ممكن حد يقولي كيفيه اطفاء لمبه الصيانه بس يا ريت يكون بطريقه سهله
عرض للطباعة
ممكن حد يقولي كيفيه اطفاء لمبه الصيانه بس يا ريت يكون بطريقه سهله
شيل كابل البطارية ووصلة تانى ..
شكرا علي الرد بس قالولي في التوكيل ان الطريقه دي غلط علي االكمبيوتر الخاص بلسيا ره
بص يانجم اولا انك تشيل كبل وتحطة تاني مش هيطفي لمبة الصيانة
انا هقولك تطفي المبة ازاي
اولا تقفل الكونتاك في موجود عندك في العدادات مفتاحين الي بتظبط منهم الساعة وتصفرالعداد تضغط علي المفتاح الي علي ايدك اليمين وانتا ضاغط تفتح الكونتاكت وتنتظر ثانيتن وتشيل ايدك من علي الزرا وبعده تضغط علي الزارا الي علي ايدك اليمين والي علي ايدك الشمال مع بعض هتطفي المبة
بص يا باشا
احنا لينا عندك ثلاث طلبات مهمين قوي بما انك بتشتغل في توكيل اسبرانزا
أولا عايزين توضيح للعربية m11 وهل هي فعلا كويسة ولا لأ وهل تستاهل فلوسها ولا لأ وهي أفضل أم التيجو سيبك من الشكل والمواصفات أنا بتكلم على قوة العربية واقلهم عيوب
ثانيا انا شفت في اقسام تانية ناس بتشتغل في توكيل السيارات بعمل للأعضاء بالاتفاق مع المبيعات ومع ادارة المنتدى خصومات على العربيات وعلى الصيانة أو حتى بعض المميزات البسيطة من اهتمام شوية في عملية الصيانة
ثالثا بقة وآسف أني طولت عليك
إذا أمكن لو في أي عربية m11 لونها نبيتي -مش أحمر- جت التوكيل لعمل صيانة أو غيره أو في المبيعات يا ريت تصورها علشان ده تقريبا طلب جماهيري هنا في القسم
وشكرا لسيادتك
اولا العربية كويسة مش وحشة عفشتها من الخلف زي الاسكودا a5بالظبط وبصراحة هيا ناعمة بس قاعده مش حلوة الا حد ما والشنطة مش كبيرة اوي المتور بتاعها زي a516 بالظبط مفيش فية اختلاف الفرامل بتاعتها حلوة بس التفقيل بتعها لو في شوية ضمير هتبقي عربية جميلة اما بالنسبة للعيوب بصراحة لسة مظهر منها مشاكل عندنا لحد دلوقتي بس من راي بالنسبة لسعرها فهو كتير عليها اما بالنسبة للتيجو كويسة مش حلوة اولا نشفة جدا مش مريحة ديما تسمع صوت في العفشة تحتاج ديما تربيط الدبرياج بتعاه تقيل شوية
والمتور بتاعها نفس a516 وبردة التقفيل تعبان اوووووي
بس اهم من الكلام ده كلة الصيانة الدورية بتاعتها
لية بقي علشان ممكن مساعد يضرب او يخبط او كوبلن يبوظ او بلية تخشن او الردياتير يبوظ وشوية حاجات كدة
اما بالنسبة للتخفيض والاهتمام بالصيانة انا في المنصورة توكيل عيسي انتا بس تيجي وملكش دعوة بأي حاجة هتلاقي تظبيط في كل حاجة من غير اتفاقيات انتا بس تيجي تسأل بس عليا انا اسمي اسلام شغال في الصيانة
استاذ اسلام ؟؟؟ انت فين ؟؟ وياريت الاجابة على الاسئلة السابقة
برجاء توضيح كيف أطفى لمبة الصيانه للسيارة a516