استلمت السيراتو و تقييم بسيط
الحمد لله يوم الأربع استلمت السيراتو sx كانت 116000 تسليم فورى توكيل
طبعا التقييم هيكون شبه مقارنة بينها و بين عربيتى التانية هوندا سيتى 2007 1.5
السيارة من الداخل:
العربية تفوقت على الهوندا من الفخامة بدأ من جلد الطابلوه جلد الطارة جلد البيبان الممزوج بالخيط الأحمر و طبعا تفوقت على الهوندا فى الوسع الداخلى
الأداء:
الموتور: لم اتعدى سرعة 100 و لكن اعتقد ان الموتور ليس بقوة موتور الهوندا رغم ان الهوند 110 حصا و عزم 143 لكن اعتقد اداء السيراتو سيتحسن مع الوقت
العفشة: لم اتوقع ان تكون العفشة ناشفة لهذه الدرجة و احس انها اضعف من عفشة الهوندا بمراحل
الهوندا تفوقت فى النقطة دى بكتيير
الفتيس و دواسة البنزين: استجابة دواسة البنزين جيدة و لكن ليست بمستوى الهوندا
و استجابة الفتيس بطيئة نوعا ما
الأنوار الأمامية : قريبا نوعا ما من مستوى الهوندا و لكن العالى فى السيراتو مش عاجبنى
الثبات: اعتقد سيتفوق على السيتى اعلى من 160 نظرا للأرتفاع السيتى المهول 160 مم
الفرامل: السيراتو تتفوق بشدة فى الفرامل عن السيتى رغم ان الأتنين جيدين بس استجابة الهوندا للفرامل بطيئة نوعا ما و مشوارها طويل ( العربيتين ABS)
و انشاء الله هعمل تقرير تانى اول لما اعدى ال 5000
و انا عارف انى ممكن اتهاجم من محبى الكيا و الهوندا لكن اقسم بالله هذا رأى المحايد تماما و بعض الناس هتقول الهوندا قديمة بس انا بقول انا فاكر احساسى اول لما ركبت الهوندا و بصراحة العربية ذى مكانت عاملة 60 كم زى دلوفتى ال 30 الف الى عملاهم