المشاركة الأصلية كتبت بواسطة mohamedway
1-فى التوكيل لا يتم عمل أى تعديلات العربيه مش نازله بيها
2-لا أنصحك باللعب فى العربيه.
3-لو فرضنا انك مصم تعمل الموضوع ده ولاقيت حد يعملهولك يبقه هيكلفك كتير جدا جدا جدا لأن تارة الدركسيون اللى فيها air bag غاليه جدا حتى لو إستيثراد هتبقه غاليه + انك مش هتضمن انها شغاله و هتفتح لو فى حادثه لا قدر الله و مش هتعرف تجربها لأن تجربتها تعنى انك ترميها بعد كده.
4- فى ناس عندها air bag و بتشيل الفيوز بتاعها و بتلغيها عشان ما تفتحش أبدا مهما حصل وده بسبب انها ساعات بتفتح فى خبطات يكفيك جدا فيها حزام الأمان فقط و بيبقه كل اللى نابك التكاليف الباهظه لإصلاح و تغيير ما أتلفته الair bag فى التارة و التابلوه وشراء واحده جديده و التكاليف ده لوحدها قد باقى تكاليف إصلاح أضرار الحادثه.
5- الair bag لو فتحت فى حادثه و انت مش رابط حزام الأمان بتبقه هى سبب الوفاه لاقدر الله (سلاح ذو حدين) وده لأنك مع بداية الفرمله و الصدمه بتندفع للأمام جدا بدون الحزام و بتبقه قريب منها جدا وهى بتفتح و الair bag فى مراحلها الأولى وهى بتفتح بتبقه سريعه و قوية جدا (إنفجار زى القنبله بالضبط) وده عشان طبعا تلحق تفتح فى جزء صغير جدا جدا من الثانيه لدرجة ان اللى الair bag بتفتح معاه فى حادثه ما بيشوفهاش وهى بتفتح.
6- الair bag معموله للبلاد اللى العربيات فيها رخيصه و مستوى المعيشه مرتفع و الناس اللى فيها ملتزمين بكل حاجه صح و لما تحصل حادثه هيرمى العربيه و يجيب غيرها مش مشكله خالص و عمره ما هيفكر يصلحها.
7- مش معنى كده ان الair bag وجودها وحش فى العربيه ---- لأ خالص--- ولكن مش ده الكماليه اللى تجرى وراها عشان تركبها فى عربيتك خصوصا فى مصر.