ايه احساسك وانت بتستلم :::!!!!:::

**m.3abdel3al** · 31-01-2010 10:02 AM

يا جماعة بمناسبة نزول الساجا و العدد الكبير الي بيشتري دلوقتي ( الحمد لله ) يا ريت كل واحد يخش يقول كان احساسه ايه و هو بيشتري ( مقلق - زعلان - فرحان - مش فارقة معاه - ......)

و اه هو احساسه دلوقتي و ياريت لو كلمة لاي حد عايز يشتري و خايف ..........

**m.3abdel3al** · 31-01-2010 10:06 AM

انا عن نفسي لما اشتريت كنت مستغرب جدا لاني نازل من بيتنا استلم لانسر استلمت جين 2 و مشيت ؟؟؟؟؟؟؟؟!!!!!!!!!

انا كنت حاجز لانسر و المفروض انزل استلمها ولما اتاخرت لايت الجين كانت موجوده قدام المعرض ( جين 2008 سوده اوتو ) و الغريب جدا اني عمري ما حطتها في حساباتي مع اني بحبها جدا و مع اني كمان عملت جرد لكل العربيات من رنج 80 - 100 الف و هي الوحيدة تقريبا الي تاهت عن بالي مش عارف ليه ؟؟؟؟؟؟ المهم اللانسر اتاخرتلظروف معينه .... قولتله انا مش عايزها انا هاخد دي ( الجين ) طبعا بابايا واقف مزهول وبيقول الواد دا مجنون ولا اه المهم اتفقنا واخدناها و الحمد لله العربية ممتازه جدا جدا جدا و مخيبتش املي فيها و دلوقتي طبعا اي حد يسال بابايا على العربية ينصحه انه يجيبها طبعا و بثقة كمان

**mahmoud_magdy** · 31-01-2010 02:07 PM

احساس غير عادي يا محمد
تخيل بقالك 3 سنين يتدور على عربيه ووالدك كل اما تقوله (ها مش هنجيب العربيه ؟؟ يقولك كل حاجه في وقتها وهنجيبها بس استنى شويه)
تخيل 3 سنين بتدور وبتتعلم وبتقرأ معلومات جديده وبتتكلم على عربيه (وقت طويل مش كدا)
وفي 3 ايام بتحجز وبتستلم وبعدها بكام يوم بترخص وبيبقى معاك عربيه
تعب سنين تفكير وبحث وكلام واحداث راح في كام
وكمان كان في ناس واقفه جمبك بتساعدك
فعلا كل حاجه في وقتها والصبر مفتاح الفرج زي ما بيقولو
وربنا سبحانه وتعالى مرتب كل حاجه
الحمد لله كان مكتوب ليا طريق صحيح وخطوات سليمه 100%100
واخيرا شكرا لكل اللي ساعدوني
وبحمد ربنا على تحقيق اللي انا عاوزه

**eng.m7md.ali** · 31-01-2010 03:14 PM

انا كنت حاجز العربية من شهر 4 اللي فات واستلمتها في شهر 9
طبعا كنت خلاص مخنوق من المعرض ومن عز العرب بس بعد ماشفتها واستلمتها نسيت كل حاجة

**batoot556** · 31-01-2010 04:25 PM

شكرا يا استاذ محمد على الموضوع الجميل دة وابتدى بقى
وانا بستلم كنت مستنى العربية تيجى من القرية الزكية وهى (برسونا اوتو ميتال جراى) واول ما استاذ محسن قالى عربيتك جت اهة وهى داخلة كدة كان اجمل احساس فى الدنيا العرية اللى حلمت بيها من سنتين اهة قدامى ويا سلام واللة جريت عليها واخدت المفتاح وقعت فيها حسيت انى دخلت قصرى وياااااا على اول طلعة كان يوم تحفة ولما جربتها بقى طول ما انا ماشى اقول ياااا الحمد للة الواحد مش عايز اكتر من كدة وكمان بقول الناس اللى بتتكلم دى على البروتون دى ناس ملهاش غير فى البطيخ بصراحة ولو فكرت اغير فى يوم من الايام حجيب بروتون بردة

وانا بنصح اى حد عايز يشترى ومقلق لا يخش بقلب جامد ويتوكل على اللة لانة مش حيندم لا دة حيحس انة ممكن يقارن عربيتة باى عربية جامدة زى الباسات والتيوتا وغيرة بل افضل وموضوع التقفيل دة موضوع نسبى ونادر ولو حصل بيتحل بسرعة وربنا يوفق الجميع
ودة كان انطباعى واللّة على ما اقول شهيد

**Mohamed.Ramah** · 31-01-2010 04:45 PM

فعلا انا لما ركبت الجين 2 من زميلى ارتحت نفسيا لوسعها وخاماتها الداخلية والاوبشن والحركات اللى فى التابلوة هى مش الجديدة هى كانت موديل قديم ولسة كان شاريها ومنزلها من بلدها اشتراها من هناك ودفع جمارك قلى دا بتمن العربية منهم لله انا حسيت ان العربية محتويانى سبحان الله انا اشك ان اللى بيصمموا بروتون هم دكاترة نفسيين نيهههههههههههههههههه

**مصطفى_صديق** · 01-02-2010 10:04 AM

موضوع جميل اوى يا محمد

أنا من كتر ما قعدت أفكر فيها كتير قبل ما اشتريها.....لما روحت استلمها ، حصل الاتى :-

جين : أتأخرت كده ليه

أنا : متأخرتش ولا حاجة

جين : أنا مستنياك من بدرى أوى

أنا : معلش كنت متردد وقلقان وخايف

جين :ليه بس ، ده انا حلوة خالص

أنا : مانا عارف ن بس انتى عارفة الناس بتتكلم كتير اوى

جين :عموما خلاص...احنا هانبقى مع بعض على طول من اول دلوقتى

أنا : أنا مبسوط اوى انك معايا .....يالله بينا......فوووووووووو

_______________

هاااااا......حد فهم حاجة.....

**DR_EMAD** · 01-02-2010 05:46 PM

أنا كنت عامل زيك يا محمد باشا
كنت بدور على نيسان

وروحت جبت الجين2

أول مرة أركب العربية .. كانت يوم ما أستلمتها
بعد ما دفعت الفلوس .. وخلصت الأوراق وواخدها من التوكيل ومروح على البيت
دى كانت أول مرة

طبعا كنت مبسوط جدا .. والحمد لله

**m.3abdel3al** · 01-02-2010 05:50 PM

شكرا يا جماعة على كل الردود و بجد دي تجارب مهمة جدا و كل واحد و هو بيشتري كان تفكيره مختلف عن التاني خالص و احساسه كمان بس اهم حاجة اننا كلنا دلوقتي احساسنا واحد و هو اننا فرحانين بالجين جدا شكرا لكل الي شاركه و شكرا لمصفى على المشاركة المميزه كالعاده

-

الموضوع: ايه احساسك وانت بتستلم :::!!!!:::

LinkBack

أدوات الموضوع

عرض

ايه احساسك وانت بتستلم :::!!!!::: - انشر الموضوع فى :

-

-

-

-

-

-

-

المواضيع المتشابهه

يا تري هايكون ايه احساسك

احساسك وانت راكب جنب قائدة للسيارة

اكتر موقف نرفزك وانت سايق وخلاك كنت ((هتفطر)) وانت ((صايم))؟؟

احساسك ايه ناحية الشعب الجزائري بعد اللي حصل في السودان ...

ممكن تنام وانت سايق أو وانت مسافر

الكلمات الدلالية لهذا الموضوع

المفضلات

المفضلات

ضوابط المشاركة