ألف سلامة يا أحمد وشكراً ع التحذير ونقل الخبرة العملية :)، إن شاء الله تقوم بألف سلامة.
عرض للطباعة
ألف سلامة يا أحمد وشكراً ع التحذير ونقل الخبرة العملية :)، إن شاء الله تقوم بألف سلامة.
الف سلامه يا كبير
ان شاء الله تطلع النتيجه سلبيه ومفيش حاجه عند حضرتك ..
كنت اسمع ان اليانسون مفيد في حالات الاشتباه او الاصابه .. اتمنى الدكاتره الي موجودين يأكدولك برضو الموضوع دا
وان شاء الله طهور ياريس
الف سلامة عليك سعادة الباشا
انت يابني مش حتبطل اخدان ووصف ادوية انا حاسس انك كنت معايا في طب
بس يظهر كده ان العين طلعت من العربية بقت عليك يا ابو حميد
المهم :
- مكانش المفروض تاخد فولتارين
بلاش عامتا مجموعة NSAID (مضادات الالتهاب الغير ستيرويدية عموما)
اللي هي:
فولتارين واخواته: ديكلوفيناك, ديكلوفين, كاتافلام
فلدين واخواته: موبيك, موبيتيل, بيروكس, ميلوكام
اسبرين واخواته: اسبونصر, كولداكت, اسبوسيد
بروفين واخواته: بروفيناك, ماركوفين
كيتوفان واخواته : كيتولجين, كيتولاك
- أقصاك في الباراسيتامول 4000 ملجم : الجرعة السامة
لوزادت تروح الصيدلية تاخد فوار اسمه acetyl cysteine
هو اصلا دوا للكحة بس المادة دي هي المادة اللي الكبد بيستخدمها عشان يحول بيها الباراسيتامول لمادة غير مؤذية
تقدر تقول كده ان المادي دي هي الكيس اللي بنعبي بيه الباراسيتامول الزيادة ونرميه بره الجسم
- خايف من انفلوانزا الخنازير؟ ياريت يابني تبقى بتاعة الخنازير
على الاقل المرض انت عارف ان وفياته واحد في ال 10000 يعني اقل من نسبة وفاتك لو نزلت تتمشى على الدائري كده (بعد الشر طبعا) او طلعت اسكندرية الزراعي
:L_bhuhhh[1]:
على الاقل حتعمل مناعه منه وتخلص بدل ما تبقى عايش في رعب
تصدق بفكر آجي ابوسك واكون محضر نفسي وموزع مراتي والبنت من البيت ويبقى كده خلصت, خلاص يا جماعة اللي يجهز نفسه : حملة لبوس أحمد كمال
- ان شاء الله متكونش اديته للأمورة سلمى
لو اديتهولها انا اللي حضربك
بس ده يخلينا نفكر في القهاوي اللي بنقعد عليها ونشد وبعد كده نروح ببخ في وش ولادنا البكتيريا, بلاش الموضوع ده عشان قعدتنا بتبقى حلوة فعلا !!!
:C_laugh[1]::C_laugh[1]:
ان شاء الله ماتكونش اي حاجه وتكون الفيروس اللي اسمه 24hour virus
سلامتك يا كبير :S_thum1[1]::S_thum1[1]::S_thum1[1]:
باشااااااااااااا
معلش الحمار بتاع الطوارئ ما شكش اصلا انها انفلونزا و عشان كده اداني فولتارين ..... بعد ما كل حاجة تانية شك فيها (اشعة مقطعية عالمخ ..... رسم قلب ..... ضغط ..... نبض) ...... قلت له ما تشوف حرارتي ...... و الله الواحد مش عارف لو ماكانش عنده دراية ببعض المعلومات الطبية كان هيعمل ايه ....... حرارتي بعد الفولتارين و جرامين بانادول خلال النهار (جرام 10 الصبح و جرام 5 المغرب و حقنة الفولتارين 11 بالليل) كانت 38 ...... اخر حلاوة ......
البانادول انا مش باتجاوز الاربعة جرام بأي حال من الأحوال ..... انا باخد في كل مرة جرام كل 6 ساعات عالاقل ان ماكانش اكتر ...... المشكلة دلوقتي الحرارة شكلها out of control عشان باخد البانادول و بتعلى برضه ....... مليت ادراج التلج في الفريزر استعدادا للمعركة و يا انا يا انت يا حتة الفيرس المعفن ده اللي ابوه و امه الغير شرعيين اتقابلوا في خنزير و جابوه للدنيا يقرفنا ........ هاقول له "تبا لك" على رأي أنيس عبيد :44: :3mla:
و انا مش خايف خاااااااااالص من انفلونزا الخنازير و الحمد لله ...... عارف انها كلها فرقعة ميديا ....... انا بس خايف على بنتي و مراتي و بالذات البنت ..... عشان كده انا رحت احلل عشان اعرف انا معدي و لا لأ ..... بالعكس يا ريته ييجي و يغور و الواحد ياخد المناعة و نخلص ........
ما افتكرش انه ابن الحلال ابو 24 ساعة لأني تعبان من يوم السبت ....... بس كنت فاكره صداع من الارهاق و الضغط و عشان كده كنت باخد بانادول كل 6-8 ساعات و ده كان مغطي على الحرارة العالية ...... و غالبا بس مش اكيد هو مش انفلونزا عادية لاني واخد التطعيم بتاعها السنة دي
ايه الاخبار يا استاذ احمد
نتيجة التحليل ظهرت؟؟؟؟؟؟؟؟؟
ان شاء الله خير
طمنا على حضرتك
الف سلامة عليك يا باشا
بس تعرف ان عندى تقريبا نفس الاعراض
دوخة و همدان و صدااااااااااااااااااع رهيب
بس سايبها على الله
ربنا يستر
الف سلامة عليك يااستاذ احمد
ان شاء الله النتيجة تطلع سلبية
ياريت تبقي تطمنا عليك
ألف سلامة ليك ياباشا وبأذن الله تروح الاعراض بسرعة.
طمنا أول بأول. http://www.nilemotors.net/Nile/image..._40%5B1%5D.gif
الف سلامه عليك يا كبير وابقى طمنا عاى التحاليل
الف سلامة عليك يا احمد بيه
طمنا نتيجة التحليل ايه ؟
طمنا عليك يا أستاذ أحمد
الف سلامة عليك يا أ. أحمد
يا ريت تطمنا عليك ؟
ده الى ربنا قدرك عليه تقول على طبيب الطوارىء حمار بعد كل الى عملهولك
ربنا يسامحك
يا استاذ احمد مش لازم عشان فيه حراره انه لما اخد اى خافض حراره الحراره هتنزل
الحراره انواعها واسبابها كتير
حراره انفلونزا الخنازير بتقعد حوالى 4 ايام لانه دورة الفيروس فى الجسم بتاخد حوالى 7 ايام وبدون اى ادويه الحراره بتنزل
وممكن يكون فيه عدوى او التهاب فى الجسم فى اى مكان هو الى رافع الحراره و اخد المسكنات وخاففضات الحراره زى ما انت قلت بتعمل masking بس مش بتعالج السبب الى هو اساسا رافع الحراره وبالتالى كنت محتاج تاخد مضاد حيوى 1 جم على الاقل اهم من خافضات الحراره
وعلى العموم الف سلامه عليك
السلام عليكم
سيدي الفاضل انا قلت عليه حمار لأن ألف باء طوارئ هو أخذ العلامات الحيوية للمريض Vital Signs و من ضمنها الحرارة .......... مش بعد ساعة في الطوارئ انا اللي اقول له ما تشوف الحرارة كام !!!!!!
طبيعي انه مش لازم عشان اخدت خافض حرارة انها تنزل ....... انا عارف ان لازم تعالج السبب الأول ..... بس قصدي ان لو بعد كل الخوافض دي لسه فيه حرارة يبقى أكيد فيه حاجة ......
على العموم انا تعبت يوم الإثنين بالليل و اتحجزت في المستشفى (دار الحكمة عشان ما لقيتش غرف في كليوباترا و لا النزهة و لا دار الفؤاد) ...... مستشفى بجد زبااااااااااااااالة زبااااااااااااااااااااااا اااااااااااالة زبااااااااااااااااااااااا اااااااااااااااااااالة ........ مفيش غير مناوب واحد بس باطنة شغال على 6 ادوار + الطوارئ (و الله ما باهزر) ......
نتيجة التحليل جت سلبية ...... و الدكتور زود لي مضاد حيوي تاني جنب الأولاني (Tavanic IV) و وقف البانادول و اداني بداله Perfalgan IV (باراسيتامول برضه بس بالوريد) ...... استمرت السخونة مع الصداع مع ألم شنيع في القصبة الهوائية امبارح لحد ما ادوني حقنة فولتارين نزلت الحرارة ل 37 لحد النهاردة الصبح ........
النهاردة احسن كتير و اخيرا و الحمد لله رجعت البيت ........
شكر خااااااااص جدا لكل من اتصل سأل ..... و اعتذر لأي حد ما قدرتش ارد عليه من تعبي او لاني كنت نايم ..... و شكر خاص جدا للدكتور أحمد سامي و الدكتور معاذ الشرباصي اللي كانوا معايا عالتليفون ليلة الاتنين لحد ما لقيت مستشفى و دخلت
الحمد لله يباشا على سلامتك و طمنتنا عليك و خنازير ايه بس ده احنا شعب جامد موت ونفوت فى الخنازير و غير الخنزير كمان
الف حمد ا لله على السلامة
حمدا لله علي سلامتك
ألف يا حمد لله على السلامة ... و الحمد لله ربنا طمنا عليك
شد حيلك ومتتلككش ورجع البنت وامها الي الديار .
ومتنساش تطلع صدقة
الف حمدلله على سلامتك يا استاذ احمد
ألف حمد لله على سلامتك يا احمد بك
سلامتك يا معلم :)
الللللللللللف مليون سلامه عليك يا احمد باشا ...
اقتباس:
معلش الحمار بتاع الطوارئ ما شكش اصلا انها انفلونزا
انت صح..الحرارة من الـvital signs بس انت حافظها...لكن الحمار بتاع الطوارئ فاهماقتباس:
سيدي الفاضل انا قلت عليه حمار لأن ألف باء طوارئ هو أخذ العلامات الحيوية للمريض Vital Signs و من ضمنها الحرارة .......... مش بعد ساعة في الطوارئ انا اللي اقول له ما تشوف الحرارة كام !!!!!!
امتى يقيس حرارتك اول حاجة و امتى يهتم انه يستبعد الأخطر و امتى يقولك متقلقش دى شوية انفلونزا...و حتى لو هو غلط...تفتكر حضرتك و لا حمار تانى دكتور طوارئ فاهم ايه الى حصل و ايه العلاج اللى اتكتب و ايه اللى كان المفروض يتعمل...
الف سلامه عليك يا أبو حميد
فاهم ايه؟؟؟؟؟؟؟
داخل مصدع و دايخ ...... مصدع ..... احد اسباب الصداع ايه؟ الحرارة .....
مش يعمل رسم قلب و ct عالمخ الأول و بعدين يقيس الحرارة بعد ساعة
للاسف مستشفى كليوباترا بقت الطوارئ فيها سبوبة ...... فحوصات مالهاش لازمة ..... الاجازة المرضي اخرها 3 ايام و العلاج اخره اسبوع و مش عاجبك لازم تيجي العيادة الخارجية (عشان ياخدوا كشف تاني) ..... كل دكتور يشوفك بكشف (حتى لو قاس لك الضغط و مشي و الله بدون مبالغة) ....... بس للاسف انا مضطر لان مفيش مستشفى انضف منها في منطقة مدينة نصر و مصر الجديدة
دار الفؤاد اي مرة بتدخل الطوارئ ان شالله عندك فسفوسة في رجلك اول حاجة النبض و الضغط و الحرارة ..... بعيدا عن اتهام حضرتك ليا ان انا حافظ و مش فاهم ...... هو ده الصح ...... مش بعد ساعة و فحوصات مالهاش لازمة ..... غير ان اول ما لقى الحرارة عالية و زوري ملتهب اول حاجة عملها انه طرقني باسرع ما يمكن من الطوارئ و رفض يحجزني في المستشفى ....... عاشت الاخلاقيات الطبية حرة مستقلة ..... بجد .......
من فضلكم ...... انا ما شتمتش كل الاطباء و لا كل اطباء الطوارئ ....... بس انا شتمت شخص بعينه ...... زي ما فيه مهندسين ما بتفهمش و محاسبين ما بتفهمش و طباخين ما بتفهمش ...... فيه دكاترة ما بتفهمش ...... فيا ريت محدش ياخد كلامي على صدره و اعتقد فيه أطباء في المنتدى هنا زي احمد سامي و معاذ و دكتور احمد عبد الغني و احمد عبد الرحمن تجمعني بهم صداقة شخصية و عارفين انا باحترم الاطباء ازاي .....
الجملة دى كانت ناقصة فوق..اقتباس:
و حتى لو هو غلط...تفتكر حضرتك اللى تعقب على العلاج و لا حمار تانى دكتور طوارئ فاهم ايه الى حصل و ايه العلاج اللى اتكتب و ايه اللى كان المفروض يتعمل...
شكرا للتوضيح
على فكرة انا ما عقبتش على علاج و لا اتدخلت في شغله و اللي قاله نفذته ...... انا بس متضايق ان حاجة بسيطة زي قياس الحرارة كانت وفرت علينا وقت طويل مالوش لزمة و فحوصات مكلفة مالهاش اي لزمة ..... و برضه للمرة التانية ارفض تلميحك بتعميمي للشتيمة على كل دكاترة الطوارئ لان انا أؤكد اني مش باعمم على كل دكاترة الطوارئ ....... بالعكس ياما قابلت دكاترة كويسين جدا في الطوارئ ....... انا بانتقد شخص بعينه ...... و اعتقد لو حضرتك جالك مهندس يصلح لك حاجة و كان حمار و قلت عليه حمار انا مش هازعل و اخدها على صدري و اقول لك شوف حمار تاني يصلح لك الجهاز !
كلها اسباب والشفاء من عند الله
حمدا لله على سلامتك
ايوة مش فاهم و ده مش انتقاص من حضرتك...بس لأنك ببساطة مش طبيباقتباس:
فاهم ايه؟؟؟؟؟؟؟
داخل مصدع و دايخ ...... مصدع ..... احد اسباب الصداع ايه؟ الحرارة .....
مش يعمل رسم قلب و ct عالمخ الأول و بعدين يقيس الحرارة بعد ساعة
مصدع و دايخ دى ليها كذا سبب مرعب غير انه يكون (احد اسباب الصداع ايه؟ الحرارة)
هو ده اللى خلاه يعمل رسم الفلب و المقطعية...و لو كان لا قدر الله حاجة مهمة محتاج اشعة ضرورى و تدخل سريع و هو اتأخر فيها شوية عشان بيعمل حاجات اقل اهمية..كان بقى برده حمار...الترتيب فى الخطوات مش مقدس الاهم فالاقل اهمية على اساس اسبعاد الاخطر اولا
انت صح مستشفيات كتير كده فعلااقتباس:
للاسف مستشفى كليوباترا بقت الطوارئ فيها سبوبة ...... فحوصات مالهاش لازمة ..... الاجازة المرضي اخرها 3 ايام و العلاج اخره اسبوع و مش عاجبك لازم تيجي العيادة الخارجية (عشان ياخدوا كشف تاني) ..... كل دكتور يشوفك بكشف (حتى لو قاس لك الضغط و مشي و الله بدون مبالغة) ....... بس للاسف انا مضطر لان مفيش مستشفى انضف منها في منطقة مدينة نصر و مصر الجديدة
ده هو عشان الاخلاقيات الطبية لازم يمشيك من الطوارئ ادام الحالة مش خطراقتباس:
دار الفؤاد اي مرة بتدخل الطوارئ ان شالله عندك فسفوسة في رجلك اول حاجة النبض و الضغط و الحرارة ..... بعيدا عن اتهام حضرتك ليا ان انا حافظ و مش فاهم ...... هو ده الصح ...... مش بعد ساعة و فحوصات مالهاش لازمة ..... غير ان اول ما لقى الحرارة عالية و زوري ملتهب اول حاجة عملها انه طرقني باسرع ما يمكن من الطوارئ و رفض يحجزني في المستشفى ....... عاشت الاخلاقيات الطبية حرة مستقلة ..... بجد .......
عشان اما ييجى مريض طوارئ حالته خطر فعلا يلاقى مكان
اما حكاية رفض يحجزك دى فده برده لأنه شايف الحالة لا تستدعى و ممكن تنقل العدوى لمريض تانى فى المستشفى ميستحملهاش
او ممكن يكون زى ما بتقول فى سبب تانى فى نفسه
الفكرة ان تصرفات الاطباء بيبقى ليها كذا سبب المريض مبيبقاش عارفها
فلو سمحتوا بلاش شتيمة فى الاطباء لمجرد انك معترض على تصرفه اللى غالبا بيبقى المريض مش فاهم هو عمله ليه
.
و أخيرا محدش ينكر ان نسبة كبيرة من الاطباء مش فاهمين حاجة
على فكرة انا اتلطعت نص ساعة قبل كل اجراء منهم على ما يملوا الاستمارات و يبعتوا مراتي تصور الكارنيه !!!!
يعني كان فيه كثير من الوقت يقيسوا فيه الحرارة ..... بس معلش اصل قياس الحرارة ببلاش ...... و لو ان لأول مرة في تاريخ المستشفى و انا ماشي طلبوا مني 5 جنيه تمن الترمومتر ......
الناس دي قلبها عالفلوس مش على أي حاجة تانية و انا مرة كان نبضي 190 (النبض مش الضغط) مع اختلال في الضربات و سابوني افرفر على باب الطوارئ على ما الاستمارة اتملت و اتختمت !!!!! مع احترامي لكل الأطباء أطباء المستشفى دي يفتقروا للأخلاقيات الطبية ...... تتحرق التعليمات الادارية و تتحرق المستشفى ..... اما مريض يموت بسبب الاستمارة و صورة الكارنيه ساعتها هيعملوا ايه؟
انا مش باقول يمشوها جمعية خيرية ....... بس فعلا مستشفى كليوباترا بقوا مصاصين دماء في الامور المادية ....... المفروض تلحق المريض و بعدين تتكلم في الفلوس ...... بالذات لو مريض تأمين و المسألة إجرائية بحتة يعني استمارة و صورة كارنيه مش هيطيروا يعني ..... و ده اللي بيحصل في اي مستشفى تانية فيها ناس بتفهم زي دار الفؤاد ...... دخل المريض و الحقه و ابعت له الاداري بعد شوية ياخد منه بيانات التامين او دفعة تحت الحساب
لا حضرتك هو طردني عشان شك في انفلونزا الخنازير (مكتوبة في تقريره الطبي و الاجازة المرضية و ال request بتاع التحليل) ....... طيب انا سخن و دايخ و مصدع و بارتعش ...... يرفض يحجزني ليه؟اقتباس:
ده هو عشان الاخلاقيات الطبية لازم يمشيك من الطوارئ ادام الحالة مش خطر
عشان اما ييجى مريض طوارئ حالته خطر فعلا يلاقى مكان
اما حكاية رفض يحجزك دى فده برده لأنه شايف الحالة لا تستدعى و ممكن تنقل العدوى لمريض تانى فى المستشفى ميستحملهاش
او ممكن يكون زى ما بتقول فى سبب تانى فى نفسه
الفكرة ان تصرفات الاطباء بيبقى ليها كذا سبب المريض مبيبقاش عارفها
فلو سمحتوا بلاش شتيمة فى الاطباء لمجرد انك معترض على تصرفه اللى غالبا بيبقى المريض مش فاهم هو عمله ليه
.
و أخيرا محدش ينكر ان نسبة كبيرة من الاطباء مش فاهمين حاجة
انا مع اخلاء غرفة الطوارئ باسرع ما يمكن ...... بس يعني ايه يرفض يحجزني لاني ممكن انقل العدوى ؟؟؟؟؟ اروح اموت في اي حتة؟
سلامتك الف سلامة يا استاذ احمد
متقلقش حتى لو انفلونزا الخنازير بسيطة ان شاء الله