تشميع الكيا فى البيت للمبتدئين ... بالصور و الأسعار
بسم الله الرحمن الرحيم و الصلاة و السلام على أشرف المرسلين
اسمحولى هتلاقونى متوتر شوية لأن ده أول موضوع ليا فى المنتدى
و هو عن تشميع السيارة السيراتو كما هو مكتوب فى كتالوج السيارة
فوائد التشميع :
1- حماية الطلاء من التراب و الشمس و الأهم من ذلك هو مسحة البواب للعربية ههههههه
2- سهولة غسيل العربية بعد كدة لأن المية بعد كدة مش هتقف على العربية مطلقا
http://www2.0zz0.com/2010/01/29/19/276389894.jpg
3- عدم تراكم الشبورة على الإزاز (إفتكاسة جديدة دى ولا ايه) ايوة هو كدة فعلا
4- لمعة مجنونة على جوهرتك المكنونة (السيراتو) زى ما هتشوفوا فى الصور تحت
5- بيشيل الخدوش الصغيرة أوى
تنويه: اللى هيتقال ده لازم تعمله بنفسك مش تقول للبواب ولا السايس روح اعمل كذا و إلا هتندم فى وقت لا ينفع فيه الندم ... و لازم يتعمل فى مكان نظيف و فى يوم مفيهوش تراب:B4_592:
الخطوات:
1-توكل على الله و اغسل العربية غسلة محترمة بالخرطوم و الجنرال و ادعكها كويس بإيدك و بعدين نشفها كويس
http://www5.0zz0.com/2010/01/29/18/581223334.jpg
2- شغل أغنية حلوة كدة على العربية ما تنشف على الأخر ههههههه :B4_033:
http://www13.0zz0.com/2010/01/29/18/996578844.jpg
3-المكونات: فوطتين نظيفتين و ناعمتين + علبة واكس امريكانى بتتباع فى الهايبر ماركتات و محلات الكماليات ب 25 جنيه + قلم سبورة اسود أو فضى لو كان لو عربيتك اسود أو فضى من أى مكتبة ب 5 جنيه بس من النوع اللى مبيتمسحش بالماء (تأكد من دى كويس)
http://www3.0zz0.com/2010/01/29/18/150217282.jpg
http://www3.0zz0.com/2010/01/29/18/830557700.jpg
4- صلح الخدوش الصغيرة أوى اللى الزلط و الرمل بيعملوها مع العلام إن القلم ده نفس لون العربية تماما و لما بينشف بيسيب لمعة خفيفة أوى بس بتروح مع الغسيل ... و مترسمش بالقلم لأ ... حدد خط رفيع أوى فوق الخدش
5- محتويات العلبة عبارة عن سفنجة و الواكس أو الشمع (السفنجة ارميها على جنب و اوعى تستعملها)
http://www3.0zz0.com/2010/01/29/18/893425043.jpg
6- خد مسحة واكس على الفوطة الناعمة و ادعك بيها جزء جزء من العربية هتلاقيه مدهنن شوية ... امسحه بالفوطة التانية و بسرعة لأنه بينشف مع الهواء فى خلال دقيقتين ... و ادعك بيها كويس أوى لحد ما الدهننة تروح خالص
http://www3.0zz0.com/2010/01/29/18/259287848.jpg
http://www3.0zz0.com/2010/01/29/18/805220830.jpg
http://www3.0zz0.com/2010/01/29/18/269889299.jpg
7- بعد ما تخلص العربية كلها هتحس إنها برضه لسة مدهننة ... روح ماسحها بفوطة ثالثة خشنة زى دى كدة (و هى دى أهم حاجة فى الموضوع) بس متدوسش أوى علشان متجرحش الدهان ... خفيف خفيف كدة... العربية كلها ممكن تاخد ساعة شغل
http://www14.0zz0.com/2010/01/29/18/683714407.jpg
8-بعد ما هتخلص هتلاقى المنظر بقى كدة ... قول الله أكبر فى سرك هههههههه
http://www14.0zz0.com/2010/01/29/18/301856420.jpg
http://www2.0zz0.com/2010/01/29/19/566173642.jpg
9- ممكن متحسش بلمعة الواكس على العربية لو كانت جديدة لأن العربية أصلا بتلمع إنما لو استخدمتة على عربية قديمة شوية هتدعيلى بجد
10- متنساش تعمل الإزاز من برة و حوة علشان الشبورة متقفش عليه زى ما اتفقنا
http://www13.0zz0.com/2010/01/29/19/416349675.jpg
11- و الجنط كمان علشان لو دبيت بالعربية فى مية مش نضيفة الجنط يفضل نضيف
http://www2.0zz0.com/2010/01/29/19/767865738.jpg
12- تعمل ايه لو الواكس نشف و لاقيت العربية مدهننة لسة ... امسحها تانى بالفوطة الخشنة و لو مطلعتش هات السفنجة اللى كنا رميناها و امسح بيها الحتة اللى بقعت هتلاقيها بقت مراية
13- يا سلام بقى لو عملنا زى الخواجات و خدنا العربية 3 -4 أوشاش واكس هتبقى أحلى و أحلى ... حتى الأن انا أخدتها وشين على يومين
14- تعالى بقى تانى يوم و ادلق جردل ميه على العربية هتلاقى المية واخدة التراب و نازلة تتزفلط
15- فيه ناس بتقول منعملها عند بتاع البوية بالبتاع اللى عامل زى الصاروخ ده ... لأ بلاش بياكل البوية
أرجو إن الموضوع يكون عجبكم ...لو كان حلو أرجو التثبيت للإفادة ... إن كان مش قد كدة بلاش أحسن ...:Oc_sun1[1]::Oc_sun1[1]::Oc_sun1[1]: