عاير اشتري مكنسه للسباره بس تكون كويسه وفعاله انا سالت الزملا لقيت انواع رخيصه ووحشه وياريت اعرف فين بتتباع ولكم جزيل الشكر
عرض للطباعة
عاير اشتري مكنسه للسباره بس تكون كويسه وفعاله انا سالت الزملا لقيت انواع رخيصه ووحشه وياريت اعرف فين بتتباع ولكم جزيل الشكر
بالنسبة لمكانس السيارات ..انا افضل منتجاتBlack & Decker في منها فئتين ...
1- فئة خاصة بالسيارات بس...ودي بتكون 12 فولت وبتشتغل علي بطارية العربية
2-فئة بتكون خاصة بالبيت وبيسموها Handy Cleaner ودي بتكون ببطارية قابلة للشحن وممكن طبعا تشتغل في البيت او العربية ....وفي منها انواع كتير علي حسب قوة البطارية بالفولت...وفي منها بيشغل علي الاسطح المبللة.... Wet & Dry ...
انا بافضل الفئة التانية ...علي اساس انها بتتشحن ومش مرتبطة بالعربية وبس...وممكن تستخدم في البيت والعربية وقت الحاجة....
بالنسبة لمكانها في مصر....انا مش عارف ...لاني كنت شاريها من كارفور من دبي...
هي بتعمل برة ما يوازي....350 الي 400 جنية مصري....وبصراحة ممتازة...
اخى انا متفق مع كلام الأخ هيرو فى الموديلات الموجودة لكن انا افضل التى تعمل مع ولاعة السيارة لأنها بتكون 12 فولت أما التى تعمل بالشحن فهى اضعف فى الفولت و فى القوة غير أن الأولى لها سلك طويل جدا و يصل للشنطة بسهولة و أنا اشتريتها من محلات سلامة اللى تحت جراج الأوبرا ب 215 جنية و لاقيتها بعد كدة هية هية بالظبط فى هايبروان بنفس السعر عرض خاص و هية لونها رمادى غامق فى برتقالى و أنا ارشحها لك فهى ممتازة و تذكر اسمها و هو بلاك اند ديكر تقفيل صينى و لها ضمان سنتين
اولا اشكرك علي سرعة ردك ثانيا انا فعلا سمعت عن الماركة دي وياريت حد يقدر يدلنا علي مكان بيعها
معلهش انا مش قاهري فين هايبرواناقتباس:
المشاركة الأصلية كتبت بواسطة douha_wise
فى مدينة الشيخ زايد ب 6 أكتوبر و لو بعيد عنك شوف محلات سلامة اللى تحت جراج الأوبرا بالعتبة
هو فعلا الموديلات ايلي حضرتك قاصدها بتبتدي من بطارايات فولتها قليل بس في منها لحد 14.4 فولت ودي بتكون من غير سيلك خالص يعني ممكن تلف بيها حوالين العربية...لانها بتتشحن علي قاعدة شحن وعلي تيارالبيت....وزي ماقولت لحضرتك في منها بيعمل علي الاسطح المبللة...وبتكون مزدوجة الاستخدام يعني شوية في البيت وشوية في العربية.....وبرضة اهي حجة علشان الحكومة المنزلية ترضي عن عملية الشراء....(دة في حالة لو كنت محجوز داخل منتجع الزوجية:D)...اقتباس:
المشاركة الأصلية كتبت بواسطة douha_wise
وبالتوفيق ان شاء الله
انا متفق معك يا اخى العزيز لكن كلما زاد الفولت زاد السعر و المكنسة التى تعمل بالشحن سعره يفرق كتير عن التى تستخدم ولاعة السيارة و كل واحد بيشوف متطلباتة اذا كان السلك ميفرقش معاة و يبقى وفر الفلوس او لو حابب يجيب بشاحن و تبقى من غير سلك ويزود فى الفلوس و النوعين موجودين فى نفس الأماكن التى ذكرتها
أما بخصوص الحكومة فالمكنسة بالسلك هتبقى سبب أقوى فى التأخير لأن السلك اتلخبط و على ما فكيت أولة لاقيت اخرة اتلخبط رحت أنا كمان متلخبط عشان كدة اتأخرت لكن اللى بالشاحن بقى هتقولهم اية يا فالح كل حاجة مية مية و مفيش سلك ولا حجة يا باشا