ايه اللى بيحصل فى مصر اليومين دول ... للدرجادى ؟؟؟
السلام عليكم ورحمة الله وبركاته
معلش أستحملونى شويه بس أنا عايز أفضفض معاكوا شويه علشان متضايق جدا" والله العظيم
طبعا" احنا معروفين اننا مش بنعرف نعمل أفلام مصريه يعنى عندنا ممثلين ومعندناش خبرات
من فتره طلعت هوجه أسمها الأفلام الكوميدى
ظهر ممثلين كتير زى محمد سعد وهنيدى وممثلين كتير
كانت أفلام جيده مش وحشه على الأقل بتظهر ابتسامه على الوجوه ... صح ؟؟؟
دلوقتى الموضه الأفلام بتتكلم على الفساد والشباب الفاسد وهيفاء وهبى ومين عمل أحسن فيلم فيه أغراء ومين أحسن ممثلة اغراء وكلام تانى كتير
المصيبه ان اليومين دول الموضوع ده زاد عن حده ليه كده ؟؟؟ فين الرقابه وفين الدين
والكارثه فوق كل ده انها بتنجح وبتعمل ايرادات
يعنى فوق كل ده فلوس فى الهوا ويارتها فلوس حلال
للدرجادى ؟؟؟ للدرجادى مفيش خوف ؟؟؟ يعنى مفيش دين ؟؟؟
أنا بصراحه أبتديت صلاه من سنتين والحمد لله ربى رزقنى بمجموعة شباب محترم جدا" ميعرفش حاجه اسمها انحراف والحمد لله أنا معاهم مستمتع جدا" جدا"
مش معنى كده انى كنت منحرف ... لأ طبعا" أنا كنت شاب عادى بس بدون تأسس يعنى شاب عادى ميعرفش راسه من رجليه
دلوقتى الحمد لله أتعدلت وساعت ما أتعدل الاقى شيطان الأنس بيطاردنى فى كل مكان
يعنى لما أفتح التليفزيون الاقى اعلانات على الكلام ده أعمل ايه ؟؟؟
هقول حاجه واحده بس (حسبى الله ونعم الوكيل )
دا احنا عدينا الأفلام الأجنبى اللى فيها أغراء بمراحل علشان مش بنعرف نمثل علشان خاطر الفلوس
والله عندهم حق السعوديين يقولوا علينا كده
للدرجادى ؟؟؟ برضه هرجع أقول حسبى الله ونعم الوكيل .
