يا فضيحتك يا تويوتا!!! تحيا كيااااا

**vayron** · 31-01-2010 01:54 AM

((((الله ينور

طبعا الموضوع لا هو مسؤلية و لا ثقة ولا أخلاق
ده قانون يا سادة

لو حد عمل حادثة بسبب الحكاية دي كان خرب بيتهم و دفعهم قد كده

هما سحبوا عربيات عارفين ان فيها عيب ...و العيب خطير و قد يكون سبب في حوادث

ولو ما كانوش عملوا كده كنا هانلاقي قواضي بالهبل و فضيحة بجرس

انما تفتكر يعني العيب مش عندنا ليه ؟؟؟؟؟؟

علشان منتخب الساجدين ؟؟؟؟؟

حتى لو العيب موجود في مصر "في تويوتا أو غيرها أو حتى كيا" ما فيش وكيل هايشجع شركته على سحب الطراز لأنه عارف انها زريبة مالهاش ثور ...مافيهاش قانون يعني

و عموما الموضوع لا يقلل من تويوتا لأنه حصل مع مرسيدس و بي إم و فولكس و هوندا

بس بي ام مثلا كانت ساحبة الطراز على عيب هاااايف حتة فخفخة كده وده كان بونط إعلامي أكتر من دعايه سلبية "شوف بيسحبوا العربية علشان لمبة الباب ما بتنورش"

المستفاد من الخبر

ان الناس اللي بيقولوا ان اللي اخترع التويتا كانوا سكان قارة أطلنتس المفقودة المفروض يفوقوا بقى و يعرفوا انها "عربية" و اللي عاملها "بني أدم" بيغلط برضه )))))

--------------------------------

الله ينور عليك ياحمد باشا المفروض كلنا فعلا نعرف أن اللى عامل العربية دى أو حتى غيرها بانى آدم ومعرض للخطا
وبعدين بصرف النظر عن القواضى ماعتقدش أن شركة كبيرة زى تيوتا
كانت هاترفض ترجع العربيات دى بعد ماعرفت أن الغلط دة فيها
هية أصلا ماكنتش هاتسيب الموضوع يوصل للقواضى
ياجدعان أنتوا متخيلين دة شركة من سنيييييين و ومش جديدة فى مجالها وعارفة هية بتعمل أية كويس

**vayron** · 31-01-2010 02:00 AM

المشاركة الأصلية كتبت بواسطة temoon

مش فضيحة ولا حاجة بالعكس دى شركة كدا محترمة جدا لانها اكتشفت انها عندها عيب وسحبت عربياتها من السوق مقابل تصليح العربية ودا طبعا خوفا على سمعتهم الى بنوها فى سنين
فا اى شركة محترمة المفروض تعمل زى ما عملت تويوتا ومثيلاتها من الشركات الاخرى
اما بالنسبة لمصر احنا نحمد ربنا اننا بينزلنا عربيات اصلا لان هنا مقلب زبالة العربيات بتاعة العالم برة
وطبعا العيب الى موجود برة دا مش موجود هنا فى مصر ودا عن كلام وكيل مصر ولان طبعا عربيات وكيل مصر معصومة من العيوب لان هنا كلة ماشى بمبدأ العمر واحد والرب واحد وخد من عبد الله واتكل على الله فا طبعا احنا هنا فى مصر عربياتنا مفيش فيها عيوب
ربنا يرحمنا من التوكيلات الزبالة الى فى البلد دى والى بتعملة فينا

هو دة اللى أنا أقصدة بالزبط

+11111111111111

**ahmedsamir79** · 31-01-2010 11:45 AM

اللي عملته شركة تيوتا ده اكبر اثبات انها شركه محترمه

**a_tharwat** · 31-01-2010 02:37 PM

طبعا العربية اللي في مصر مفهاش مشكلة... من امتى في اي مشكلة في مصر اصلا؟

**romeo_6887** · 31-01-2010 09:53 PM

الكوري الكوري و بس
حد شاف تعصب زي كده
انا طبعا بهزر
و الياباني زي الفل
و ممكن المشكله دي
تحصل لاي شركه كوري

**M.Mostafa80** · 31-01-2010 10:15 PM

المشاركة الأصلية كتبت بواسطة elmoski

طبعا يا جماعة انا عملت الموضوع ده بس عشان اثبت للناس اللي كانت بتعيب في كيا والسيراتو خصوصا وكانو في بعض الاحيان بيقولوا الياباني مفيش زيو وناس تانية تقولك الالماني...المهم كلام كله جميل وعلي راسنا من فوق , لكن لما اسمع خبر انهاردة في الاهرام و جريدة الفجر صعقت بصراحة وانا مش هطول في الكلام اللي عاوز يعرف الموضوع بتفاصيلة يجيب الفجر المهم الخبر و بختصار شديد بيقول ان شركة تويوتا سحبت كزا مليون عربية من السوق الامريكي وايضا من السوق الاوروبية ومن ضمنها كورولا 2009 وانواع اخري غير الكورولا مثل الكامري وغيرهم بسبب عيب خطير جدا وهو ارتداد دواسة البنزين طبعا ده عيب قاتل وخطير , واعتقد ان الشركة في طريقها لخسائر ضخمة ونقص لثقة العملاء لدي الشركة .. و قال المتحدث باسم الشركة في مصر ان العربية هنا مفيهاش مشاكل وكدة وربنا يستر..

بالعكس انا شايف ان دى تديها ثقه اكثر وليس الفضيحه على كده مرسيدس بقت مفضوحه وبيجو ورينو وفولكس

**ayman2** · 31-01-2010 10:25 PM

المشاركة الأصلية كتبت بواسطة temoon

مش فضيحة ولا حاجة بالعكس دى شركة كدا محترمة جدا لانها اكتشفت انها عندها عيب وسحبت عربياتها من السوق مقابل تصليح العربية ودا طبعا خوفا على سمعتهم الى بنوها فى سنين
فا اى شركة محترمة المفروض تعمل زى ما عملت تويوتا ومثيلاتها من الشركات الاخرى
اما بالنسبة لمصر احنا نحمد ربنا اننا بينزلنا عربيات اصلا لان هنا مقلب زبالة العربيات بتاعة العالم برة
وطبعا العيب الى موجود برة دا مش موجود هنا فى مصر ودا عن كلام وكيل مصر ولان طبعا عربيات وكيل مصر معصومة من العيوب لان هنا كلة ماشى بمبدأ العمر واحد والرب واحد وخد من عبد الله واتكل على الله فا طبعا احنا هنا فى مصر عربياتنا مفيش فيها عيوب
ربنا يرحمنا من التوكيلات الزبالة الى فى البلد دى والى بتعملة فينا

+1
طبعا كل العربيات بتنزل عندنا 10 على 10 مافيش مقصات بتتكسر ولا اجهزه انذار مضروبه بتركب هنا على عربيات غاليه علشان التوكيل يوفر ملاليم وتلاقى اسلاكها مدلدله على رجلك ولا مساعدبن بتضرب ....الخ وكل العربيات كامله بمواصفات الأمان اللى مش موجوده بره .... وكله بنظام سوق واشكر (انا لا أقصد توكيل محدد لكن كل التوكيلات بتحاول توفر على حساب سلامتنا احنا وبرضه بفلوسنا)

**KHALED AYMAN** · 31-01-2010 10:37 PM

بالرغم من انى مش بحب ماركه تويوتا و لكن بحترمها ...
بس لازم نقول كلمه حق ..
العربيه عاملها بنى ادم ...
مهو لاند روفر الانجليزيه سحبت عربيات عشان السقف البانوراما كان بيفك على سرعات عاليه !!!
فورد الامريكيه سحبت عربيات عشان الابواب الى ورا بتفتح لوحدها !!!
اوبل الالمانيه ةسحبت عربيات عشان الصاجه الى تحت الموتور فى بعض الموديلات ممكن تصدى !!!
مرسيدس ..
بى ام
هوندا
جيب
كل الشركات بتسحب عربيات ..
خلينا بس فى بلدنا الى مفهاش ولا عربيه بتتسحب !!!!!!!!!!!!!!!!!!!