-
هام خبراء المازدا 323
الأخوة الزملاء
كنت عاوز اشتري عربية مازدا 323 لان كتير بصراحة بيشكروا فيها مع العلم باني ممكن امشي بالعربية 100 كيلو يوميا وبالتالي عاوز عربية كويسة قوي ومتاكلش بنزين وعندي شوية اسئلة ومعلش هتعبكم معايا:
- هل العربية دي لو حالة كويسة تستحمل المشاوير دي؟
- فيه منها نازل بتكييف هل تنصحوني ادور على حدة بتكييف ولا بلاش احسن؟
- فيه منها 1300 cc ومنها 1500 أنهي احسن وهل فيه فرق كبير فاستهلاك البنزين بين الاتنين؟
- بصراحة رأيكم ايه فالاسطى نبيل مازدا بتاع القلعة لاني عاوز اوصيه هو يشوفلي عربية لانه طبعا خبير فيها يعني عنده ضمير وكده ولا ممكن يخمني ؟
متشكر ليكم قوي ويا ريت حد يفيدني لاني محتاج للعربية جدا اليومين دول
ولو حد للامانة يعرف حد عنده عربية بس شرط حالة شاذة وفابريكا ويفضل المرفوعة لسنوات لاني مبفهمش خالص فالعربيات ولو عطلت ممكن اتعقد ومركبهاش
رجاء رجاء الوسطاء والتجار يمتنعون احسنلهم :khd:
اخوكم سامح
-
ايه يا جماعة مفيش ولا رد؟؟؟؟؟
-
-
السلام عليكم
المازدا 323 عربية ممتازة واقتصادية وموفرة فى البنزين وهتستحمل المشاوير الكتيرة والاسطى بلبل بتاع القلعة راجل كويس وصنيعى ومتخصص فى المازدا 323 بس موديل الجيش 82 83
-
هاتلك عربية بموتور 1300 أفضل ليك لو انت مش بتاع جري وعايز موتور استهلاكه أقل للبنزين.
نبيل مازدا بتاع القلعة كويس إن شاء الله.
Content Relevant URLs by
vBSEO 3.6.0 PL2