أخوكم لسة مبتدأ قيادة. عندى مشكلة فى التويوتا العيون 98 وهى ان الدركسيون بيحصل فيه رعشة لما بادوس فرامل من على سرعة عالية.
حاجة تانية : فى ناس قالولى ما تغسلش الموتور بالمياه اغسلة بالفوم والهواء بس، ايه الحكاية دى؟
أرجو الافادة وشكرا لكم
عرض للطباعة
أخوكم لسة مبتدأ قيادة. عندى مشكلة فى التويوتا العيون 98 وهى ان الدركسيون بيحصل فيه رعشة لما بادوس فرامل من على سرعة عالية.
حاجة تانية : فى ناس قالولى ما تغسلش الموتور بالمياه اغسلة بالفوم والهواء بس، ايه الحكاية دى؟
أرجو الافادة وشكرا لكم
أول مشكله دي الطنابير مريجة يا تخرطها (لو نفع) يا تجيب جوز طنابير قدام
التانيه فعلا خطر غسل الموتور بالميه
ونصيحة متغسلش العربيه وهيا سخنه لإن ده يبوظها وهو السبب الرئيسي في ريجة الطنابير
المشكله أنك ممن تجيب طنابير أصلى وجديده وتطلع وحشه برده وده الحصل معايا.
المشكله الاولانيه في الطنابير
اكشف عليها و لو فيها مشكله غيرها
بلاش خرط و لا يحزنون
و بلاش تغسل المكنه بالميه
خليك بالفوم و نشف بالهوا
و كان الله يحب المحسنين
لان الميه ممكن تبوظ البوجيهات و الاسبراتير
و العربيات تعد تنتش معاك بعد الشر
مشكلة الدركسيون دى كانت عندى بردو، و راحت تماما بعد ظبط الزوايا، لو الطنابير سليمة اظبط زوايا و هوا و هتدعيلى.
أما عن غسل الموتور، أوعى تغسله ب المية ده بيبوظ البوجيهات و يخلى العربية تنتش ، يا اما تغسل بفوم أو الأحسن كمان بس أغلى الغسيل الكيماوى فى مكان محترم.
كنت ومازلت عندي رعشة في الدريسكيون لما أدوس فرامل وبخاصة عند السرعات العالية
وغيرت الطنابير قدام بأخري أصلية وجديدة ومفيش فايدة، ظبطت زوايا قدام ووراي ورصصت عجل وبرضه مفيش فايدة
أنا قلت بقى أتعايش مع الوضع الحالي ... بس المشكلة لما حد بيكون راكب معايا العربية .. بيسبب لي حرج والفتاوي تبدا تظهر من دا ودا ... بصراحت زهقت ... وسلمت أمري لله
ممكن تكشف على الكوتشات ممكن تكون فيها حاجة