فى حد أستلم ماروتى 2010 وما هى أخبارها وهل تفرق عن 2009

السلام عليكم ورحمة الله وبركاتة .فى حد أستلم يا شباب الماروتى 2010 وما هى أخبارها أنا شايف أن محدش جاب سيرة عنها أنا لسة مستلمتش وكنت عايز أعرف أخبارها أية وهل تفرق كتيير عن 2009 فروقات جوهرية غير السنتر والآنذار والكاسيت .وما هو مستوى السنتر والآنذار والكاسيت. وهل التوكيل وهو بيركبهم بوظ حاجة فى الآسياسيات بتعتها من الفرش وعوازل الحرارة .أنا كنت عايز أجيب 2009 بس خلصت علشان أتجنب اللعب فى العربية من التوكيل لآنهم للاسف بيبوظوا مش بيصلحوا وكنت هركبهم برة التوكيل لكن قدرالله وما شاء فعل .ويمكن لينا نصيب فى 2010 والآستلام أن شاء الله على نصف فبراير فكنت عايز أعرف أية أخبارها من الناس اللى أستلمت وفى نفس الوقت معلومة لكل الماروتية عن أخبارها وأنا بالنسبالى لما أستلم أن شاء الله هعمل تقيم عام عنها بأذن الله فكنت عايز المبادرة من الناس اللى أستلمت . وجزاكم الله خيرا

انا الحمد لله استلمت 2010 وفيها انذار وكاسيت وسنتر لوك ومروحة بارد وساخن (معرفش دية كانت فى 2009 ولا لا) والدنيا شغالة بدون مشاكل
الحمد لله العربية عجابنى ومبسوط بيها جدا واظن ان الحاجت دية جاييه بيها لكن برده الله اعلم
ومبروك مقدما

يا تري سعرها كام ؟

اقتباس:

---

المشاركة الأصلية كتبت بواسطة romeo_6887

يا تري سعرها كام ؟

---

سعرها دلوقتى 38000 جنية

اقتباس:

---

المشاركة الأصلية كتبت بواسطة amrshaban

انا الحمد لله استلمت 2010 وفيها انذار وكاسيت وسنتر لوك ومروحة بارد وساخن (معرفش دية كانت فى 2009 ولا لا) والدنيا شغالة بدون مشاكل
الحمد لله العربية عجابنى ومبسوط بيها جدا واظن ان الحاجت دية جاييه بيها لكن برده الله اعلم
ومبروك مقدما

---

الله يبارك فيك هى بتنزل مصر فاضية وبيتركبلها هنا الكاسيت والسنتر والآنذار علشان كدة أنا خايف ليبوظوا حاجة فى فبريكة العربية وهم بيركبو الحاجات دية مثل عوازل الحرارة لآنها أهم حاجة علشان الحرارة اللى جاية من الموتور ما تدخلش كابينة السائق الصالون يعنى وبتبان أكتر فى الصيف . دة غير أن الحاجات دية بيركبوها من غير نفس ومن أرخص الآجهزة وبتبوظ بسرعة .دعاية أونطة وبيلهفوا 2000 جنية زيادة عن موديل 2009 فى الحاجات المضروبة دية . ربنا يسترها معانا يا رب

الله يبارك فيك هى بتنزل مصر فاضية وبيتركبلها هنا الكاسيت والسنتر والآنذار علشان كدة أنا خايف ليبوظوا حاجة فى فبريكة العربية وهم بيركبو الحاجات دية مثل عوازل الحرارة لآنها أهم حاجة علشان الحرارة اللى جاية من الموتور ما تدخلش كابينة السائق الصالون يعنى وبتبان أكتر فى الصيف . دة غير أن الحاجات دية بيركبوها من غير نفس ومن أرخص الآجهزة وبتبوظ بسرعة .دعاية أونطة وبيلهفوا 2000 جنية زيادة عن موديل 2009 فى الحاجات المضروبة دية . ربنا يسترها معانا يا رب[/quote]


ربنا يستر بس انت متاكد من الكلام ده انت كده قلقتنى وازاى الواحد يتاكد من ان الدنيا تمام

ربنا يستر بس انت متاكد من الكلام ده انت كده قلقتنى وازاى الواحد يتاكد من ان الدنيا تمام[/quote]

للأسف هتتعرف لما نستلم العربية من المشاكل اللى ممكن تحدث بعد كدة وأولها تسرب الحرارة الى الصالون ومشاكل الآنذار والسنتر والكاسيت . أنا مش عايز أكون متشائم لآن كل شىء أسمة ونصيب وممكن تلاقى بعض الماروتية 2010 ما عندهمش مشاكل خاصة من الحاجات دية والآغلبية مش عارف لية حاسس أن هيكون عندهم مشاكل من الحاجات دية . يا ريت الآخوة الماروتية اللى أستلموا يبشرونا بالخير . وربنا يسترها معانا جميعا

يا أخ amrshaban أية رئيك فى عجل العربية هل بتفكر تعرض الكاوتش على نفس الجنط ال 12 ولا أفضل تغير جنوط سبور لمقاس 13 ولا هتخليها كدة أية رئيك فى الموضوع دة

تانى حاجة أية أخبار العفشة وألات الجر والموتور يعنى بتدبدب فى المطبات ولا بتمتص المطبات وأية أخبار الفرامل حلوة ولا ما تسعفكش بسرعة فى المواقف الصعبة يعنى الفرامل قوية وبتسعف ولا ضعيفة

يا ريت الآجابة على كل الآسئلة دية وفى نفس الوقت تكون بتعملنا تقييم عن العربية مبدءى وربنا يسترها معاك ومعانا جميعا يا رب وبالتوفيق ان شاء الله

اقتباس:

---

المشاركة الأصلية كتبت بواسطة Abdm

يا أخ amrshaban أية رئيك فى عجل العربية هل بتفكر تعرض الكاوتش على نفس الجنط ال 12 ولا أفضل تغير جنوط سبور لمقاس 13 ولا هتخليها كدة أية رئيك فى الموضوع دة

تانى حاجة أية أخبار العفشة وألات الجر والموتور يعنى بتدبدب فى المطبات ولا بتمتص المطبات وأية أخبار الفرامل حلوة ولا ما تسعفكش بسرعة فى المواقف الصعبة يعنى الفرامل قوية وبتسعف ولا ضعيفة

يا ريت الآجابة على كل الآسئلة دية وفى نفس الوقت تكون بتعملنا تقييم عن العربية مبدءى وربنا يسترها معاك ومعانا جميعا يا رب وبالتوفيق ان شاء الله

---

والله بالنسبة للكاوتش انا اصلى جديد فى العربيات ودية اول عربية اسوقها فانا معنديش فكرة عن الفرق اللى بتقول عليه

بالنسبة للعربية والعفشة والفرامل وكل ده
انا الى الان مالاحظتش على العربية اى حاجة مش مظبوطة سواء فى عفشة او فرامل وهكذا حاسس انها عربية زى اى عربية والدنيا Peace
يعنى مش ملاحظ فيها اى عيوب وحاسس انها كويسة

ان شاء الله ها شترى ماروتى قريب باذن الله

شكرا لكم على المعلومات

السلام عليكم ..
أنا حاجز ماروتى 2010 من التوكيل من يوم 28 ديسمبر2009 ولحد دلوقتى ما أستلمتهاش وكل ما أسئل التوكل يأجل فى ميعاد التسليم ومش بيدونى سبب. مرة يقولولى الشحن أتأخر ومرة يقولولى الجمرك ...
حد يعرف حاجة عن الموضوع دا
أو حد كان حاجز وأستلم

شكرا.

سيبك من الوكيل وراح اية معرض واشتريها

اقتباس:

---

المشاركة الأصلية كتبت بواسطة amir_mostafa

السلام عليكم ..
أنا حاجز ماروتى 2010 من التوكيل من يوم 28 ديسمبر2009 ولحد دلوقتى ما أستلمتهاش وكل ما أسئل التوكل يأجل فى ميعاد التسليم ومش بيدونى سبب. مرة يقولولى الشحن أتأخر ومرة يقولولى الجمرك ...
حد يعرف حاجة عن الموضوع دا
أو حد كان حاجز وأستلم

شكرا.

---

اخى العزيز انا روحت اليوم حجزت من معرض عندنا فى اسكندريه اسمه اباظه مقابل نادى المهندسين على البحر وكان عارض واحدة فضى فى المعرض وخيرنى بين الوان كتير دهبى واسود وابيض واحمر وازرق واخترنا الحمد لله الدهبى وان شاء الله حايجبها المعرض من المخازن بكره بس المشكله التسجيل فى المرور بياخد يومين ماعرفش صح ولا ايه بس قالى لو عاوز تحط نمر تجاريه ب70 جنيه لليوم خدها بكره طبعا انا موش مستعجل اوى عشان كدا مارضتش
بس التوكيل ماعرفش ليه متاخر كدا

شكرا على الردود والنصائح