هنا الإسكندرية (أخبار السيارات - فبراير 2010)

السلام عليكم و رحمة الله و بركاته

موسم أجازات و ناس كتير حتشرف إسكندرية و و اجب علينا تحذيرهم و إعلامهم بكل ما هو جديد

1- يوجد مطبات (عين البومه) جديدة و عنيفة عند لوران علي البحر تتسبب في اختناق مروري شديد غير مبرر ، حذار لأن الكثير من السيارات تهدي أو تقف تماما عليه فجأه
2- كمائن المرور في كل مكان في اسكندرية من أول الصحراوي و جوه البلد في أماكن لا يمكن تخيلها ، بالأمس قابلت لجنة موقفة الصحراوي عند مرغم علي الاتجاهين و في المنشية علي البحر بعد الجندي المجهول مباشرة و في مطلع كوبري العوايد ، هو طبعا التركيز الأكبر علي الميكروباصات و النقل زي مايكونوا بيدوروا علي حاجة.
3- أسلوب القيادة في اسكندرية بقي عجب و خاصة من سواقين التاكسي بقوا في معظم الأحيان أسوأ من سواقين الميكروباصات ( المشاريع :) )
4- بعض الاتجاهات الرئيسية اتغيرت و خاصة في سموحة في منطقة ميدان فيكتور عمانويل يجب الحذر لأن المرور في كل مكان مستخبي مستني اللي يقع في المصيدة
5- الحضانة !!!! قانون الغاب للمرور السكندري و هو خطف العربية من صاحبها و حجزها و استلامها بعد دفع الاتاوة التي لا تقل عن 2000 جم خلافا لقيمة المخالفة الأصلية

في انتظار أي اضافة من اسكندرية و أي تساؤل من بره اسكندرية

فعلا مطب لوران ده رزيل جدا

اقتباس:

---

المشاركة الأصلية كتبت بواسطة islam_galal

5- الحضانة !!!! قانون الغاب للمرور السكندري و هو خطف العربية من صاحبها و حجزها و استلامها بعد دفع الاتاوة التي لا تقل عن 2000 جم خلافا لقيمة المخالفة الأصلية

---

هي ايه الحضانة دي يعني ايه وازاي؟

شكرا للتحذيرات وجزاك الله خيرا

اقتباس:

---

المشاركة الأصلية كتبت بواسطة madyyuri

هي ايه الحضانة دي يعني ايه وازاي؟

---

اسمها الرسمي : وحدة التحفظ و الإيداع

http://dostor.org/sites/default/file...nimage/333.jpg

و هي وسيلة غير دستورية لجباية الأموال عن طريق التحفظ علي السيارة و تغريم صاحبها عن كل يوم يتركها فيها ما يتجاوز الألف جنيه و يتم بطريقة أشبه بطرق النصب حيث يطلب منك أحد أفراد اللجنة النزول من السيارة للتحدث إلي الضابط المسئول و الجالس بعيد نسبيا فتذهب للتحث معه لتفاجئ بسيارتك تسير !!! بواسطة أحد أفراد الكمين للحضانة (بجوار مرور محرم بك - طريق الموقف الجديد) و دور عليها لأن الحضانة بتغلق تقريبا الساعة 3 و لازم العربية تبات و العداد بيعد

ده رابط لموضوع في جريدة الدستور عن الموضوع

سائقو الإسكندرية: رئيس الحكم المحلي أمر بإدخال 100 سيارة يومياً إلى «الحضانة»

حسبي الله ونعم الوكيل

موضوع فكرته حلوة يا أستاذ إسلام جزاكم الله خيرا، وإن شاء الله إخوانا السكندريين يتابعوا الموضوع ويضيفوا فيه ما أمكن من معلومات وبرضه لو في حد عنده استفسارات يمكن وضعها هنا

أضيف أن هناك توسعة للكورنيش عند ميامي فالمفترض إن القادم من المنتزة باتجاه ميامي ياخد باله لأن الطريق بيضيق مرة واحدة

موضوع الحضانة اترحم منه أهل قنا , ده لو عربيتك بتنقط زيت فى الشارع تدخل الحضانة

جزاكم الله خير على الموضوع دة

كمان في تغير في الاسفلت علي البحر من بعد سيدي بشر
و الشوارع الجانبيه في العصافره كلها متكسره و مدغدغه
طريق الراس السوداء فيه تكسير ناحيه اليمين من 45 باتجاه الساعه
و المنطقه امام معرض اسكندريه الدولي متكسره علي الاخر

في مجموعه من البلعات المفتوحه في طريق الهانوفيل...(بين البيطاش و الهانوفيل)

لللاسف اسكندريه تحولت لكارثه لاي واحد معاه سياره :B4_556: الركن في الاسكندريه مصيبه بعد ما تحولت العمارات الي عشرين دور في فتره سابقه - وطبعا مفيش جراجات

هناك مناطق لا يوجد حاجه اسمها ركن وكما تعلمون شوارع الاسكندريه ضيقه

انا كرهت السواقه لا المشوار ياخذ نصف ساعه وعايز ساعه عشان اركن وخصوصا في منطقه

العصافره وميامي -- رشدي - جليم - الابراهيميه -- بصراحه ممكن تركن عند كرفور :Ob_mak1[1]::Ob_mak1[1]::Ob_mak1[1]::Ob_mak1[1]:

واوقات كثيره جداً بترك العربيه اركب تاكسي وهذا الموضوع بقي عذاب رهيب لا لا يعقل يبفي

عندي عربيه واركب مواصلات

سياده محافظ الاسكنريه ارجوك ارجوك ارجوك نريد حل لركن السيارت :B4_611::B4_611:

لابد من اعاده النظر في موضوع الحضانه لان هناك سيارات اصحابها يستحقون فعلا ذلك واكثر ولكن الغالبيه اخطاء بسيطه وفيها تستخدم الحضانه للجبايه وحسبنا الله ونعم الوكيل:khd:

ربنا يلطف بعباده الحمد لله مش بنزل الاسكندرية الا قليل فى اديق الحدود

في بلاعتين مفتوحتين في شارع الملاحة بالمندرة في الاتجاه القادم من مصطي كامل والمتجه للمندرة
والمشكلة انهم في الحارة الشمال

مش ملاحظين ان اليومين دول فى لجان كثيرة وفى عز الظهر احيانا ... هل فى تفسير ... ولا تلقيط رزق فقط ..

اقتباس:

---

المشاركة الأصلية كتبت بواسطة tamer-ezzat

مش ملاحظين ان اليومين دول فى لجان كثيرة وفى عز الظهر احيانا ... هل فى تفسير ... ولا تلقيط رزق فقط ..

---

شكلهم بيدورو علي حد

للاسف اسكندريه تحولت لكارثه لاي واحد معاه سياره :B4_556: الركن في الاسكندريه مصيبه بعد ما تحولت العمارات الي عشرين دور في فتره سابقه - وطبعا مفيش جراجات

هناك مناطق لا يوجد حاجه اسمها ركن وكما تعلمون شوارع الاسكندريه ضيقه

انا كرهت السواقه لا المشوار ياخذ نصف ساعه وعايز ساعه عشان اركن وخصوصا في منطقه

العصافره وميامي -- رشدي - جليم - الابراهيميه -- بصراحه ممكن تركن عند كرفور :Ob_mak1[1]::Ob_mak1[1]::Ob_mak1[1]::Ob_mak1[1]:

واوقات كثيره جداً بترك العربيه اركب تاكسي وهذا الموضوع بقي عذاب رهيب لا لا يعقل يبفي

عندي عربيه واركب مواصلات

سياده محافظ الاسكنريه ارجوك ارجوك ارجوك نريد حل لركن السيارت :B4_611::B4_611:


طب لو الحال فضل علي كده هتعملوا ايه في الصيف

:36_9_4:

حل للركنه.
زي إيه مثلا؟
العمليه فعلا صعبه جدا

الاخ العزيز aelhossan فعلا الصيف بقي كارثه كارثه كارثه بكل ما تحمل من معني

انا بركن السياره تماما طوال فتره الصيف واذا كان لابد من الخروج بها لظرف مهم جدا اوقات بركنها

في اي مكان في طريق العوده واروح باي مواصله -- لاني ساكن في منطقه تعتبر المصيف الوحيد

الباقي داخل الاسكندريه بعد توسعه الكورنيش وردم اغلب الشواطئ

وطبعاً المسؤلين في الاسكندريه :36_1_50[1]: علي الموضوع ايه يعني انت مش عارف تركن او تركب عربيتك حد قالك تشتري عربيه

وبعدين هما مفيش عندهم مشكله ركن :dzey::dzey::dzey:حا يعرفو ازاي ان الواحد كره

اسكندريه بسبب الزحام ---- احساس رهيب لما تنزل وتشوف عربيتك قدامك وتسيها وتتحايل

علي سواق تاكسي راكب لادا خربانه والشكمان مفتوح علي صالون العربيه وتسمع احلي شرايط

لناس غريبه :B4_592::B4_592:

حسبنا الله ونعم الوكيل في الدمار اللي حصل في الاسكندريه من تعليات رهيبه للمباني وزياده

الكثافه السكانيه بصوره فظيعه

نصيحه محدش يصيف في الاسكندريه :Oc_sun1[1]: الساحل الشمالي ممتاز وفي جميع المستويات

لكن داخل الاسكندريه:mad2:

دعواتكم ربنا يفرجها علينا

الاخ العزيز ahmedsamir79 الموضوع صعب لكن مش مستحيل

انا مهندس معماري - وفي المانيا وكثير من الدول الاوربيه حلول لجراجات الكترونيه متعدده الطوابق

سواء تحت الارض او فوق وتعمل بدون ان يقود سيارتك احد انت بتدخل باكيه وتترك السياره

وبعد ذلك كله الكتروني تدخل السياره للجراج ولو في كل منطقه يقام واحد بنظام BOT لن يكلف الدوله شئ -- بس تقول لمين

محدش عايز يحل رغم انهم السبب فيما وصلنا اليه من التجوزات التي حدثت

اقتباس:

---

المشاركة الأصلية كتبت بواسطة walidtawfek

الاخ العزيز ahmedsamir79 الموضوع صعب لكن مش مستحيل

انا مهندس معماري - وفي المانيا وكثير من الدول الاوربيه حلول لجراجات الكترونيه متعدده الطوابق

سواء تحت الارض او فوق وتعمل بدون ان يقود سيارتك احد انت بتدخل باكيه وتترك السياره

وبعد ذلك كله الكتروني تدخل السياره للجراج ولو في كل منطقه يقام واحد بنظام bot لن يكلف الدوله شئ -- بس تقول لمين

محدش عايز يحل رغم انهم السبب فيما وصلنا اليه من التجوزات التي حدثت

---

انت قولتها

المشكله مش في الحل نفسه

والله حاليا المشكلتين الاساسيتين هم ركنة العربية و المرور لاني لاحظت زيادة عدد الكمائن في اسكندرية ( فيه كمين كتير جدا باقابله عند شارع حديقة النزهة وانت نازل علي ميدان عزبة سعد ) ده غير قرف عساكر المرور واخد النمر عمال علي بطال ( و تقريبا منعوا حاجة اسمها تصفية الاشارة يعني لو الاشارة كانت خضرا واحمرت فجاة يبقي تقف علشان المرور السكندري بقي يستعبط دلوقتي ولغي الاشارة الصفرا و كمان لغي حاجة اسمها تصفية الاشارة )......

فعلا انا لاحظت الموضوع ده وحصلت معايا من يومين عن الاشاره اللي عند مستشفي الشاطبي وانا جاي من البحر في اتجاه كارفور
امين الشرطه قرر فجاه ان يقفل الاشاره وبيني وبينه نص متر ولو وقفت اللي ورايا حا يطلع فوق
سقف عربيتي وكان لازم اعدي ولقيته بيكتب النمره بمنتهي البرود -- منهم لله :_Alshmokh08[1]:

اقتباس:

---

المشاركة الأصلية كتبت بواسطة walidtawfek

فعلا انا لاحظت الموضوع ده وحصلت معايا من يومين عن الاشاره اللي عند مستشفي الشاطبي وانا جاي من البحر في اتجاه كارفور
امين الشرطه قرر فجاه ان يقفل الاشاره وبيني وبينه نص متر ولو وقفت اللي ورايا حا يطلع فوق
سقف عربيتي وكان لازم اعدي ولقيته بيكتب النمره بمنتهي البرود -- منهم لله :_alshmokh08[1]:

---

والله العظيم منهم لله واكيد ربنا مش حيباركلهم ابدا من اللي بيعملوه فينا ده .....

عيون القط الى معمولة فى البحرعند لوران وحشة جدا جدا ولو الكاوتش تعبان ممكن يتقطع بسببها

شوفو الجراج ده

MADRID . Multiparker 710

إيه الحلاوه دي يا عم
مش ممكن فعلا

اسوأ ما فى القياده سائق التاكسى
فاضى ممكن يعطل الطريق كله وراه لا يعترف بالحارات يبقى نفسه يمشى شمال وعينه على زبون فى اليمين
لو راكب معاه زبون يا ويلك لو تمشى قدامه ممكن يعدى من تحتك

صباح الفل على كل جمهورية أسكندرية العظمى من أبوقير للمنشية
و الكلام دة مظبوط 100% وفعلا الحضانه بياخدوا منك العربيه و أدفع أنت بقى فلوس اللبن والبامبرز و صباحك هيبقى فل
يعنى بمعنى أصح أتاوة لأن أحنا عندنا أمناء شرطة و ظباط لجان مرور البامبرز بتاعهم بصراحه كبر أوى و هينفجر من السرقة