كذب جنرال موتورز في استهلاك الوقود

**PRO-DRIVE** · 19-12-2007 04:23 AM

شيفورليه تكذب و جنرال موتورز بتكذب
مدام الموضوع بقي كذب شركات كان عندي موضوع كدا خانقني من فتره عاوز اتكلم فيه ..هههه

شوافوا استهلاك الوقود في السياره من الاساسيات اللي بيهتم بها الانسان المعاصر عشان
يشتري عربيته لارتفاع اسعار الطاقه <<<< خلصنا

المهم لما تيجي شركه تحط رقم غير منطقي بالمره علي عربيتها
معناها انها يا اما عاوزه تلبس الزبون الغلبان العربيه او تضحك عليه ,, ملهمش تالت :D
و هو اللي عملته شيفورليه مع كورفت
شوافوا : دلوقتي حنعمل مقارنه بين 4 عربيات من جنسيات مختلفه

هما AUDI RS4 تمثل اوروبا
و INFINITI M45 تمثل اليابان
و CHRYSLER 300C SRT-8 بتمثل امريكا

كل دول ضد CHEVROLET CORVETTE

طيب نشوف البيانات بتاعت كل عربيه الاول :)

الAUDI RS4
4.2 لتر , 8 سلندر , 420 حصان

الINFITI M45
4.5 لتر , 8 سلندر , 325 حصان

الCHRYSLER 300C
6.1 لتر , 8 سلندر , 425 حصان

حبيبتنا الكورفت
7.0 لتر , 8 سلندر , 505 حصان

___________________________

دلوقتي نشوف الارقام الرسميه لأستهلاك الوقود لكل سياره من دول :
كل ما الرقم كبر بقي الاستهلاك افضل __

الاودي :
14 في المدينه
21 في الهاي واي

الانفنتي :
16 في المدينه
21 في الهاي واي

الكرايسلر :
14 في المدينه
20 في الهاي واي

اما الكورفت :
16 في المدينه
26 في الهاي واي

_____________________

نقارن رقمها برقم كل سياره /

هي اقوي من الاودي ب85 حصان
و اكتر منها في السعه اللتريه ب 2800 سي سي
و استهلاكها افضل بـ2 ميل داخل المدينه و 5 اميال في الهاي واي !!
هل من مصدق ؟؟؟
_____________________

هي اقوي من الانفنتي بـ180 حصان
و اكتر منها في السعه اللتريه بـ2500 سي سي
و استهلاكها مماثل في المدينه 16 و 16
لا كمان بتعمل 5 اميال اكتر في الجالون في الهاي واي !!!
هل من مصدق ؟؟
_____________________

الشقيق الامريكي :) اللي هي اقرب واحده فيهم للسعه اللتريه

هي اقوي من كرايسلر بـ80 حصان !!!
واكتر في السعه اللتريه ب 0.9
بتعمل احسن منها في المدينه ب2 ميل
و بتعمل احسن منها في الهاي واي بـ6 اميال !!!
هل من مصدق ؟؟
_____________________

كلامي مصدره هنا :

http://autos.yahoo.com/newcars/compa...6&carid2=19803

و العربيات كلها جنب بعض

و برضه للتأكد حبيت ادور في جوجل ( يمكن انا غلطان ولا حاجه )
بصوا لقيت ايه : هنا
http://www.gmhorsepower.com/LS7_Zo6.html

the LS7 helps the 2006 ZO6 get over 28 mpg while still being the fastest Corvette ever produced!

و طبعا الموقع باين من عنوانه :D

السؤال هل من مصدق لأرقام كورفت ؟؟

**ahmedsrs** · 19-12-2007 07:41 AM

تسلم على الموضوع

**mina_ramsis** · 19-12-2007 11:34 AM

مش عارف بس انت بانى رأيك ده على استنتاج من قوة كل عربية و سعة محركها و اعتقد ان ده مش كافى علشان يبقى استهلاك البنزين فيها اعلى نظرا لكبر قوتها و سعة محركها اكيد فيه فرق فى التكنولوجيا يعنى كل المحركات ال1600 سىسى بتستهلك بنزين زى بعضعا اعتقد لا طبعا
انا مش بدافع عن العربية ولا عن الشركة بس انا بحاول اتكلم كلام منطقى من غير استنتاجات الحل الوحيد اللى يعرفنا استهلاكها مظبوط و لا لأ ان حد يجربها و يحسن الاستهلاك بنفسه

**Abdallah** · 19-12-2007 12:20 PM

اعتقد يا احمد ان كلام اخونا hoko_mosha منطقى لان الاستهلاك ميتحكمش عليه الا بالتجربة نظرا لاختلاف طريقة بناء كل موتور والتكنولوجيا المستخدمة فيه ودليلى هو ان اللانوس ذات الموتور 1500سى سى استهلاكها اكثر كثيرا من الكورولا ذات ال 1600 سى سى ولكن هناك نقطة اخرى لفتت نظرى وهى يا ترى هما برضة بيهجصوا فى عدد الاحصنة زى عندنا هنا ولا ايه الوضع هناك؟

**PRO-DRIVE** · 19-12-2007 01:47 PM

عبدالله و hoko_mosha

اغلب كلامكم صح
لكن مثلا حتلاقي الفرق في التقنيه الحديثه و الحديثه ( يعني من 2000 لحد اليوم مثلا )

مش كبير ابدا طيب في حد سمع عن عربيه 1000 بتستهلك اكتر من 1600 ؟؟
الفرق بين اقل 2 هو 900 سي سي مش قليل !!

تخيل الفرق بينها و بين الاودي 2800 سي سي :)
و بينها و بين الانفنتي 2500 :)

**فادى** · 20-12-2007 04:33 AM

أنت لم تذكر الكثير من الأشياء الضرورية كى نحكم على الاستهلاك و السى السى و القوة الحصانية لا يكفون للحكم عليهم. هناك أشياء كثيرة أخرى و هى وزن السيارة و طريقة الدفع و طريقة الحقن و عدد الكامات و الصبابات, حاجات كثير جدا الى جانب طبعا أسلوب القيادة. أسف ما أوردته لا يكفى كى نكذب شفروليه, و عموما شفروليه لا تحتاج للكذب بشأن استهلاك الوقود لأن من يشترى سيارة رياضية مثل الكورفيت لن يهتم باستهلاك الوقود.

**PRO-DRIVE** · 20-12-2007 04:52 AM

كلامك يدل علي انك حتي لم تفكر في فتح الرابط اللي انا حاطه :)

كل المعلومات اللي انت طالبها فيه

**tutankhamoun** · 20-12-2007 06:16 AM

أغلب شركات السيارات بتكذب علشان تبيع منتجاتها
و مش شركات السيارات فقط ......... أغلب المنتجات الأخرى
و يا جدعان بصراحة خلاص الكلام مع الأستاذ فادي في الموضوع ده ملوش لازمة
الراجل مقتنع و متصور إن العربيات الياباني وحشة و فاكر إن عربيته الشاهين أفضل من جميع السيارات الياباني
خلاص هو حر في أرائه ......... بس و النبي يا برو بلاش تفتح مواضيع من دي علشان ردود الأستاذ فادي تجيب الضغط
شوف أنت كام موضوع اتفتح بخصوص جودة الياباني ( النيسان ) و برضه هو مشكك ........ و شوف موضوعي ( استطلاع للرأي عن السيارات الياباني و جودتها ) و أكتسحت آراء الأعضاء ما بين جيد جدا و ممتاز و برضه مشكك
طيب و الله العظيم أنا قلت أسأل ناس بره مصر و أتأكد 100 % و سألت واحد و بقوله فيه واحد بيقول إن التويوتا و النيسان عربيات أي كلام و مش بتعيش .... قعد يضحك و في الآخر قال لي اللي بيقول كدا يا إما شارب حاجة يا إما مش من كوكب الأرض ( لا أقصد الأستاذ فادي شخصيا فالسؤال كان عام )
طبعا آراء الأستاذ فادي هو حر فيها و نحترمها ( أشتري اللي أنت عايزه ) بس ما تحاولش تفرض رأيك على حد من فضلك و أيضا من فضلك رد بموضوعية

أقول بقى رأيي في هذا الموضوع
أنا أتفق مع الأستاذ برو درايف مليون في المية
لأن أحنا لما نقول إن فيه فروق في استهلاك البنزين في نفس الفئة يعني عربيتين 1600 وواحدة بتوفر في الوقود عن الأخرى .... ده كلام منطقي
أما لما تقولي عربيتين و فيه فرق بينهم 2500 س س ....... يبقى خلاص أنا لما أبص ببص على الفرق الكبير الكبير الكبير ده ...... ده 2500 بمقام عربيتين واحدة لانوس 1500 وواحدة أبيزا أو بولو 1000 س س
أستاذ برو درايف ............. شكرا على مواضيعك الجميلة

**mostafabakry** · 20-12-2007 12:02 PM

صلوا عن النبي يا جماعة لبموضوع مش مستاهل كل دا

احنا الحمد لله في بلدنا الحبيب مصر اخرنا 1600 سي سي فالموضوع مش هيأثر علينا
بس انا راي ان كلام جنرال موتور اكيد مش صح لأن بعد المقارنة اللي عملها الأستاذ برو درايف
الأودي و الإنفينيتي و الكرايسلر دي شركات كبيرة و لها حجمها في صتاعة السيارات فمش معقولة يبقي كل الفرق دا في سعة الموتور و يبقي كمان الإستهلاك في البنزين اقل او اكتر لحاجة بسيطة طبعا دا مش منطقي مع اعتبار التكنولوجيا المختلفة لكل شركة في صناعة محركاتها بس عمر ما يكون الفرق بالشكل دا خصوصا وانت بتقارن ما بين شركات عملاقة و في مستوي واحد او متقارب جدا
بردك يا جماعة ماننساش ان جنرال موتور دي امريكي و طبعا احنا عارفين استهلاك العربيت الأمريكية في البنزين بتشرب شرب يعني عربية زي دي عايزلك بنزينة وراك

و كل سنة وانتم طيبين و اسيبكم بقي احسن اللحمة ريحتها نخششت في نفوخي من جوا هههههههههههههههه

**PRO-DRIVE** · 20-12-2007 02:43 PM

شوف أنت كام موضوع اتفتح بخصوص جودة الياباني ( النيسان ) و برضه هو مشكك ........ و شوف موضوعي ( استطلاع للرأي عن السيارات الياباني و جودتها ) و أكتسحت آراء الأعضاء ما بين جيد جدا و ممتاز و برضه مشكك

شكرا علي ردك يا استاذ توت
انا لما بحط مواضيع جديده حتلاقي التواريخ بتاعتها لسه طالعه انهرده :)
و انا بحطها عشان المنتدي عامه و عشان my baby GTR

شكرا علي ردودكم :)

الموضوع: كذب جنرال موتورز في استهلاك الوقود

LinkBack

أدوات الموضوع

عرض

كذب جنرال موتورز في استهلاك الوقود - انشر الموضوع فى :

-

-

-

-

-

المواضيع المتشابهه

استهلاك الوقود

استهلاك الوقود

نبذه عن جنرال موتورز العالميه وجنرال موتورز مصر

تجربتى مع استهلاك الوقود

استهلاك الوقود

الكلمات الدلالية لهذا الموضوع

المفضلات

المفضلات

ضوابط المشاركة