الواجا ولا الجين 2 ... أفيدونا أفادكم الله

**momopersona** · 31-01-2010 06:30 AM

معلزمه اضافيه
قطع غيار الواجا اغلى من الجين تو واعادة البيع نفس النظام
لكن الواجا اوسع وافخم ومش شبابى
اللى بين البينين البيرسونا حبيبتى
واخده قطع غيار واعادة بيع الجين تو
واوسع قليلا من الجين بسبب علو السقف ورا والشنطه اكبر
وشكلها ينفع للشباب والكبار
ولكن فى الاول والاخر ال 3 عربيات عربيه واحده كشاسيه وموتور وعفشه
واهم شىء الارتياح النفسى والاستخاره.

**Abo.Mayyam** · 31-01-2010 12:26 PM

ملحوظة... تأخير نزول الموديل عندنا هنا أكيد عشان الضغط الكبير على مصنع بروتون...

**mohamedabutrika** · 01-02-2010 11:58 AM

أنا الحقيقة بحب شكل ال Gen-2 الخارجي جدا تحس إنها الجنية فعلا
لكن ال Waja تقفيلها أجمل من جوه و أقيم

**تامر.محمد** · 11-02-2010 07:59 PM

سلام عليكم
انا كمان معايا لانوس , و معجب بالجين2 جدااااااااااااااا :)
رغم اني و الله باحب عربيتي اللانوس1 جدا جدا جدا و باعاملها كأنها عربية زيرو مع انها لانوس 1 موديل 99 و لما بافكر اني يوم ما اجيب عربية تانية ان شاء الله هاضطر ابيعها باتضايق , و على فكرة , انا معتبرها لا تقل جمالا في الشكل عن الجين2 ( رأي شخصي )

بس للاسف هي خلاص بقت عربية قديمة , ده غير اني فعلا حابب الجين2 جدا
يا مين يقدرني على شرا جين2 و اخلي اللانوس معايا ( طمع بقى )

المهم
انا عموما مش هاقدر اغير العربية قبل سنة ان شاء الله لأني وضبت في اللانوس بتاعتي جامد و مستحرم اني ابيعها دلوقت , و ثانيا اني مش متاحة معايا السيولة اللي تجيب عربية جديدة حاليا خصوصا اني كاره القسط

المهم سيبنا من طقم الفضفضة اللي فات ده :)))))

انا بصيت على أسعار قطع غيار الجين2 , انا لقيتها تقريبا قد اسعار قطع غيار اللانوس ( الأصلي مقابل الأصلي ) 3 او 4 مرات
و بصراحة ده رعبني
يمكن اللي يقدر يكلمني عن الحتة دي حد معاه جين2 و كان معاه قبلها لانوس

النقطة التانية , خامات التابلوه , اللي مفروض من عيوب الجين2 ردائتها , هل هي تقل في الجودة عن خامات تابلوه اللانوس ؟