اكبر مقلب اخدته في حياتي ( طويل شويه بس هتضحك من قلبك )
الموضوع ده حصل من كام شهرين تقريبا
و لسه لغايه دلوقتي مخنوق من العالم كله
هو في كده يا اخوانا في الدنيا ؟؟؟؟؟؟؟؟؟
يوم مطلعتلوش شمس و لا حتي قمر :H_angry[1]: صحيت علي صوت موبايلي ( نغمه نوكيا تون المحببه ) اتلاقيت رقم صديقي الصدوق وائل ( وائل ده اعرفه من ثانويه عامه يعني عشره 9 سنين بحالهم ) فكلمته بمنتهي القرف لان مبحبش حد يصحيني من النوم :36_1_50[1]: و خصوصا يوم اجازتي المهم سي وائل كان بيعزمني علي خطوبه اخوه الكبير و قالي انه هيفوت عليا كمان ساعه كده عشان يديني الدعوه بنفسه ( يا سيدي علي الاخلاق الحميده ) و بعد ساعه و نص ( ما هي مواعيد ....* علي دماغه ) :10_1_102v[2]: ندهلي و نزلتله و اداني الدعوه ( الخطوبه كانت في ماكسيم و ده القاعه التوب في البلد ) طبعا اتشيكت و اتبرفنت ( حطيت بلاك اكس اس عشان ليها مفعول هايل مع ال........ ) :Oc_sun1[1]: نزلت من البيت و دورت الفيرنا ( الله يرحم ايامها و الله كانت ايام زي الفل ) و طلعت علي القاعه و انا في اوج نشاطي و شياكتي المهم اتلاقيت سي وائل واقف علي باب القاعه و بيقولي مش هنخبطلك بقه يا عمنا ؟ فقولتله دماغنا احنا لاقيين نشرب ( مش حتي لاقين ناكل ما هو لازم تسوق الفقر علي الشعب المصري عشان الحسد و الذي منه ) فقالي هعرفك علي بنت زي القمر دي حتي بنت خالت خطيبتي ( حاجه زي الفل و الله ) قولتله و ماله ما انا مش خسران حاجه المهم دخلت القاعه و اقدت اسلم و روحت متوجه للطرابيزه بتاعتي و انا عيني علي البوفيه ( كان بوفيه يفتح النفس ) و طبعا انا كالعاده مليش في الرقص و الطبل و الزمر و الكلام ده و بعد شويه اتلاقيت وائل جاي عليا ببنتين خطيبيته المصون و بنت خالتها بييييييييييييييس يا مان
بنت خالتها دي ايه في الجمال و حاجه تفتح النفس كده للحياه المهم قعدنا واتكلمنا و اتعرفنا و كله تمام و فجأه اتلاقيت موبايل بيرن بصوت فيروز العذب ( يا عيني علي الرومانسيه يا عيني ) :Ob_mak1[1]: كان تليفون بنت خالتها المهم قامت ماشيه فمعتش الا انا و وائل و حرمه قصدي خطيبته المصون فتظاهرت باجراء مكالمه تليفونه هامه :H_angry[1]: لغايه ما بنت خالتها دي ترجع طبعا عملت نفسي بتكلم و عيني علي بنت خالتها لغايه مرجعت للطرابيزه فقمت دخلت الموبايل جيبي و رجعت علي الطرابيزه فخطيبه وائل بتسأل بنت خالتها دي ( اسمها ساره علي فكره ) مين ؟ ( يا دي التطفل بتاع البنات ياني ) فقالتلها الاجابه اللي مكنتش اتخيل اني اسمعها " دي شريف خطيبي " :36_1_40[1]: كأنها بتسمعهاني انا ... طبعا بعد كلمه خطيبي دي و بعد هعرفك و اظبطتك و ........* كان قدامي حلي من 3 حلول منطقيه في اللحظه دي :
1- كان في راجل كبير و ايده عجاز فاقوم خاطفه منه و انزل علي دماغ وائل :khd:
2- السكينه اللي بقطع بيها التورته اخز بيها وائل :khd:
3- اقوم امشي من سكات و اقطع علاقتي بوائل :10_1_102v[2]:
قومت تظاهرت تااااااااااااااني اني جالي موبايل فاخدت بعضي و روحت الحمام عشان اغسل وشي عشان افوق من الغيبوبه اللي حصلتلي :36_1_50[1]: بصيت علي وشي في المرايه متعرفتش علي نفسي اصلا المهم رجعت و قولت لوائل اني جالي شغل مهم و لازم امشي ضروري فقالي كلمني بكره قولتله ماشي و انا نفسي اولع فيه الصراحه :khd:
بالله عليكوا ماذا تفعل لو كنت مكاني ؟
اه نسيت اقول
و انا مروح خيشت بالعربيه ( عشان النفسيه ) :dzey: بس الحمد لله كانت بسيطه الاكصدام و الكبوت اتردوا علي البارد و جبت فانوس يمين ب 150 جنيه تايواني و دفعت 300 جنيه مصنعيه للسمكري الحرامي نوعا ما يعني التوتال 450 جنيه و الحمد لله علي كل شئ و انا زعلان فعلا اني فوت البوفيه الجميل ده و زعلان علي 450 جنيه اللي مكنوش ادفعوا لولا نداله وائل معايا :khd: