الحمد لله على كل شىء ...... غيرت البربريز الأمامى
راكن فى أمان الله تحت بيتنا وهى عمارة كبيرة 54 شقة فطبعا تخيلوا الركنة عاملة إزاى
المهم لاقت البواب بيقولى الصبح عربيتك كانت هتسسرق إمبارح باقوله بطل هزار طلع بيتكلم جد
قالى سمع صوت على الساعة 4:30 الفجر راح يشوف فى ايه لاقى شابين بيجروا من عند العربية طايرين وراحوا ركبوا فى عربية ملاكى قافلة نورها كله وملحقهمش
ضربوا الإزاز الأمامى من تحت على اليمين (هوا بيقولى حطوا كده مادة بتكسر الأزاز من غير صوت) من عند المساحات عشان يحاولوا يدخلوا سلكة حديد يفتحوا بيها اللوك
عشان يفتحوا العربية ويقلّبوا الكاسيت عشان أنا غلطت ونسيت وش الكاسيت راكب.
وغيرت الأزاز النهاردة الأصلى بتلات طبقات ب 300 جنيه النهاردة
قدر الله ما شاء فعل و أنا بنصح أى حد عنده كاسيت وشه بيتشال يشيله كل ما يسيب العربية لأن خلاص البلد ما بقاش فيها أمان وبقينا فى زمن ......
نسيت صحيح العربية فيرنا 2010 ولسه ماكملتش شهرين أمال لو كانت بى أمياه كانوا عملوا فيها ايه يالله الحمد لله على كل شىء
