السلام عليكم ورحمة الله وبركاته
بصراحه انا قليل التواجد جدا فى قسم الرينو وده يرجع لانى لم يسبق لى الحظ وامتلك هذه السياره وبعد البحث والغوص فى اعماق هذا القسم اعجبت جدا بتفاعل الاعضاء وتبادل الخبرات لحل اى مشكله وطبعا مش جديده على اعضاء نايل موتورز
لكن اتصدمت لما لقيت كل المواضيع عن السيارات الحديثه فقط او بمعنى اصح السيارات القديمه ليس لها مساحه كبيره من معلومات فى القسم بالرغم من ان الرينو لها اسم وتاريخ عريق .
فين بقا الكلام ده هنا ؟؟؟؟؟؟؟؟؟؟
استفسارى كله عن رينو 5 او سنك
صديق ليا مبتدىء بالسواقه وكان عاوز يشترى العربيه دى قولتله مافيش غير وحوش الرينو لكن ملقتش اى حاجه عن العربيه دى ولا اى معلومها
انا كل اللى اعرفه انها من موديل 72 الى 84 وهى صغيره وهاتشباك منها 3 باب و5 باب صالون واسع
العربيه فرنساوى وتم تجميعها فى فرنسا وبيلانكور واسبانيا وفانزويلا و طهران وايران وسلوفينيا
المواتير المطروحه
850 cc بقوه 26 حصان
1000 cc بقوه 41 حصان
1100 cc بقوه 44 حصان
1300 cc بقوه 55 حصان
1300 cc بقوه 64 حصان
1400 cc بقوه 64 حصان
1400 cc بقوه 110 حصان
1400 cc تربو بقوه 400 حصان والمعروف باسم تربو ماكسى
محتاج أعرف مدى توافر قطع الغيار ؟
عيوبها ؟
اماكن تصليحها ؟
النصائح الواجب مراعتها عند الشراء ؟
اسعارها تتراوح بين كام وكام ؟
وشكرا ,,,,,
