يا جماعة انا اشتريت لادا 1300s فابريكة

يا جماعة انا اشتريت لادا 1300s فابريكة ولكن المشكلة الراجل مظبط الدبرياج على رجله هو يعنى لما اجى اطلع بالعربية الاقى العربية بطلت لانى لازم ادوس دبرياج على الاخر لغاية الارض وبيقولى فى جلدة بتتركب فى الدبرياج حاجة زى كدة
وبيقولى اغير زيت الفرامل واخلى الميكانيكى يشيل الهواء
واغير زيت العربية واجيب زيت موبيل
وبيقولى البيض لازم اخلى بالى منه كويس
والكاست بتاع العربية عايز اشغ عليه MP3 المشكلة الكاست مفهوش FM

مع العلم العربية موديل 81 ادهانى على 16 الف غالية اكيد وعايز رايكم اعمل اية فى الحاجات دية وكمان كنت عايز اجيب مرايات اية افضل حاجة وشكرا جدا ودية اول مشاركة ليا فى المنتدى

الحاجات دى اساسيه وعاديه جدا ولازم تتعمل طبعا بصفه دوريه
مشكله الكاسيت مالها حل سوى تغيير الكاسيت
السعر لا اعتفد انه عالى طالما حاله السياره جيده والموتور سليم

مبروك عليك إختيار موفق
و العربية سعرها معقول إذا كانت حالتها ممتازة لإن فى ناس بتطلب نفس السعر ده فى عربيات 128 موديل 81 و اللادا فئة أعلى من 128
و بالنسبة لموضوع الدبرياج و الفرامل فإنت محتاج ميكانيكى كويس و أمين تتعامل معاه بإستمرار
و بالنسبة للزيت أى زيت هيكون مناسب و الزيت اللى بيتغير على فترات قصيرة ممكن يكون أحسن
و بيض المقصات محتاج تشحيم مع كل غيار زيت علشان تحافظ عليه
أما الكاسيت فغالبا محتاج يتغير و المرايات ممكن تجيبها من أى محل قطع غيار لادا أو فيات فى التوفيقية أو شارع دمشق فى مصر الجديدة

انا بجد متشكر جدا جدا على ردكم ليا ولكن معلش عندى سوال كمان هو قالى ان لازم تنضف الريداتير قبل دخولك شهر 5 علشان الجو الحر اية رايكم انضف الريداتير دلوقتى ولا اية ؟ وموضوع الكاست هو فى شريط بيتباع معاه وصلة ودية صورته واية رايكم فيه
http://www.microsoft.com/library/med...pter-small.jpg
وارجو تجدولى حل فى موضوع ال mp3 دة او الفلاشة حتى وشكرا بجد على تعبكم معايا

إستنى للصيف لو لقيت العربية بتسخن روح نظف الرادياتير و راقب سخونة العربية بعد التنضيف

انا بجد متشكر جدا جدا بس ممكن حد يضيفنى عنده على الايميل Minawork@hotmail.com
او يبعتلى ايميله وانا اضيفه