تعلية العربية

**تامر.محمد** · 03-02-2010 08:45 PM

هو فيه اقتراح مش عارف يفيد ولا لأ
مجرد اني بافكر و يا ريت الاساتذة الكرام يصححوا لي

هل من الممكن تركيب علايات ورا ( بكده ثبات العربية هايقل طبعا ) , و تغيير الجنوط بجنوط سبور اعرض لكن نفس الارتفاع ( و بالتالي زيادة الثبات اللي هاتعملها الجنوط تعوض نقص الثبات اللي هاتعمله العلايات ) ؟

السؤال , هل الجنوط هاتزود الثبات بمقدار يعادل المقدار اللي هايقل بسبب العلايات ؟

**samirayad** · 03-02-2010 09:15 PM

هل من الممكن تركيب علايات ورا ( بكده ثبات العربية هايقل طبعا ) , و تغيير الجنوط بجنوط سبور اعرض لكن نفس الارتفاع ( و بالتالي زيادة الثبات اللي هاتعملها الجنوط تعوض نقص الثبات اللي هاتعمله العلايات ) ؟

فكره رائعه ووردت فى ذاكرتى من قبل

ولو أنا غيرت الجنوط ( فيما بعد )
حنفذها
على الرغم أنى حاطط علايات حاليا ( بقالى 3 سنوات على الجنط ال14 ) ولاتوجد أى مشاكل ثبات

أو يمكن تغيير السوست بسوست أقوى
تستطيع رفع السياره دون هبوط كبير
عند وضع أحمال أو ركاب بالسياره

**samirayad** · 03-02-2010 11:03 PM

غير السوست الأول بسوست ناشفه جديده وشوف
لو الوضع عجبك ( حسب ظروف وعدد أسرتك )
يبقى خير وبركه

طيب لو لسه عاوز تعلى
حطلك علايه تحت كل سوسته ( فى حدود 3 سم )

**pepo7111** · 03-02-2010 11:32 PM

فى الاول كانت السوست كويسة لغايت مركبت جنط 16 فكنت عاوز اوطى العربية فقصيت فى السوست الأصلية وانا ندمان على العملة دى اوى اعت بيهم فترة طويلة على الوضع دة بعد كدة مساعد ضرب فتخنقت فشلت الجنط و اشتريت 4 مساعدين و 4 سوست جداد اصلى فظهرت عندى المشكلة بتاعت السوست الضعيفة مش عارف السوست مش اصلى فعلا ولا عيب صناعة ومش عارف اعمل اية ؟

**samirayad** · 04-02-2010 12:00 AM

السوست مش اصلى فعلا ولا عيب صناعة

وارد الأحتمالين

ومش عارف اعمل اية ؟

حط علايه تحت كل سوسته خلفيه الأول
وجرب

يمكن الوضع يعجبك
قبل ماتضطر تغير سوست خلفيه

**SBkr** · 04-02-2010 12:09 AM

موضوع انخفاض السيارة دة فعلا متعب خاصة في النوبيرا السيارة اول ما اشتريتها من حوالي سنة كانت عالية وكويسة وتحت السوست كان في عليات جلد ناشفة بيقولو بتاعت المرسيدس ولاحظت ان السوست نسبيا مضغوطة وبسبب السفر الطويل والتحميل الزائد بكون متكتف جدا خاصة علي المطبات المهولة بطريق شرم الشيخ لازم بالجنب و ببطء و الناس تستغرب انا بنام فوق المطب لية وسمعت ان ممكن استبدال سوست النوبيرا الخلفي بسوست لانوس امامي يتكون انشف وانسب للتحميل انا ميفرقش معي الثبات لأن العربية كدة كدة بتكون محملة وثابتة جدا وانا مبزودش عن 120 اية رأي الخبراء لأن فعلا السوست بقت مع ابسط تحميل العربية بتنخفض و المساعدين كويسين

**samirayad** · 04-02-2010 12:16 AM

أنا مغير السوست الخلفيه لعربيتى النوبيرا
ببتوع الانوس الأمامى من 3 سنين
وحاطط كاوتش علايات كمان

**wesam_salom** · 04-02-2010 11:39 AM

انا مركب علايات ورا

بس مش حاسس باى مشاكل فى الثبات نهائى

بس حاسس برده ان العربيه بتوطى من ورا لما احملها

ومش حاسس انها اعلى من اى نوبيرا تانيه

ممكن تكوت السوست ضعيفه عندى
بس الحمد لله معنديش حاليا مشكله مع المطبات

**alaasal** · 04-02-2010 03:24 PM

انا رحت لبتاع العقشة

هو لوحدة قاللى هانجيب يايين ناشفين بدل اللى فيها

ان شاء الله انا هاغير بليتين عجل و اعليها يوم السبت و اعمل جلب مقصات و اقولكم عملت اية

بتاع العفشة دة انا زبونة من 10 سنين و ووواد شاطر و قريب فى المصاريف و بيحب يشغل مخة و يلاقى حلول