انا بتكلم انها هي هي الماتيز
و العربيه مش بطاله اطلاقا
عرض للطباعة
ياباشا هى هى الماتيز كاشكل وتصميم لكن كدرجة صناعة و نوع المواد الخام المستخدمة فى التصنيع منعرفش كفاءتها اخبارها ايه
وكان معانا عضو هنا اشترى واحدة لزوجته وبرابيرز القدامانى اتخلع وقاعدة الفتيس قطعت وهى لسه زيرو فى اول شهر
وانا معرفش قريب لى اشترها كنت قرنتلك بينها وبين الماتيز
انا فاكر الموضوع اللي حضرتك بتتكلم عنه و غالبا هو هو اللي انا قريته و بالاماره قديم قدم عمر المنتدي
بس انا توافرت لي فرصه سواقه الشيري دي و عجبتني جدا
و من كلام اصحابها العربيه مش وحشه ابدا دي زي الماتيز في الاداء
و حتي موضوع الثبات انا اللي جربته بنفسي علي 100 و ملفات كوبري اكتوبر و اتضح ليا ساعتها ان الموضوع كان فيه كلام مغلوط و كتير قوي
و علي فكره مش بس شبه الماتيز في قطع الغيار و العفشه (اللي يضمن وجودها و توافرها سنين قدام) دي شبه السبارك من ورا بالفوانيس و كله
انا عايز حد يمتلك الماتيز و يقول رأيه فيها
و الشيري qq هي هي تمام
و بسعر منافس علشان بس سمعه الصين لكن دي من العربيات اللي الصينيين مكانوش بيفتكسو تعديل او جمع موديلين عربيات في بعض
دي مجرد كوبي و بيست و لو الماتيز حلوه كعربيه يبقي دي حلوه زيها
و لو الصيني اللي مش عاجب فيها ممكن ساعتها يتغير يا اما بالماتيز او حتي علشان الشكل برضو ممكن بالسبارك
خد بالك ان العربيه دي موجوده زيرو منها و بسعر منافس و تعتبر فرصه كويسه لكل واحد بيفكر في مستعمل علي قد فلوسه
و جشع الجمارك و التجار عامل حصار سعري حوالين العربيات الزيرو الصغيره زي السبارك و الالتو و باقي العربيات المشابهه (ايوه عايز اقول سيريون بس خايف من ابو عبد الله):b4_444:
فقصدي بلاش كلام يتقال علي الصيني او اي حاجه كده و السلام
لو عليا عايز من تجربتي للعربيه و معرفتي بتاريخها و اصلاحاتها انصح الناس خصوصا في نطاق ال 35-40 بيها و اضمن كونها عربيه كويسه 4-5 سنين شرط التصيين و الاهتمام
بس عايز برضو كلمه واحد معاه العربيه
وسع يا جدع ............... بتاع الماتيز وصل
بما أني من أحد الملاك الفخورين بدايو ماتيز 1999 اسمحلي اذكر التالي:
العربية دي لو ما كانتش دايو اتباعت لجنرال موتورز كانت عملت احلى شغل لحد الآن، علماً بأنها كانت في وقت من الأوقات العربية المفضلة في أوروبا وكانت واخده جايزة احسن تصميم وعلى فكرة العربية الماتيز من تصميم إيطالي (Italdesign) وكانت مصممه لشركة فيات بس الشركة رفضت تصنعها وأخدتها دايو والموتور نسخة محسنة من موتور دايو تيكو واللي هو أصلا تصميم إنجليزي.
العربية ممتازة في استهلاك الوقود وبتعمل معايا حوالي 16 كم/لتر داخل المدينة وعلى السريع بيكون الاستهلاك كمان احسن من كده
صالونها جميل وعمري ما اشتكيت من طول المشاوير بس عايز 3 افراد+السواق بالكتير
الشنطة مش واسعة وضيقة حبتين بس كل الهاتشباك كده
التكييف ممتاز واحيانا بسقع منه في عز الصيف وافصله.
قطع الغيار متوفره عند ناس معينين ومش كل بتوع الدايو بيشتغلوا فيها ولما مرة سألت ليه كده قالولي ان قطع غيارها معمرة ولا تحتاج استبدال بكثرة
بعض الأسعار مثلاً
طقم رشاشات جي إم 600 جنيه
فانوس أمامي 125 جنيه
فانوس خلفي 125 جنيه
فانوس إشاره أكسضام صيني 25 جنيه
رفرف 210 جنيه
أكسضام 300 جنيه
إسبراتير 600 جنيه
قربة رادياتير كوري 125 جنيه
سير تقسيمة 40 جنيه زي بتاع الكيا برايد بالظبط
ديسك واسطوانة وبليه 470 جنيه
طنابير خلفية كوري 600 جنيه
الفرامل الأمامية هي هي بتاعة لانوس بالملي ونفس اسعارها.
مقصات أمامية كوري 120 جنيه الجوز.
مساعدين خلفي 210 جنيه الجوز
مساعدين امامي 500 جنيه الجوز
طقم سلوك بوجيهات 65 جنيه
موبينة 100 جنيه
بلف ايدل 100 جنيه
tps عامل حوالي 110 جنيه
حساس MAP عامل 100 جنيه
فلتر هواء 45 جنيه كوري
فلتر بنزين 25 جنيه
فلتر زيت ياباني بتاع الكورولا عامل 45 جنيه
كمبريسور تكييف أصلي 2000 جنيه
جيربوكس استيراد 500 جنيه
بيضات طرف 90 جنيه
سكاترا 450 جنيه
كاوتشات ستيبالايزر أصلي 40 جنيه
كوبلن تايواني 240 جنيه الجوز
كاوتشات الكوبلن 20 جنيه الجوز
جوان وش سلندر 35 جنيه
طبعاً أنا مغيرتش كل الحاجات والحمد لله دي بس عارف اسعارها فقط.
عيوبها:
خفيفة وبعد سرعة 120 تقلق منها
الميكانيكية ميحبوش يشتغلوا فيها لأن حوضها ضيق
حساسة وتحتاج مراعاة مستمرة عشان تفضل بحالة جيدة
ممكن تمشي ببنزين 90 بس انا بفضل استخدم 92 لأن نسبة انضغاط المحرك 9.3:1 ولايفضل استخدام 80 لأنها عربية انجكشن
وزي ما قال الأخ (الحالة ثم الحالة) تفرق كتير من ماتيز لماتيز وماتخدش بالشكل بس.
بس خلاص وبالتوفيق....
كتر الف خيرك
هل ممكن تقارن ما بين الشيري qq كبديل زيرو عن الماتيز؟
شكراً لحضرتك.
الصراحه هما يبانو نفس الشكل من الخارج ولكن ده لوحده مش كفاية، لأن أصلا كانت شركة جنرال موتورز رافعه قضية كبيرة على شركة شيري منتجين QQ عشان قلدوا التصميم بدون إذن ويقال والله اعلم ان كثير من قطع غيار الموديلين يركب على بعض لدرجة انه الأبواب الأمامية نفس المقاس بالملي وتركب مكان بعضها.
QQ شكلها حلو وفيها كماليات كويسة ولكن مع الأسف ضعيفة إذا ما قورنت بالدايو ماتيز
وده اختبار التصادم بتاع الموديلين:
أولا دايو ماتيز:
http://images.paultan.org/uploads/20...yqq_daewoo.jpg
ثانيا: شيري كيو كيو
http://images.paultan.org/uploads/20...qq_cheryqq.jpg
الماتيز اتعملت في وقت كانت الصناعة الكوري في اوجها وكانت العربيات الكوري مكسرة الدنيا كلها حتى في أمريكا ولكيوكيو نموذج صيني مقلد.
بس الصراحة معرفش عن كيوكيو اكتر من كده عشان اقارن بشكل اوسع
عموما الخيره فيما اختاره الله
انا بفكر فيها كبديل للماتيز و يكون زيرو
و كانت فعلا من ايام ما الصين كانت بتقلد كوبي بيست من غير اي افتكاسه
انا عارض عربيتى للبيع
ماتيز 99
حالة ممتازة
للاتصال 0122581139