ايه اخبار معرض الكتاب معاكم

اولا
بسم الله الرحمن الرحيم

نبداء بقي من اول السطر دا حلو اوي كده

معرض الكتاب بداء رسميا لعامة الجمهور من النهارده او من امبارح مش فاكر كويس
بس المهم اني بحب معرض الكتاب دا اوي وبعتبره من الحاجات المقدسة عندي
ولازم اروحه حتي لو مش ناوي اشتري

بس غالبا طبعا هشتري
بس انا للاسف مش هعرف اروحه قبل يوم الجمعة الي جاية

بس ياريت كمان كل واحد لو راحه يقول ايه نظامه
وايه الكتب الي جابها وينصحنا بايه منها
وايه رائيه عامة

انا عارف ان في موضوع ايه احسن كتاب قريته بس هنا خاص للمعرض
يعني اجيب الكتاب منين و الاقيه في انهي قاعة في المعرض
وايه احسن كتاب تنصح حد يشتريه في المعرض
والاسعار
الكتب الجديدة
:Oc_sun1[1]:

لسه حانزل يوم الثلاثاء إن شاء الله وياريت لو في حد عنده معلومات أو إضافة يفيدنا بيها

انا رحت يوم الجمعة
بس جبت كتب عادية
ملقتش كتاب يشد جامد

مش كفاية زيارة مرة واحدة لأن المعرض بيكون كبير جدا حتى لو حتقتصر على متابعة الكتب فقط فمابالك لو حتحتاج تحضر ندوة مثلا أو أكثر
أنا عادة بنزل يومين على الأقل ولو الظروف تسمح باقعد أكثر

هو فعلا عامة المعرض مش ينفع انزله يوم واحد
دا انا سعات بتعدي الخمسة

علشان الفه كله

طيب حد عنده اخبار عن الندوات الي هناك لو في حاجة مهمة ؟؟؟

اقتباس:

---

المشاركة الأصلية كتبت بواسطة abdo_general

هو فعلا عامة المعرض مش ينفع انزله يوم واحد
دا انا سعات بتعدي الخمسة

علشان الفه كله

طيب حد عنده اخبار عن الندوات الي هناك لو في حاجة مهمة ؟؟؟

---

في ندوة شعرية لعبد الرحمن يوسف وجمال بخيت وسيد حجاب وشعار آخرين يوم الأربعاء الساعة السادسة في قاعة 6 أكتوبر.

انا احتمال اروح يوم السبت
بس ياريت تقولوا رأيكوا من قبلها يستاهل المشوار ولا لأ

المعرض يستاهل المشوار لو حد بيدور على كتاب معين .. لأنه طبعا زاى مانتوا عارفين مفيش كتاب مش هناك :)

بس عامة المعرض مستواه مش بطال .. زحمة جدا .. و الاسعار غليت سنة ..

المعرض التركيز فيه على الكتب الاكاديمية اكتر من الأدب و القصص و الروايات .. للاسف الكتب الفنية قليلة اوي ..

و جناح الاهرام فيه كل حاجة .. كل حاجة .. بس عشان التقسيمة بتاعته هيحتاج لفتين تلاتة

انا اشتريت كتاب "تاكسي" و "اول مكرر" و كتاب تاني حلو اوييي اسمه "كيف تبيع اي شيء لأي انسان" :)

و كام قصة قصيرة لمصطفى محمود .. و كتاب للابنودي "جاوابات حراجي القط"

بصراحة الواحد طول ما هو ماشي عينه بتطلع على كتب كتير .. بس الواحد بيقلق ليتركنوا على الرف :)


ملحوظة:مستحيل تلف المعرض كله في يوم .. الا لو:

- اخدته جري

- او عمرك ما مشيت قبل كدة .. و قررت انك تفرغ كل الجواك و تديها مشي :)

رحته يوم السبت و كان فاااااااااااااااضيييييييي ييييي :S_thum1[1]:

جبت الكتب الآتية:

• كناسة الدكان ليحيى حقي
• رواية أطياف لرضوى عاشور
• كتاب مالوش إسم لأحمد العسيلي
• واحة الغروب لبهاء طاهر
• حياتي لأحمد أمين
• حكايات مصرية جدا لكاتب إسمه هشام الخشن
• رواية عتبات البهجة لإبراهيم عبد المجيد
• مجموعة قصصية اسمها برطمان النوتيلا لكاتبة اسمها فاطمة محمد العوا
• كتاب إسمه أكيد فيه حل لكاتب اسمه إيهاب عبد السلام

و لسه ما لفتوش كله و لسه لية زيارة تانية ان شاء الله :M_yes[1]:

الأسعار بتبقى حسب دور النشر.. يعني مثلا دار الشروق و دار الفاروق للنشر غاليين، إنما دار زي نهضة مصر مثلا أسعار كتبها معقول جدا.

أنا لسة ماروحتش ... وإحتمال كمان ماعرفش أروح السنة دي

بس متابع معاكوا يمكن ألاقي حاجة قوية تخليني أضغط على نفسي عشان أروح

اقتباس:

---

المشاركة الأصلية كتبت بواسطة olaosman

• كتاب مالوش إسم لأحمد العسيلي

---

كتاب رائع جدا جدا بس عاوز اللى يقراه يكون عقليته متفتحه شويتين لانو فيه كلام ممكن للوهله الاولى يصدم القارئ
هو عاوز واحد يفكر معاه

اقتباس:

---

المشاركة الأصلية كتبت بواسطة hesham_tawfiq

كتاب رائع جدا جدا بس عاوز اللى يقراه يكون عقليته متفتحه شويتين لانو فيه كلام ممكن للوهله الاولى يصدم القارئ
هو عاوز واحد يفكر معاه

---

طالما كده يبقى أجيبه في الزيارة الجاية للمعرض.

شوفته بس اسمه وكاتبه مشدنيش أشتريه.