يا جماعة أنا معايا لانوس وعاوز أشتري بروتون تنصحوني بالواجا ولا الجين تو ؟
معلوماتي طبعا إنهم أعلى من الساجا والبيرسونا .... صح ولا إيه ؟
عرض للطباعة
يا جماعة أنا معايا لانوس وعاوز أشتري بروتون تنصحوني بالواجا ولا الجين تو ؟
معلوماتي طبعا إنهم أعلى من الساجا والبيرسونا .... صح ولا إيه ؟
اولا مبروك مقدما
ثانيا والواجا والجين2 والبرسونا نفس الامكانيات ..نفس الموتور..نفس وسائل الامان .. نفس الثبات ..نفس اسعار قطع الغيار .. نفس الاسعار تقريبا مع اختلاف الشكل الخارجي والوسع الداخلي
الجين 2 والبرسونا واحد بس الشنطة اكبر في البرسونا مع الشكل الشبابي الجذاب
الواجا اوسع من ناحية الحجم والوسع الداخلي بس مش شبابي زي الجين 2
الجين 2 هي هي ال persona بس واحدة left back وواحدة سيدان.
waja هيتغير شكلها قريب فبلاش منها بس هي نفس الموتور 1600, و تعتبر افخم موديل في موديلات Proton.
ال Saga اقل واحدة في الموديلات السابقة, وهي تعتبر في نفس فئة اللانوس بس على أنضف.
لو اخترت حاجة في نفس فات اللانوس السعرية يبقى Saga, لكن لو عايز تجيب 1600 يبقى أرشحلك جين 2 أو Persona
هو حتى لو اتغير يبقى هينزل مصر 2012 او 2013
شكرا جدا على معلومة تغيير شكل الواجا ... بس يا ترى تعرف مكان أشوف صورة الموديل الجديد فيه ؟
لإن بصراحة الشكل الحالي بيعجبني جدا وكان نفسي أجيبها من سنتين لكن العين بصيرة والإيد قصيرة واضطريت أجيب اللانوس مستعملة خصوصا إني كنت لسه باتعلم ... وانت طبعا لانوس زيي زحاسس بالفرق في الشكل ... اللهم لا حسد للإخوة اللي معاهم الواجا والجين 2 .
أنا لما باشوف البروتون على الطريق قلبي بيدق بسرعة ... أكتر من السيراتو والالنترا وحتى الأوكتافيا .
في حاجة غريبة بتشدني لموديلات البروتون الجديدة خصوصا الجين 2 والواجا .
الزميل felix تقصد تقول إن مصر متأخرة عن الدول الأخرى اللي فيها بروتون ؟
يعني لو الشكل الجديد للواجا نزل برة في 2011 يبقى برضه هاينزل مصر 2012 او 2013 ؟
انا حسيت من كلامك انك بتحب الجين 2 أكتر لكن لقيتك راكب واجا ... خير كفى الله الشر ؟
أكيد يا باشا حاسس بالفرق..بالنسبة لسؤالك, الجين 2 اتعملها facelift بره مصر في 2008, ونزل عندنا في 2009, فاحنا آه بنبقى متأخرين سنة غالبا.
معلش معلش أصل أنا غشيم شوية
يعني ايه facelift ؟
معلزمه اضافيه
قطع غيار الواجا اغلى من الجين تو واعادة البيع نفس النظام
لكن الواجا اوسع وافخم ومش شبابى
اللى بين البينين البيرسونا حبيبتى
واخده قطع غيار واعادة بيع الجين تو
واوسع قليلا من الجين بسبب علو السقف ورا والشنطه اكبر
وشكلها ينفع للشباب والكبار
ولكن فى الاول والاخر ال 3 عربيات عربيه واحده كشاسيه وموتور وعفشه
واهم شىء الارتياح النفسى والاستخاره.
ملحوظة... تأخير نزول الموديل عندنا هنا أكيد عشان الضغط الكبير على مصنع بروتون... :vctry:
أنا الحقيقة بحب شكل ال Gen-2 الخارجي جدا تحس إنها الجنية فعلا
لكن ال Waja تقفيلها أجمل من جوه و أقيم
سلام عليكم
انا كمان معايا لانوس , و معجب بالجين2 جدااااااااااااااا :)
رغم اني و الله باحب عربيتي اللانوس1 جدا جدا جدا و باعاملها كأنها عربية زيرو مع انها لانوس 1 موديل 99 و لما بافكر اني يوم ما اجيب عربية تانية ان شاء الله هاضطر ابيعها باتضايق , و على فكرة , انا معتبرها لا تقل جمالا في الشكل عن الجين2 ( رأي شخصي )
بس للاسف هي خلاص بقت عربية قديمة , ده غير اني فعلا حابب الجين2 جدا
يا مين يقدرني على شرا جين2 و اخلي اللانوس معايا ( طمع بقى:3mla: )
:F_eyeb1[1]:
المهم
انا عموما مش هاقدر اغير العربية قبل سنة ان شاء الله لأني وضبت في اللانوس بتاعتي جامد و مستحرم اني ابيعها دلوقت , و ثانيا اني مش متاحة معايا السيولة اللي تجيب عربية جديدة حاليا خصوصا اني كاره القسط
المهم سيبنا من طقم الفضفضة اللي فات ده :)))))
انا بصيت على أسعار قطع غيار الجين2 , انا لقيتها تقريبا قد اسعار قطع غيار اللانوس ( الأصلي مقابل الأصلي ) 3 او 4 مرات
و بصراحة ده رعبني
يمكن اللي يقدر يكلمني عن الحتة دي حد معاه جين2 و كان معاه قبلها لانوس
النقطة التانية , خامات التابلوه , اللي مفروض من عيوب الجين2 ردائتها , هل هي تقل في الجودة عن خامات تابلوه اللانوس ؟