هل يمكننى قيادة السياره من التوكيل الى المنزل بدون لوحات ام ان التوكيل سيعطينى لوحات مؤقته ولا الورق يكفى خصوصا انه فيه حوالى 100 كم بين التوكيل و المنزل فى صعيد مصر ؟؟؟؟؟؟
عرض للطباعة
هل يمكننى قيادة السياره من التوكيل الى المنزل بدون لوحات ام ان التوكيل سيعطينى لوحات مؤقته ولا الورق يكفى خصوصا انه فيه حوالى 100 كم بين التوكيل و المنزل فى صعيد مصر ؟؟؟؟؟؟
لا حضرتك التوكيل مش بيديك نمر مؤقتة حضرتك ممكن تجيبها من معرض او اى تاجر وتمنها من 60 لحد 100 جنية فى اليوم ودى طبعا بتحميك من اى مسائلة من بتوع المرور لكن لو على الطريق بتاع حضرتك مفيش لجان يبقى خلاص استلمها كدة من غير نمر ولو قابلك حد طلعلة الورق وقولة انك لسة مستلم ومشى الموضوع ودى لكن لو بتاع المرور دمة تقيل الموضوع ممكن يوصل لاقدر الله للحبس والموضوع راجع لتقدير حضرتك ان كنت تضحى بتاجير النمر اوتخاطر
انا عن نفسى مشيت من غير نمر وربنا سترها معايا
أنا مشيت من غير نمر بس بصراحة كنت قلقان
من القطاميه لغايه وسط البلد
انصحك تجيب نمر تجاريه احسن
ربنا يسترها ان شاء الله
حسب الطريق الى هتمشى عليه ...
انا عملت حركه قبل كده بس صعب تتكرر تانى ........
عندنا عربيه نص نقل 2008 لونها ابيض و عليها صندوق مقفول و ده بيتثبت فى الرخصه .....
و بعدين جيبنا واحده نص نقل برده ابيض بس 2010 ..
و عايزين نركب عليها صندوق مقفول برده ..
بس لازم نركبه قبل ما نرخصها عشان يتثبت فى الرخصه ..
و ده بنركبه فى العبور و انا من المحله الكبرى ...
قمت فاكك نمر العربيه ال 2008 و حاططها على الى 2010 الى هى اصلا مش مرخصه !!!
و خدت الرخصه معايا ....
و روحت العبور ركبت الصندوق و رجعت ...
المشكله لو كان حد وقفنى و انا رايح ..الرخصه مكتوب فيها صندوق مقفول و العربيه مش عليها صندوق !!!!!!
و الحمد لله عدت على خير ...
انا عملت 400 كيلو بالعربيه من غير اي نمر
و عدي الموضوع علي خير الحمد لله
بس خد بالك ان لو اتمسكت من غير نمر العربية حتتسحب و حتبقى قضية كبيرة:,:
انا فضلت ماشي حوالي 700 كيلو من غير لوحات
و ساعات كنت باشيل اللوحه من علي عربية اختي و اركب اللوحه اللي قدام بس على عربيتي و انزل بيها
و طبعا لو كنت اتمسكت بالحركه دي كنت اتعلقت:L_bhuhhh[1]:
و يوم ما كنت نازل ارخص نزلت من غير لوحات خالص و اتمسكت عالصحراوي و العربية كانت (او بالفعل) هتدخل حضانه
بس بعد كام تليفون بالمعارف من الضباط الموضوع عدى و ربنا ستر:unhappy: