بس أنا سمعت سابقا ان شهر السماح عشان تلحق تجدد فيه الرخصة بس لكن لو اتمسمت في لجنة هتتسحب , منطقى فلو حصل حادث وتوفى شخص وثيقة التأمين هتكون منتهية
بس أنا سمعت سابقا ان شهر السماح عشان تلحق تجدد فيه الرخصة بس لكن لو اتمسمت في لجنة هتتسحب , منطقى فلو حصل حادث وتوفى شخص وثيقة التأمين هتكون منتهية
جزاكم الله خيرا يا جماعة علي تفاعلكم معايا
انا الحمدلله جددت الرخصة و كله تمام
و بصراحة انا لما سافرت الغردقة عملت قبلها محضر فقد للرخصة تحسبا لأي طارئ
و مخبيش عليكم انا مش بطمن لأي حد في المرور و عارف انهم اصحاب مزاجات و كل واحد فيهم بيبقاله قانون لوحده
انا والله في مره عسكري مرور في لجنة عالطريق وقفني و طلب مني الرخص و فوجئت بيه بيطلب توكيل و قعدت افهمه اني انا صاحب العربية و هو يقولي بس الرخصة مكتوب فيها خظر ملكية لصالح الشركة المصرية العالمية للسيارات
افهم فيه ان العربية عليها اقساط و لازم يعملوا حظر بيع عشان يضمنوا حقهم و هو متربس دماغه علي التوكيل
بصراحة انا اتنرفزت و قلبت علي المووود الصعيدي اللي انتوا عارفينه و عنيا احمرت و صوتي علي و الإبتسامة الصفرا راحت و علي رأي عادل امام و نسر الجمهورية اللي علي جبيني طار
العسكري خاف و اقاللي خد الرخص خلااااص
و الحمدلله انا جددت الرخصة بسنة تاني لغاية ما ربنا يكرمني و اخلص باقي الأقساط عشان ارتاح من همها و اشم نفسي
انا دفعت الضريبة في مكتب البريد و كانت 208 جنيه و تقريبا حوالي 30 جنيه ملف تجديد و طوابع شرطة و دمغات و كمبيوتر و مش عارف ايه + 80 وثيقة تأمين إجباري "مصر للتأمين"
يعني تقريبا الموضوع علي بعضه حوالي 350 جنيه