بحب انا حاجات الحسابات دى اوى..
بما ان البنزين والزيت خارج الحسبه..
انا هشيل كمان تكاليف السمكره والخرابيش والجو ده عشان ده مش ذنب العربيه
البطارية عندى بتعملها سنتين تقريبا متوسط 150ج ف السنه
تكلفه ترخيص العربيه تعمل حوالى 350ج سنويا
السنه دى كان عندى مشاكل بسبب الحرارة والموبينه ضربت كذا مره
وغيرت الرشاشات و2 مساعدين بمنافعهم والكنترول كمان ضرب وغيرت بلى العجل الامامى يعنى ميكانيكا حوالى 4000 ودى اول سنه اتكلف كل التكلفه دى من يوم ما ركبتها ف 2008
بعمل صيانه العربيه بالسيور والفرامل مرتين ف السنه ادى الف جنيه
بغير الكاوتش كل 4 سنين يعنى بدفع سنويا حوالى 425ج كاوتش "بريدجستون"
بظبط زوايا كل 3 شهور تقريبا 100ج
غيرت فوانيس العربيه عشان اصفررت ودفعت على ما اذكر 150ج
يبقه الاجمالى بالصلاه ع النبى: 6250 السنه دى
اشتريت كمان كاسيت جديد بسماعات جديده بحوالى 1600 مش عارف المفروض تضاف للتكلفه ولا لا
بس زى ما قلت قبل كده السنه دى استثنائيه جدا وفى الطبيعى اقل من نصف هذا المبلغ وان شاء الله السنين الجاية متبقاش كده لانى اتوضبت
المفضلات