الموضوع: اية رايكو في الماتيز

المشاركة الأصلية كتبت بواسطة amir

انا بتكلم انها هي هي الماتيز
و العربيه مش بطاله اطلاقا

ياباشا هى هى الماتيز كاشكل وتصميم لكن كدرجة صناعة و نوع المواد الخام المستخدمة فى التصنيع منعرفش كفاءتها اخبارها ايه

وكان معانا عضو هنا اشترى واحدة لزوجته وبرابيرز القدامانى اتخلع وقاعدة الفتيس قطعت وهى لسه زيرو فى اول شهر

وانا معرفش قريب لى اشترها كنت قرنتلك بينها وبين الماتيز

المشاركة الأصلية كتبت بواسطة shankosi

وسع يا جدع ............... بتاع الماتيز وصل

بما أني من أحد الملاك الفخورين بدايو ماتيز 1999 اسمحلي اذكر التالي:

العربية دي لو ما كانتش دايو اتباعت لجنرال موتورز كانت عملت احلى شغل لحد الآن، علماً بأنها كانت في وقت من الأوقات العربية المفضلة في أوروبا وكانت واخده جايزة احسن تصميم وعلى فكرة العربية الماتيز من تصميم إيطالي (italdesign) وكانت مصممه لشركة فيات بس الشركة رفضت تصنعها وأخدتها دايو والموتور نسخة محسنة من موتور دايو تيكو واللي هو أصلا تصميم إنجليزي.

العربية ممتازة في استهلاك الوقود وبتعمل معايا حوالي 16 كم/لتر داخل المدينة وعلى السريع بيكون الاستهلاك كمان احسن من كده
صالونها جميل وعمري ما اشتكيت من طول المشاوير بس عايز 3 افراد+السواق بالكتير
الشنطة مش واسعة وضيقة حبتين بس كل الهاتشباك كده
التكييف ممتاز واحيانا بسقع منه في عز الصيف وافصله.
قطع الغيار متوفره عند ناس معينين ومش كل بتوع الدايو بيشتغلوا فيها ولما مرة سألت ليه كده قالولي ان قطع غيارها معمرة ولا تحتاج استبدال بكثرة
بعض الأسعار مثلاً
طقم رشاشات جي إم 600 جنيه
فانوس أمامي 125 جنيه
فانوس خلفي 125 جنيه
فانوس إشاره أكسضام صيني 25 جنيه
رفرف 210 جنيه
أكسضام 300 جنيه
إسبراتير 600 جنيه
قربة رادياتير كوري 125 جنيه
سير تقسيمة 40 جنيه زي بتاع الكيا برايد بالظبط
ديسك واسطوانة وبليه 470 جنيه
طنابير خلفية كوري 600 جنيه
الفرامل الأمامية هي هي بتاعة لانوس بالملي ونفس اسعارها.
مقصات أمامية كوري 120 جنيه الجوز.
مساعدين خلفي 210 جنيه الجوز
مساعدين امامي 500 جنيه الجوز
طقم سلوك بوجيهات 65 جنيه
موبينة 100 جنيه
بلف ايدل 100 جنيه
tps عامل حوالي 110 جنيه
حساس map عامل 100 جنيه
فلتر هواء 45 جنيه كوري
فلتر بنزين 25 جنيه
فلتر زيت ياباني بتاع الكورولا عامل 45 جنيه
كمبريسور تكييف أصلي 2000 جنيه
جيربوكس استيراد 500 جنيه
بيضات طرف 90 جنيه
سكاترا 450 جنيه
كاوتشات ستيبالايزر أصلي 40 جنيه
كوبلن تايواني 240 جنيه الجوز
كاوتشات الكوبلن 20 جنيه الجوز
جوان وش سلندر 35 جنيه

طبعاً أنا مغيرتش كل الحاجات والحمد لله دي بس عارف اسعارها فقط.

عيوبها:

خفيفة وبعد سرعة 120 تقلق منها
الميكانيكية ميحبوش يشتغلوا فيها لأن حوضها ضيق
حساسة وتحتاج مراعاة مستمرة عشان تفضل بحالة جيدة
ممكن تمشي ببنزين 90 بس انا بفضل استخدم 92 لأن نسبة انضغاط المحرك 9.3:1 ولايفضل استخدام 80 لأنها عربية انجكشن

وزي ما قال الأخ (الحالة ثم الحالة) تفرق كتير من ماتيز لماتيز وماتخدش بالشكل بس.

بس خلاص وبالتوفيق....

تقرير هايل ونادر عن الماتيز

المشاركة الأصلية كتبت بواسطة amir

انا فاكر الموضوع اللي حضرتك بتتكلم عنه و غالبا هو هو اللي انا قريته و بالاماره قديم قدم عمر المنتدي
بس انا توافرت لي فرصه سواقه الشيري دي و عجبتني جدا
و من كلام اصحابها العربيه مش وحشه ابدا دي زي الماتيز في الاداء
و حتي موضوع الثبات انا اللي جربته بنفسي علي 100 و ملفات كوبري اكتوبر و اتضح ليا ساعتها ان الموضوع كان فيه كلام مغلوط و كتير قوي

بس عايز برضو كلمه واحد معاه العربيه

هو فعلا الموضوع قديم قوى بس متضمنش ممكن تكون عربيات وعربيات

المشاركة الأصلية كتبت بواسطة amir

انا بفكر فيها كبديل للماتيز و يكون زيرو
و كانت فعلا من ايام ما الصين كانت بتقلد كوبي بيست من غير اي افتكاسه

طاب حاول تسال فى قسم الشيرى انا مش عاوز اقولك اشترى ماتيز مستعمل لان الزيرو لا يعلى عليه بس الموضوع محير وربنا يوفقك