الف شكر سيادة العقيد على اهتمامك
وياسلام دانا اغسلها كل يوم عشان ازور حضرتك في مركز الخدمة الجديد
بس يعني اعمل ايه
انا بطلت اخلي الواد يعملها كل يوم عشان كل اللي بيعمله انه بيلحوسها
وبيفرد الزفارة بطبقة متجانسة على العربية
وحكاية الفوط الزفرة حضرتك عارف بتعمل ايه في العربية
فعملت اشتراك في محل غسيل 25 جنيه شهريا
وبطلت استخدم بريل اللي كانوا بيعملوا بيه العربية وبيسموه فوم آل يعني متربيين في انجلترا
وجبت فورميولا وان اللي حضرتك قلت لي عليه قبل كده
فيادوب اسبوع عشان بتكون اتملت تراب, اصلا الحمد لله انها فضي وبتقعد اسبوع ولا باين عليها حاجه
هما اصلا في الكتالوج كاتبين:
Wash your car frequently
يعني عشان تشيل طبقة الرمل والتراب اللي بتاكل فيها
بس فعلا بعد 10 ايام تلاقي حاجات سودا كده عليها من الشوارع وطريق السويس والطريق الدائري ادام الله بقائه فبضطر اغسلها
اقول حضرتك على حاجه
مرة كنت راجع من المعادي في وقت عاصفة رملية مغرقة الطريق كله
على ما وصلت الرحاب بعد 35 كيلو
اكتشفت ان العاصفة الترابية عبارة عن مقطورة محملة رمل ومش متغطية
يعني الباشا غرق الف عربية بعواصف من الرمل
المصيبة ان الباشا اكيد كان ماشي على 100 - 120 السرعة اللي بمشي بيها على دائري المعادي
مش عايز اقول لحضرتك اني كنت سامع صوت الرمل وهو عمال ينحر في الدوكو (بسرعة 120 كيلو)
في الاول وانا ماشي قلت قدر ربنا بقى(اللهم اني اسألك خيرها واعوذ بك من شرها), انما بعد كده لما لقيت البيه هو اللي عامل العاصفة كنت عايز :khd::khd::khd:
مرة ثانية كنت غاسل العربية امبارح
وماشي برضه على الدائري (اكثر الله من امثاله) وبرضه على المعادي (ارقى حته في الدائري)
لقيت مرة واحدة زي عجينه اترمت على العربية, خدت بالي بعد كده انه اسمنت وجبس سايل
عارف حضرتك النقل الكبير (مش عارف اسمه بصراحة) بيكون شايل كورة كبيرة عماله بتلف طول الطريق كده فيها اسمنت وزلط وجبس سايل ورايح عشان يصبهم في مكان بناء عمارة مثلا
الباشا مكانش قافل مكان خروج الخرسانة كويس والعربية عماله بتنقط
طبعا على السرعة الميه عامله زي الدش
رحت قارص على العربية وطاير على الرحاب بصرخ الحقوني ودخلت على السوق بسرعة بصرخ فيهم ( حموني بسرعة !!! حموني بسرعة)
والحمد لله مسابتش اي اثر, صاحب المحل قالي احمد ربنا فيه واحده كانت سايقة وبرضه جه عليها اسمنت سايل بس اتساب للصبح لحاد ما نشف على البوية واضطرت ترش العربية:dzey::dzey:
ايه رأي حضرتك في اللي بتعرض له ؟؟؟؟؟؟:B4_592::B4_592: