الموضوع: تسقيط موتو 1800 بالتكييف والعفشه والجيربوكس لعربيه جولف 3

المشاركة الأصلية كتبت بواسطة Xpert

هاقولك انا بقي حوار بس استني شويه ... احنا عندنا دكان في بورسعيد و شغالين قطع غيار.. و ماعندناش جولف عشان ماتقولش عاوز ابيعلك حاجه عندي او بتاع .. و انا قاعد في بني سويف (الدكان بتاع عمي و كده .. بس المعارف كتار) ..
المهم بقي .. الموتور تجيبه من بورسعيد .. او حد مضمون في القاهره يكون سمعته حلوه .. و ياريت تقفش موتور Abf 16v .. ده لو عاوز حاجه تمام و تنساها ..
المهم بقي .. ممكن شويه كده و اخلي الراجل اللي شغال معانا في بورسعيد يشوفلك واحد من المعارف يكون منزل جولف 3 كامله Abf و تاخد منها اللي انت عاوزه .. بس الكلام ده مش وقته خالص .. (في اجازه نص السنه بقي و كده ) و احسن و احسن لو في اخر السنه يبقي كده تمام ..
اما لو مستعجل .. شوف حد يكون مستورد .. بيجيب شغله من سويسرا - فرنسا - المانيا .. لأن ده احسن شغل ..
الموتور تاخده علي التجربه بعد التركيب .. مايقولكش دوره علي الارض و الكلام ده .. لو حد قالك كده قولله ماياكلش معايا .. و طبعاً زي ما بيقولو البكا علي راس الميت .. كل حاجه حسب حالتها ..
اتني اني اككون فدتك
اخوك جون

الف الف شكر يا استاذ جون علي الرد والافاده دي بس للاسف انا معرفش حاجه عن الموتور الabf 16v ده انا برضه مش خبره اوي زيك يعني علي قدي في المواتير دي انتا راجل تاجر برضه ;) وطبعا انا سالت ناس وقالولي بيتركب الموتور علي العربيه وبشوفه ادائه قبل مادفع حاجه وبعدين بقرر بس انا عايز اعرف الموتور اللي بتقولي عليه ده ايه مميزات يعني وعيوبه وايه الفرق بينه وبين المواتير التانيه وياريت لو مش هتعبك معايا تقولي تقريبا بيبقا سعره كام.... وعلي فكره انا مش مستعجل خالص في الموضوع ده انا بستفسر الاول وبعدين هشوف اموري
عشان بجد انا اتخنقت جدا من الموتور بتاعي ال1400 ده

المشاركة الأصلية كتبت بواسطة paladin

the golf 3 is very heavy so if you want speed i would recommend 1.8 turbo engine or of course a VR6

i know the car is very heavy and this is why i can't feel it in the 1.4 engine very well so i thought the 1.8 engine would be a lot better but i hope u tell me more about the 1.8 turbo engine or the VR6

and i hope u include the prices if u can... Thanks so much :)

المشاركة الأصلية كتبت بواسطة paladin

1.8 turbo 150HP costs around 6000
vr6 170 or 190hp i think it will cost 8-9000 and expensive-rare spare parts

واضح انك عاوز توديني في داهيه :D انا مش حمل كل الكلام ده ياعم انا عايز حاجه حلوها الاقيلها قطغ غيار وكمان الموضوع نفسه ميكلفش كتير

بس شكرا ليك برضه علي ردك

المشاركة الأصلية كتبت بواسطة Xpert

VW 2.0L 16V 150 hp
الميزه بقي يا سيدي .. ان الموتور ده نفس البلوك و نفس الحاجات اللي جوه بتاع الفلوكس العادي .. و عليه وش 2 كامه 16 صباب ...
تيربو 150 حصان ب 6000 مين يا عم انت .. ده التيربو سعره معدي ! و التيربو 170 و 225 حصان ده بقي خراب بيوت ... التيربو هاتدخل في مشاكل ال BUS CAN ..(الدفيره الكهربا) ... و ال في ار 6 هاتدخل في مشاكل قطع الغيار .. مشاكل انت في غني عنها ...
انا من وجهه نظري شايف ان ال اي بي اف انسب حاجه ليك .. هوه كان فيه واحد منزل ماتور .. الموتور ده شغل سويسرا .. حاجه كده نضيفه .. بس بتاع سيات (هوه هوه ) ده رقمه :0122148267 .. تقدر تتصل بيه .. اسمه محمد برعي و فاتح في لبقاهره .. قولله من طرف بيشو بتاع بني سويف .. اللي عمه مشيل عزمي ;)

انتا برضه مقولتليش ايه مميزاته ولا سعره بيبقا في حدود كام انا زي ماقولتلك لسه بقكر في الحوار ده وعايز اعرف هيكلفني كام ويستاهل ولا