انا مع الرأي ده مع ان المفروض إنك وريتها لميكانيكي قبل ما تشتريها ,
و على فكرة العربيات المستعملة بيبقى وارد إن يحصل فيها مشاكل لكن طالما مشاكل بسيطة فانت محتاج ميكانيكي شاطر يظبطلك الدنيا و ان شاء الله تبقى كويسة .
عرض للطباعة
انا حاسس ان العداد ملعوب فيه ، ومن رأيى تكشف على العربية تانى كويس ، لأن 40 الف كيلو فى موديل 2003 صعب أوى ده معناه إنه كان بيركبها شهر ويركنها 3 شهور ، كمان المشاكل اللى بتظهر عندك مش بتاعت 40 الف خالص ، انا عامل 50 الف وماشوفتش الكلام ده ، يا ريت تكشف عليها كويس أوى أو بلاش منها يا سيدى خالص ، النوبيرا مغرقة السوق وممكن تجيب واحد تانية بسهولة وده رأيى عشان ماتفتحش على نفسك فتحة فى عربية مش لقطة أكيد لأنها موجود منها كتير وبأسعار كويسة
اول حاجة موضوع المية دة معروف فى النوبيرا و دى وصلات السخن و بتتكسر مع مرور الوقت لانها فبر... غير الوصلتين بوصلتين الومنيوم
القربة لازم حتفور طالما مدور العربية و مش مغطى القربة... لو الميكانيكى او الكهربائى بتاعك مش عارف المعلومة دى يبقى بلاش تخليه يلعب فى العربية اصلا
الدايو بيفرغ هوا الدورة لوحدة و مش محتاج فك اى خراطيم عشان الهوا يخرج
راجع على مراوح التبريد و الفيوزات و الكتاوت (محتاج كهربائى كويس)
هل عداد الحرارة كان بيقف قبل النص قبل كل الحوارات دى ولا هو زاد عن النص بعد مشكلة وصلة السخن؟؟
MMamdouh
انا مش عارف اشكركم ازاى
انا وديت العربية عند الكهربائى
و لقى مروحة التبريد مش شغالة ولقى فيوز بايظ و بيقولى العربية حلوة و كل الفيش و الفيوزات اللى فيها بتاعة الفابريكة و نصحنى اخليها
ليا سؤال بقى اعرف حالة الفتيس ازاى
او ازاى اعرف اذا كان حلو ولا وحش
منا قايل انة يكشف عليها زى الناس و يراجع الكهرباء للاطمئنان... بالتالى الافضل الاحتفاظ بيها
MMamdouh
حيبان معاك فى سحب العربيهاقتباس:
ليا سؤال بقى اعرف حالة الفتيس ازاى
او ازاى اعرف اذا كان حلو ولا وحش
ومدى أستجابة الفتيس للسحب
مع الضغط على دواسة البنزين
بص .. من ناحية العربية لي كلمتين .. صحيح هم جم متأخر بعد السادة الزملاء ماقاموا بالواجب .. بس عشان تكمل الفائدة بالنسبة لك .
أي عربية مستعملة .. نفترض تمنها 40 ألف .. هي مش بـ 40 لأ هي بـ 42 لأن في مصاريف صيانة وتصليح إنت هاتدفعها غصب عنك لأن صاحب العربية الأولاني هو اللي خد خيرها .
يعني هاتلاقي ماستر دبرياج وللا رادياتير وللا قواعد موتور أو مقصات أو كاوتش ميزان أو طرمبة بنزين .. توقع مع المستعمل أي شيء .. ودا مش غش من صاحب العربية .. لأ .. دا لأن عمر الحاجات دي الافتراضي بيكون انتهى . وطبيعي تحتاج للتغيير .
كدة تمام
المروحة بتشتغل كويس و الحرارة ماعدتش النص
انا و الله كان جالى سدة نفس من ناحيتها
هل ممكن استعمل معاها بنزين 80 ولا لأ