اخيرا عرفت سبب التفتفه !!

بالصدفه كنت امبارح عند ميكانيكي بتابع اصلاح عربيه واحد صاحبي وانبسطت من شغله فخليته يبص علي التفتفه(الترتيله) اللي عندي لقي العيب من صباب البنزين في اول سلندر ناحيه البطاريه .السلندر واصله كهربا من الموبينا انما مابيشتغلش علي السلانسيه يعني الموتور متلت علي السلانسيه انما لما بدوس بنزين بيشتغل عادي خالص .. الصباب عاوز يتعمله روديه وانا مش معقول افتح الموتور علشان صباب والموتور ماشاء الله مش مزعلني في حاجه..تقترحوا علي ايه؟؟ هل في حل تاني زي اضافات مثلا علي البنزين ؟ او امون 95 لفتره؟ مستني ردودكم ومشكورين مقدما ..

اعتقد انه في مثل هذه الحالة يمكن استخدام منظف الرشاشات اللي يوضع بالتنك مع البنزين وتمسك خط طويل لحد ما تنظف الرشاشات تقبل تحياتي

اقتباس:

---

المشاركة الأصلية كتبت بواسطة nodey

اعتقد انه في مثل هذه الحالة يمكن استخدام منظف الرشاشات اللي يوضع بالتنك مع البنزين وتمسك خط طويل لحد ما تنظف الرشاشات تقبل تحياتي

---

مشكور ياباشا علي سرعه الرد

سبها كدة ومتعملش حاجة ملهاش تاثير

اقتباس:

---

المشاركة الأصلية كتبت بواسطة hellboy

بالصدفه كنت امبارح عند ميكانيكي بتابع اصلاح عربيه واحد صاحبي وانبسطت من شغله فخليته يبص علي التفتفه(الترتيله) اللي عندي لقي العيب من صباب البنزين في اول سلندر ناحيه البطاريه .السلندر واصله كهربا من الموبينا انما مابيشتغلش علي السلانسيه يعني الموتور متلت علي السلانسيه انما لما بدوس بنزين بيشتغل عادي خالص .. الصباب عاوز يتعمله روديه وانا مش معقول افتح الموتور علشان صباب والموتور ماشاء الله مش مزعلني في حاجه..تقترحوا علي ايه؟؟ هل في حل تاني زي اضافات مثلا علي البنزين ؟ او امون 95 لفتره؟ مستني ردودكم ومشكورين مقدما ..

---

اية اللى فى الصمام؟؟؟
بعدين انا لما شوفت العربية كانت عادية على السلانسية مفيش اى برجلة او اهتزازات !!!

اقتباس:

---

المشاركة الأصلية كتبت بواسطة ENG\AHMED

اية اللى فى الصمام؟؟؟
بعدين انا لما شوفت العربية كانت عادية على السلانسية مفيش اى برجلة او اهتزازات !!!

---

ازيك ياباشمهندس احمد ...
هو الميكانيكي لما شال اول كابل للبوجيهات حركه الموتور لم تتاثر بعكس ال3 كابلات الاخري لما شالهم بالترتيب الموتور اهتز بشده وده دل ان اول بستم مش شغال بالرغم انه واصله كهربا والبوجيه طالع زي الفل - قاللي اما ان الصباب عاوز يتعمله روديه نتيجه اوساخ موجوده علي شفته اللي بتقفل في الفارغه .مش عارف ايه رايك ؟؟:U_thin1[1]: وهل لو الكلام ده مضبوط ممكن نلاقي حل من غير مانلجا للجراحه والعمليات؟:stink[1]: ومشكور ياباشا .

طيب لو الموضوع اوساخ كربون ما تجرب زيت اوميجا
كان فيه عضو فاضل معانا هنا قال انه بينضف اي كربون علي الموتور
وثانيا بيطول عمر الزيت ل3 اضعاف
وفيه اضافات تانيه برضه بس انا معرفش اسمها ايه بتنضف اي حاجه في الموتور
بس هو ليه مغيرش البوجيه القاطع؟؟؟؟؟
مش يمكن الشراره فيه ضعيفه او مش واصله ؟؟؟؟؟؟
او العيب من السلك بتاعه؟؟؟؟؟
جرب تغير البوجيه والسلك الاول وشوف

ما تجرب تغير السلك ممكن العيب منه

الكلام ده كبير و يودى فى داهية يا فادى
يعنى معنى كلامه ان العربية متلته على طول يعنى التفتفه مستمرة
من رأى متواضع من واحد مش بيفهم حاجة خالص الكلام ده خيار
انت عارف يعنى ايه العربية متلته على طول يعنى البستم قافش يعنى مفيش بنزين داخل و بالتالى مفيش خارج
اقنعنى انا مش مقتنع و انت بتقول ان التفتفه بتروح بعد شوية و الموتور سحبة حلو

اقتباس:

---

المشاركة الأصلية كتبت بواسطة tananybasha

الكلام ده كبير و يودى فى داهية يا فادى
يعنى معنى كلامه ان العربية متلته على طول يعنى التفتفه مستمرة
من رأى متواضع من واحد مش بيفهم حاجة خالص الكلام ده خيار
انت عارف يعنى ايه العربية متلته على طول يعنى البستم قافش يعنى مفيش بنزين داخل و بالتالى مفيش خارج
اقنعنى انا مش مقتنع و انت بتقول ان التفتفه بتروح بعد شوية و الموتور سحبة حلو

---

بص يا محمد العربيه متلته علي السلانسيه بس انما لما بزود بنزين البستم بيكون شغا ل والتفتفه بتختفي .. والدليل ان مفيش تفتفه اول مابدور العربيه الصبح لان الايديال بيبقي معلي السلانسيه . البستم مش قافش ولا حاجه لانه لو حصل العربيه حرارتها هتعلي وكذلك استهلاكها للبنزين وانا بسافر علطول ومسافات طويله والموتور تمام والحمد لله .

والله العظيم ما الحوار ده خالص
شوف حد تانى

ان شاء الله الصبح هروح للميكانيكي بتاعي اللي بثق فيه ونشوف ونجرب وهقوللك وصلت لفين . مشكور ياصاحبي ..

اصل انت بتكلم واحد خبرة صبابات فى النيسان 16 صباب كنت باعرف اللى بيعلق فى ثانية قبل الميكانيكى
الحوار عندك غير كده لو فى كاوتش صباب كان الزيت طحن من الوش من فوق
لو صباب العربية عمرها ما تعدل
اللى انا شاكك فيه كستبان خفيف او بلبه خفيفه
كده ممكن

طيب مين الميكانيكى اللى قالك ومين الميكانيكى الثقه ده للافاده
اول جرب تغير سلك بوجيه من واحد صاحبك مكان اللى بيقطع وبص على البوجيه برده وممكن يكون برده رشاش بنزين
انا قصدى تجرب كل الاحتمالات البسيطه اول قبل ما تخش فى الغميق
وان شاء الله بسيطه

اقتباس:

---

المشاركة الأصلية كتبت بواسطة esamghanayem

طيب مين الميكانيكى اللى قالك ومين الميكانيكى الثقه ده للافاده
اول جرب تغير سلك بوجيه من واحد صاحبك مكان اللى بيقطع وبص على البوجيه برده وممكن يكون برده رشاش بنزين
انا قصدى تجرب كل الاحتمالات البسيطه اول قبل ما تخش فى الغميق
وان شاء الله بسيطه

---

شكرا لردك ياابو فارس .. الميكانيكي اللي قاللي ع الحوار ده اللي هو في اول شارع وزير من ناحيه شركه المياة- انما انا بتعامل مع محمود اللي عند اللاسلكي اللي مكان رائد . وطبعا انا هجرب كل حاجه قبل مااخرج وش السلندر .

انا مستنى الرد ضرورى

اقتباس:

---

المشاركة الأصلية كتبت بواسطة tananybasha

انا مستنى الرد ضرورى

---

السلام عليكم ...
النهاره قبل مااروح للميكانيكي قلت ابدل بوجيه من بستم شغال مكان اللي انا شاكك فيه .. الاثنين اشتغلم- غيرت سلك البوجيه بواحد تاني شغال برده البستم اشتغل :dzey:واول مااشيل السلك بتاعه والعربيه دايره الموتور يلخبط ؟؟ اتاكدت ان الصباب سليم والحمد لله .. المهم الراجل قاللي الموتور زي الفل ولما حكيتله علي اللي حصل قاللي وسخ صباب ومايزعلناش في حاجه ونصحني احط منظف دوره الوقود .اشتريته فعلا ومكتوب عليه انه بيعتني بنظافه الصبابات .وربنا الشافي بقي ..

نوعه إيه يا فادى باشا المنظف دا

اسمه delco صناعه امريكي ب55ج

انت يا فادى شاغل نفسك بمشكلة انا مش شيفة عربيتك زى الفل ومفهاش حاجة انا مش عارف الوسواس بتاعك دة نعمل فية اة انا قلتلك المرة قلى فاتت عربيتك زى الفل واللة العظيم احسن من عربيتى عشر مرات كمان

بص يافادى
العربية لو فى بستم مش شغال على السلانسية هيبان فى الموتور هتلاقية مبرجل وانت مفيش عندك الكلام دة
عملية الاحتراق هى اللى بتعمل ظبط لاهتزازات الموتور وبعدين مفيش سبب يخلى الموتور يشتغل عادى لما تدوس بنزين
لما بدلت البوجيهات والسلوك التفتفة راحت؟؟
حط ايدك قدام الشكمان بتحس فى حتة فاضية فى النص العادم مش شبة متصل؟؟
فى حاجة انا فاكرها لما شوفت العربية ان العادم كان بارد بس مش فاكر على السلانسية ولا لما بتدوس بنزين مش فاكر بالظبط جرب كد الموضوع دة

اقتباس:

---

المشاركة الأصلية كتبت بواسطة eng\ahmed

بص يافادى
العربية لو فى بستم مش شغال على السلانسية هيبان فى الموتور هتلاقية مبرجل وانت مفيش عندك الكلام دة
عملية الاحتراق هى اللى بتعمل ظبط لاهتزازات الموتور وبعدين مفيش سبب يخلى الموتور يشتغل عادى لما تدوس بنزين
لما بدلت البوجيهات والسلوك التفتفة راحت؟؟
حط ايدك قدام الشكمان بتحس فى حتة فاضية فى النص العادم مش شبة متصل؟؟
فى حاجة انا فاكرها لما شوفت العربية ان العادم كان بارد بس مش فاكر على السلانسية ولا لما بتدوس بنزين مش فاكر بالظبط جرب كد الموضوع دة

---

مشكور علي الرد ياباشمهندس ...
لما بدلت البوجيهات والسلوك التفتفه ماراحتش
لا مفيش فاصل في العادم ياباشا
بس انا ملاحظ ان التفتفه موجوده علي السلانسيه فقط لاغير حتي اول مابدور الموتور الصبح وبيبقي الايديال شغال لثواني بتختفي التفتفه معله وبترجع تاني بعد مابيفصل..

يا عم ارحمنى و روح لميكانيكى عدل

مفيش فيدة فادى هو فادى موسوس

استاذ فادى
ممكن تروح لعز الميكانيكى اللى فى منزل الكوبرى الجديد من ناحية السنانيه جنب الشهر العقارى
وبرده فى الحاج سمير زعتر على طريق بورسعيد ولو عايزنى أجيى معاك اتصل بيا رقمى فى التوقيع
حاجه اخيره
انا عربيتى من كام يوم عملت الترتيله دى وحستها بتلت على السلانسيه انما فى الجرى عادى ولقيت الموبينه فيها فرده ضعيفه شغاله انما ضعيفه المهم غيرت موبينه وكله بقى تمام

استاذ فادى
ممكن تروح لعز الميكانيكى اللى فى منزل الكوبرى الجديد من ناحية السنانيه جنب الشهر العقارى
وبرده فى الحاج سمير زعتر على طريق بورسعيد ولو عايزنى أجيى معاك اتصل بيا رقمى فى التوقيع
حاجه اخيره
انا عربيتى من كام يوم عملت الترتيله دى وحستها بتلت على السلانسيه انما فى الجرى عادى ولقيت الموبينه فيها فرده ضعيفه شغاله انما ضعيفه المهم غيرت موبينه وكله بقى تمام

ايوه ده كلام معقول موبينا ممكن انما مش صباب بيعلق