:
أنا مش عارف ده يبقى اسمه إيه بالظبط :dzey: