موضوع للمناقشة اصحاب الواجا الجين 2 البرسونا الساجا بخصوص العزل

موضوع للمناقشة اصحاب الواجا الجين 2 البرسونا الساجا بخصوص العزل

لحظت مؤخراً اختلاف كاوتش العزل الخاص بالجين 2 والبرسونا عن طريقة عزل الواجا والساجا

المهم النتيجة مفيش صوت تسريب هواء فى الواجا والساجا على العكس فى بعض الجين 2 والبرسونا

انا هصور العزل قريب جدا ان شاء الله

وانا حبيت نناقش الموضوع مع كافة التجارب والاراء للوصول الى ما يدور فى ذهنى ان طريقة عزل الجين والبرسونا مصممة بهذه الطريقة المختلفة عن اشقائها لاسباب غير معلومة لدى

ياترى ليه السبب فى كدة

اذا كان الواجا اقدم من الجين وكمان الساجا احدث من الجين طب ليه مصممين دى كدة بتدخل تراب على العتب بتاع الابواب وبتعمل صوت هواء (فى بعض السيارات وليس كل السيارات)

الموضوع ده حيرنى فعلا واتمنى ان اصل الى رد لاستفسارى
قبل ان اطالب التوكيل بتطوير طريقة العزل للتوافق مع اشقائها مدام استعدى الامر لذلك

متابع.... :U_thin1[1]:
ربنا يوفق

هو انا مبسمعش صوت تسريب هوا بس ... بس بسمع بعد 90 صوت الهوا و هو بيضرب فى المرايات الجانبية (مش عارف إذا كان اللى بقوله ده صح و لا غلط)

اقتباس:

---

المشاركة الأصلية كتبت بواسطة ahmadelsaeed

هو انا مبسمعش صوت تسريب هوا بس ... بس بسمع بعد 90 صوت الهوا و هو بيضرب فى المرايات الجانبية (مش عارف إذا كان اللى بقوله ده صح و لا غلط)

---

+111 :M_yes[1]:
ربنا يوفق

و الله يا استاذ اسامة انا بكون مشغل الكاسيت و مش سامع اي حاجة بس ان شاء الله هسمع و اقول ملاحظاتي

وانا بردة يا استاذ اسامة على طول معلى الكاسيت وببقى مش سامع بردة

احمدوووووووووووو ربناااااااااااااااااااااا ااااااااااا
انا عندى الصنى لما باعدى 120 باسمع كل الاصوات اللى نفسكو فيها هوا وصوت الكاوتش والموتور وكله
ولا الفيرنا يالهوى على عزلها : لما بادخل بيها حته فيها دخان فى ثانيه الدنيا بتسود جوه العربيه
ولو فى عربيه نقل شايله رمل قدامى الرمل بيدخللى جوا العربيه بردووووو


ارجع للموضوع
اعتقد السبب هو تصميم هيكل الباب اساسا
الجين والبرسونا بابها لافف جامد لجوه يعنى السقف صغير والقوايم مواربه جامد والباب نفسه عريض زياده اوى
لكن الواجا والساجا مش كده
فممكن يكون التصميم ده لازم يبئا نظام عزله كده والتصميم ده كده

وعلى فكره موضوع التسريب ده ماحصلليش خالص
واعتقد انه حصل لناس عشان الجلد ده المفروض بيتغير كل مده معينه
واحنا مابنغيروش طبعا
اكيد ليه عمر افتراضى معين ويتغير (ده جلد) وعشان كده مش فى الضمان كمان

وانا مش مشكلتى فى العزل الهوا والحراره
انا مشكلتى فى عزل الصوت وحش
صوت الموتور عالى وصوت العفشه الخلفيه عالى نسبيا

لكن الصراحه ارحم من غيره كتيييييييييييير بردو وماتنساش انها ب80000 جنيه بس

انا فعلا بدأت الاحظ الكلام ده
وبالذات في نقطتين
1- صوت هواء بيدخل جوه العربيه بعد سرعه100كم /ساعه من الباب اللي ورا يمين
2- التراب اللي على الابواب بعد كاوتش العزل

انا المفروض اني كنت ادور على حد يحل المشكله دي (سروجي تقريبا) انا خلصت امتحانات وان شاء الله هشوف الموضوع ده

متابع لان الموضوع دا برضو عندي

أنا بقى الجميل أني ممكن أركن العربية يوم أو أتنين أفتحها ألاقي جوا العربية على التابلوة والأبواب تراب حكاية مش عارف بيدخل منين دا أكيد من الجوانات بس الغريب أني ببقى واقف تماما ياريت نشوف حل