عرض للطباعة
اخواني محتار جدا بين مازدا 323 موديل 1982 ياباني 1300 سي سي حالة ممتازة بحوالي 21 ألف جنيه
ولادا موديل 1984 روسي حالة ممتازة ومعروضة بحوالي 18 ألف جنيه
ولا 128 موديل 1989 حالة ممتازة 1300 سي سي بحوالي 19 ألف جنيه
أفيدوني رجاء لاني محتار جدا
والرجاء الاهتمام للاهمية
واسف على تعبكم معايا
اشتري 128 افضل حالاتها جيدة وموديل احدث وربنا يوفقك ومتنساش صلاة الاستخارة
أشكرك أخي الكريم m2a2h
بصراحة أنا شايف ناس كتير معاهم 128 وكل يوم عند الميكانيكي مع ان حالة العربية بتبقا حلوة
ناس كتير بتشكر فالمازدا وناس بتشكر فاللادا
ونا محتار
وبصراحة من الشكل ميال للمازدا بس مليش خبرة فالعربيات عشان كده قلت اسأل اهل الخبرة
مع الشكر
اكيد ان شاء الله حد من الاعضاء الكرام يفيدك عن المازدا 323
لو ال 3 عربيات حالتهم متقاربه
خليك في المازدا طبعا
مع السؤال علي قطع الغيار
اشكر الزملاء romeo_6887
m2a2h
على الاهتمام
وفي انتظار خبراء اللادا والمازدا
انا مقتنع بالمازدا بس عاوز حد يطمني قبل مشتري
وهل سعر 21 الف غالي ولا لأ
وكمان عرفت ان فيه نوعيات منها نازلة بتكييف دي تبقا اغلى ولا ايه وممكن اجيبها منين؟
مع الشكر
المازدا 323 لو حالتها كويسة أوى هتكون أفضل من اللادا القديمة وتعادل 128 الموديل اللى أنت كاتبة .ميزة 128 أن حوارتها معروفة وعملية وقطع غيارها رخيصة لو فيها أى حوار مهما كان ممكن تلمة بسهولة أكتر وأرخص من المازدا . المازدا 323 قطع غيرها فى منها الآصلى اليابانى لكن عليك أولا بالآستخارة ثانيا لازم تتأكد أن حالة 323 أصلى فبريكا دواخل أساسيات 100100 علشان لو طلع فيها حاجة حتتعبك أكتر من 128 .والله الموفق
ألف شكر يا استاذ Abdmأعتقد أن المازدا أفضل ومنتظر آراء الزملاء الي عندهم مازدا ومجربينها
حضرتك لو جربت المازدا هتعرف انها افضل من ال 128 و من اللادا
لكن فى النهاية دى كلها عربيات موديلات قديمة و الحكم عليها يبقى بالحالة
بس انا شايف ان سعر المازدا كتير بصراحة
اخويا باعها من حوالى سنة بحوالى 15 او 16 الف و كان متسقط لها موتور 1500 قبلها بمفيش
و حالتها كويسة بس مفيهاش تكييف
جرب العربيات و اللى ترتاح لها توكل على الله و هاتها و اعمل استخارة طبعا
أنا لا أمتلك أي عربية منهم
بس سقت ال128 و سقت المازدا 323
المازدا أنعم بكثير و سحبها و سواقتها أريح من ال128
المهم حالتها تكون كويسة طبعاً
بالنسبة للمشاكل و الأسعار
إن شاء الله حد من الملاك يفيدك او خد لفة في قسم مازدا و فيات و لادا
ربنا يوفقك إن شاء الله :)
شكرا يا استاذ محمد عبد الباسط على اهتمامك
ومنتظرين اللي جربو المازدا
بص لادا عربية كويسة وناشفة تستحمل اى حاجة بس عيوبها فى العفشة بتاعتها عايزة باستمرار تشحيم ومتابعة بس عربية اسد معاك اما المازدا ممتازة بس قطع غيارها غالية اما 28 عربية اى حد يصلحها وعيوبها الكوبلين او ممكن تجيب حتة بيجو 504 بالفلوس الا معاك وانسى اى حاجة
بص 504 احسن و بعدين المازدا
متشكر يا جماعة
لكن البيجو 504 شكلها مش بيعجبني خالص وبحس انها بتاعت معلمين أكتر