اية الفرق بين الجيتا 2009 و 2010 و هل يستاهل الفرق ؟ كمان سمعت ان فى جيتا 2010 سبع سرعات !! هل السرعة السابعة دى عاملة فرق قوى ؟؟!!
اية الفرق بين الجيتا 2009 و 2010 و هل يستاهل الفرق ؟ كمان سمعت ان فى جيتا 2010 سبع سرعات !! هل السرعة السابعة دى عاملة فرق قوى ؟؟!!
بص يا باشا
مع صاحبى 2009 وأنا الحمد لله جبت 2010 من اسبوعين تقريبا
انا ركبت الإتنين وسيبك من الكماليات أهم فرق هو الفتيس الجديد
أنا فعلا شايف انو أجمد من الفتيس الأول فى السحب والنعومة عند النقلات وده رأيى
ألف شكر با ريس.....انا برضة سقت ال 2009 بس لاحظت ان صوت الماتور مش ناعم هل دة برضة فى 2010 ؟؟
انا سمعت ان الفتيس الجديد عامل مشاكل لبعض الناس اشترى ال2009 اضمن
ألف شكر يا رجالة
+ الكاسيت الجديد التاتش بالنافيجيشن
هل فعلا فعلا فى مشكله فى الفتيس الجديد
و الله يا اخى مصدرى سمعن من واحد عارف ناس معاها جولف و باسات الفتيس الجديد و تراجع عن شرالجيتا فتيس جديد بسبب الحكاية دى و مرة كنت بتكلم مع صاحب معرض قاللى انه بيشوف ناس فى التوكيل عاملة عشرة الاف كيلو بالعربية بس و بتصلح فى الفتيس ده و على فكرة الجيتا الخليجى فيها موديل 2010 بالفتيس القديم و ده انصح بيه الاخ صاحب السؤال لو ملاقاش 2009
هو انا معايا جيتا 2009 ومرخصها 2010 بس الى معايا بالفتيس العادى والعربية ماشية كويس معايا
فا بالنسبة للفتيس الجديد مش هيظهر عيوبة دلوقتى محتاج فترة على ما الناس تحكم علية
وغير فرق بين 2009 و 2010 فى الفتيس
يوجد اختلاف فى الدركسيون واضاءه التابلوة من ازرق لابيض
واختلاف شكل التكيف
وبالنسبة للاخ العضو الى بيقول انها نازلة ب شاشة فيها نيفيجيشن
اسمحلى اقولك ان 2010 نازلة زيها زى 2009 مع فرق الاختلافات الى قولت عليها بس اما بالنسبة للشاشة النفيجيشن فا دى موجودة عند جابر عبد الشهيد فقط والشاشة التاتش الموجودة فى العربية ما هى الا شاشة كاسيت وموصل علية السينسور بارك
اما بالنسبة للشاشة النيفيجيشن الى بتنزل مع العربية دى موجودة فى الباسات الكاملة وبتكون 4 ازرار على الجانب الواحد يعنى على الجانبين 8 ازرار وبالنسبة للكاسيت الى بينزل فى الجيتا فا هو 3 ازرار فى الجانب الواحد يعنى لو الجانبين على بعض هيعملو 6 ازرار ومفيش فيهم نيفيجيشن
وانا كمان سمعت من صديق لى ان صاحب معرض كان بيقولة ان الفتيس الجديد فى خوف منة وان التربو كمان لو باظ مشكلة فا طبعا احنا مش هنحكم على العربية غير لما الناس تجربها وتمشى بيها وهشوف هتقول عليها اية
متهىء لى ان انا الوحيد فى قسم الفولكس و فى المنتدى عموما معاه عربيه بالفتيس ال dsg لمده عام كامل و 40 الف كم من القياده فى كل الظروف و عمر الفتيس ما عمل معى مشكله او سمعت عن حد فى مشكله معاه فى الفتيس ده
المشكله الوحيده كانت فى الجيتا و ظهرت فى عدد من السيارات فى امريكا فقط و الى الان لا اعرف ان كان dsg او لأ وده كان ناتج عن وجود حساس حراره للفتيس بيدى قراءه خاطئه فكان بيخلى العربيه لو انت على السابع يجيب ال n و الشركه قامت بعمل استعاء للسيارات و غيرت الحساس ده
لكن لا يوجد اى شكوى من هذا الفتيس فى كل مصانع فولكس فى أوروبا (اودى ,فولكس ,أسكودا و أخيرا سيات ) فقط مصنع فولكس فى المكسيك وأظن المشكله دى انتهت
يالهوي
مفيش كدا عربية مفهاش عيوب ؟؟؟؟
انا لسة كنت في فورد شوفت مشاكل قاتلة
ودلوقتي في الجيتا بس مش قاتلة ممكن تتصلح
وبعددددددددددددددين عاوزة اشتري عربية ؟؟؟؟؟؟؟؟؟؟؟؟؟ إية الحل؟؟؟؟؟
لو سمحتم حد يقولي عربية نظيفة وبردو لو فيها مشاكل بس التوكيل يكون حلوة
وانا بسمع انو توكيل الفولكس وحش هل دة صحيح؟؟؟؟
والف شكر ليكم علي المعلومات دية.
حضرتك اسمحلى أعلق على مشاركتك لأنها لفتت انتباهي
حضرتك بتقول سمعت من واحد عارف ناس
و صاحب معرض ....برضه بيشوف ناس
اسمحلي مش دي أبدا مصادر المعلومات اللي ممكن تكون بيها رأي و تنصح بيه
دي هي طريقة انتشار الشائعات اللي جابت أحسن عربيات الأرض في البلد دي
الفتيس ده طفرة ...ومش أول سنة ينزل ...و عليه ريفيوهات جامدة جدا
فلو فيه نصيحة ياريت تكون عن تجربة حقيقية
لأن ده مصدر قوة المنتدى
و الف شكر لتقبل رأيي
الاساتذة احمد سامى و م مصطفى كلامكم صح بالتاكيد و طبعا مش الغرض من كلامى نشر اشاعات و لا حاجة و لا ليا مصلحة انى اقلل من الفتيس ده و معاكم ان فكرة الفتيس ده طفرة علمية ده على المستوى النظرى لكن على المستوى التطبيقى محتاج وقت علشان يثبت كفائته و عدم وجود مشاكل متعددة لصيانته و كلامى ده بعيد عن اللى سمعته و قريته من كام مصدر زى ما ذكرت و انا طبعا ماجربتش بنفسى و انا نصحت الاخ صاحب السؤال بالتروى فى شرا الفتيس الجديد لان العربية دى مش رخيصة وماينفعش الواحد يجرب فيها حاجة جديدة على طول كده و الحاجة دى مش اى حاجة دى احد اهم 3 حاجات فى العربية الا و هى الفتيس علشان مايحصلش زى ما حصل للناس بتوع الفتيس mmt بتاع الكرولا و الفتيس يضايقهم بعد كده و الله اعلم
السلام عليكم ورحمة الله وبركاتة
حبيت اشارك بس فى الموضوع دة مع انى معنديش جيتا ولا اعرف حد عنده جيتا بس انا عندى سيات ابيزا 2010 بفتيس DSG
احب اوضح بعض النقاط المهمة للاعضاء الى بيقولوا ان الفتيس DSG فى مشاكل
1- ماتسمعش كلام حد سواء حد مجربش الفتيس او اصحاب المعارض (لان فى بعضهم الى يهمه انه يبيع الموديل الى عنده دلوقتى يعنى بكرة لما يكون عنده الموديل ابو DSG هيقولك فى قصائد شعر :M_yes[1]:)
2- عمر مجموعة فولكس فاجن ما هتضحى بسمعتها وخبرتها ومستقبلها وتنزل فتيس فى عربيتها سواء (فولكس فاجن - اودى - سكودا - سيات - بوجاتى).
3- الفتيس دة نازل فى مجموعة كبيرة من عربيات المجموعة فى اوروبا من عام 2008 يعنى لو كان فى مشاكل اكيد تم تصلحها
4- انا من تجربتى الشخصية القصيرة والبحث الى على الانترنت لفترة طويلة تتعدة 3 شهور عن DSG وجدت ان الفتيس لة مميزات كثيرة من توفير فى استهلاك البنزين - الاستغلال الكامل لطاقة الموتور - الاداء الرياضى والاستجابة السريعة جداً والتى تصل الى 8 ميلى ثانية
5- انا عند اخويا (فى قطر) اسكودا اوكتافيا A5 موديل 2008 بفتيس DSG والحمد لله محصلش معاه اى مشاكل فى الفتيس.
والى يحب يعرف اكتر عن الفتيس DSG يدخل هنا
ويتفرج على الفيديو دة
YouTube - New Volkswagen DSG gearbox
تمام كلامك يا استاذ حاتم و ربنا يباركلك فى عربيتك طبعا بس احب اعلق على النقطتين دول تحديدا كون انها تنزل الفتيس جديد و تطلع فيه مشكلة بعد الاستخدام مش شرط ابدا انها تضحى بسمعتها طب ما الكرولا نزلت فتيس mmt هل هى كانت بتغامر بسمعتها و الا هى قصدها تطوير و هى بتجرب و ده من حقها
و بعدين انت بتقول ان الفتيس من 2008 يعنى لو ظهرت مشاكل فيه من ساعتها كان تم اصلاحها لا انا باقولك مايلحقوش لانه يادوب سنتين يبدا يبان مع الاستخدام اذا كان انت بتقول عن نفسك بقالك 3 شهور و دى مدة قصيرة يبقى هما كشركة كتير عليهم سنتين يجربوا و بعدين بص الخبر اللى جه فى اكتر من موقع على النت و انا بانقله عن الاخت هنادى اللى تفضلت مشكورة ووريتهولنا و فيه تم سحب حوالى 53 الف عربية من معظم ماركات فولكس و بما فيهم الجيتا بانواعها لمشاكل فى الفتيس و اهم ما فى الخبر هو تاريخه و هو شهر اغسطس الماضى يعنى حوالى من 5 شهور بس واترككم مع لينكات الخبر بدون تعليق:
Volkswagen Will Repair DSG Transmissions on 53,300 Vehicles - Car and Driver Blog
VW Has More Problems With Its DSG Transmission - Wheels Blog - NYTimes.com
طيب يعنى ايه نجيب الفتيس dsg ولا لقه
لانوا بصراحه فتيس عالى الاداء
تحياتى
انا والدي معاك اوكتافيا A5 مو 2007 جايبها من قطر بحترمها جدا لان عارف ان اغلبية مكوناتها من VW .. يا جماعه الناس دي بتزاكر كويس اوي قبل صدور اي موديل من شركتهم وبتتعب جدا في تعديل المنتج انا معايا جين 2 مو 2008 مانيوال بفكر ابيعها عشان اجيب جولف 6 بالجير الجدي 7 شيفتات بجد اتمنى امتلاكها لانها من vw اللي بتملك اودي و اسكودا و سيات بالاضافة للاصل فولكس فاجن .. الجير الجدي مش موضه هتليق على العربية ولا لا دي ناس تعبت في دراستها لمصلحة العميل من حيث انخفاض معدل استهلاق الوقود كمان استجابة المحرك السريعة وطبعا اداء راقي .. افتخرو بيها وربنا يبارك لكم فيها وعقبالي