لو ينفع المطبات ومحدش هييجي يشيلها اعملوها النهاردة قبل بكرة
مرة كنت ماشي في الاوتوستراد ومنطقة مش سكنية ولا حاجة و معدي الـ 130كم بحاجة بسيطة وبعد كوبري النادي الاهلي في ملف يمين عالواسع قبل وطنية وانا ماشي في الشمال وعلى يميني عربية واتفاجئت بحاجة قدامي - الحمد لله كان صندوق من بتوع الفاكهة اللي بيبقى خشب مربط في بعضه - المهم على السرعة دي ملحقتش اعمل اي حاجة غير اني اخد الصندوق في بطن العربية وانا لسة مش عارف ايه دا !!! مانا طاير بقى وفي ملف ومزنوق وعلى يميني عربية !!!! والحمد لله جت سليمة والصندوق معملشي حاجة في العربية
بعدها على طول هديت وطفيت الكاسيت وركنت اشوف لو فيه تسريب لاي حاجة تحت العربية !!! وجه في بالي كذا فكرة لما لقيت العربية سليمة انه لو كان الصندوق دا دبشة او طوبة كبيرة زي البلوكات بتاعة الرصيف مثلا ولا بقى عربية واقفة عطلانة او بيغير فردة كاوتش عالشمال ودا عادي عندنا ممكن اي حد يقف في اي حتة تعجبه
لو كان الصندوق دا عيل بيعدي
- طبعا صعب في الحتة دي يكون في حد بيعدي بس الخلاصة ان على السرعة دي ملحقتش اتصرف غير اني ادخل في الصندوق وخلاص ولا كان ينفع افرمل عشان دخلت الملف ولا كنت هالحق اساسا افرمل ولا اجي يمين عشان في عربية لسة هاتخطاها في اليمين لو جيت يمين هالبس فيه من ورا ومن يومها عهد عليا اني ماوصلشي للسرعة اللي تخليني مالحقشي اتصرف في اي موقف يعني جوة البلد ستين بالكتير اوي تسعين ودا مع الاستعجال
وربنا يسترها معانا كلنا
موضوع الظابط بقى دا فعلا الواد شايف ابوه بيعمل كدة هيعمل ايه لما يكبر شوية ربنا يهديهم !!! لو ابويا مطرجه كان جه في وسط الشارع وباعني وقال معرفوش ولا عمري شفته
المفضلات