وقفة مع توكيل سيات ومحبى سيات الكل يدخل يشارك

السلام عليكم ورحمة الله وبركاتة

انا حبيت اثير موضوع مهم ويشغل بالى يوميا ولاكن الظروف عطلتنى عن التحدث فية ال وهو عدم وجود عروض مع توكيل سيات لية مفيش اتصال مستمر بينا وبين احد اصحاب التوكيل عدم وجود دعاية مناسبة عدم وجود خصومات متوفرة لحاملى استيكر المنتدى لية مفيش اهتمام بالقسم بذلك على عكس باقى التوكيلات وباقى اقسام المنتدى فيات -متسوبيشى -كيا-رينو-بروتون وغيرة عدم اهتمام الاعضاء بالتوكيل كلة بيعمل صيانة برة لية مفيش تواصل لخفض اسعار قطع الغيار او الصيانة لية القسم نايم وغير متجدد بعكس باقى الاقسام فين سيات وتوكيلها وملاكها واعضاءنا مالكى ومحبى سيات من كل دة ؟؟؟؟؟؟؟؟؟؟؟

ياجماعة انا مش عاوز الناس تقرا وتمشى انا عاوز اراء ومشاركات والموضوع ميقعدش يوم وينام لازم يكون فى وقفة للموضوع دة حتى يتم وجود حل

هوة الاستاذ احمد المصرى هنا يا باشا و رجل محترم اوى اوى والله اول ما يشوف الموضوع هيكون فى وااقفة فعلااا واتمنى يكون فى اتصال بينا وبين التوكيل عشان توكيل سيات قليل فى الدعاية اوى

معاكم والتوكيل كل سنة بيعمل كشف مجاني عالعربية وده شيء كويس منه ومع ذلك هو في الدعاية مش اوي

انا مع حضرتك تماما بس التوكيل نايم والعربيه مابتبيعش
انا لما روحت اشتري ابيزا 2007 بكلم الناس في التوكيل بقولهم انتوا ليه نايمين
مع ان لو عملتوا دعايا العربيات هتنتشر جامد
ده كفايه تقولوا للناس ان العربيه موتور وعفشه الماني وكده وتقفيل اسباني هتلاقي الناس اشتروا
انا عارف ان الناس عارفه الكلام ده كله بس الواحد بيحب المنتشر وده اللي عامل النشاط في الاقسام التانيه
لقيت الراجل اساسا الافراج الجمركي معاه مافيهوش غير حوالي 10 عربيات بس
وبيقولي مافيش من اللون اللي انت عايزه في مصر كلها غير 3 عربيات في التوكيل بس
بيقولي هو التوكيل نايم ومش بيعمل دعايه خالص
شيء محزن بصراحه
الماركه ده تستحق اكتر من كده
واعتقد الموديل الجديد ده هيظبط الموضوع بس لو السعر يهدي شويه
لأن الموديل بتاع 2007 ماكانش حلو خالص !!!!!!!!!!

اقتباس:

---

المشاركة الأصلية كتبت بواسطة masterzmind

هوة الاستاذ احمد المصرى هنا يا باشا و رجل محترم اوى اوى والله اول ما يشوف الموضوع هيكون فى وااقفة فعلااا واتمنى يكون فى اتصال بينا وبين التوكيل عشان توكيل سيات قليل فى الدعاية اوى

---

اولا شكرا على مشاركتك
ثانيا الاستاذ احمد لية مش بيعمل زى باقى التوكيلات وبيبقى فى اتصال بينة وبين المنتدى لية مفيش اهتمام بالعروض والتخفيضات على قطع الغيار والصيانة زى اما بنشوف فى باقى الاقسام

اقتباس:

---

المشاركة الأصلية كتبت بواسطة windsofchange

معاكم والتوكيل كل سنة بيعمل كشف مجاني عالعربية وده شيء كويس منه ومع ذلك هو في الدعاية مش اوي

---

الكشف المجانى لايكفى فين باقى العروض والتخفيضات الكشف مش حيفيد كل الناس وفى ناس متعرفش موضوع الكشف دة غير بعد حين

اقتباس:

---

لأن الموديل بتاع 2007 ماكانش حلو خالص !!!!!!!!!!

---

حضرتك كتبت كدا فى موضوع اخر و سألتك هناك ايه اللى موش حلو بالضبط عشان كدا الكلام عام و حضرتك ماجوبتنيش
فانا بسألك تانى هو ايه اللى موش حلو؟

اقتباس:

---

المشاركة الأصلية كتبت بواسطة dr.amr

انا مع حضرتك تماما بس التوكيل نايم والعربيه مابتبيعش

دة سببة الدعاية السيئة مبدا اوفر فلوس الدعاية اقلل من سعر العربية ودة مبدا خطاء من الاساس لان المبيعات بتزيد مع الدعاية

انا لما روحت اشتري ابيزا 2007 بكلم الناس في التوكيل بقولهم انتوا ليه نايمين
مع ان لو عملتوا دعايا العربيات هتنتشر جامد

متفق معاك

ده كفايه تقولوا للناس ان العربيه موتور وعفشه الماني وكده وتقفيل اسباني هتلاقي الناس اشتروا
انا عارف ان الناس عارفه الكلام ده كله بس الواحد بيحب المنتشر وده اللي عامل النشاط في الاقسام التانيه

فعلا

لقيت الراجل اساسا الافراج الجمركي معاه مافيهوش غير حوالي 10 عربيات بس
وبيقولي مافيش من اللون اللي انت عايزه في مصر كلها غير 3 عربيات في التوكيل بس
بيقولي هو التوكيل نايم ومش بيعمل دعايه خالص
شيء محزن بصراحه
الماركه ده تستحق اكتر من كده
واعتقد الموديل الجديد ده هيظبط الموضوع بس لو السعر يهدي شويه
لأن الموديل بتاع 2007 ماكانش حلو خالص !!!!!!!!!!

---

لازم بردوا وقفة للموضوع مفيش اى اهتمام من جانب التوكيل ولا دعاية والصيانة غالية ومكلفى وقطع الغيار غير متوفرة وبتبقى غالية ان وجدت لازم يبقى فى تحسن من جانب التوكيل شوية علشان العربية تبيع وتنتشر لان بعض الموديلات القديمة قربت من الانقراض ومش حيبقى ليها اى سوق فى مصر دا غير موديل 2010 معجبش ناس كتير سواء فى الخامات الداخلية او الكمالييات الناقصة بشكل مستفز ولاطال سما ولا ارض مش مهتم بالدعاية ولا مهتم بالعربية ولا بالعروض او تقديم تخفيضات فاكيد مش حتبيع
شكرا على مشاركتك يا دكتور عمرو

اقتباس:

---

المشاركة الأصلية كتبت بواسطة sherifahmed

حضرتك كتبت كدا فى موضوع اخر و سألتك هناك ايه اللى موش حلو بالضبط عشان كدا الكلام عام و حضرتك ماجوبتنيش
فانا بسألك تانى هو ايه اللى موش حلو؟

---

اكيد ماشوفتش سؤالك في الموضوع ده يا استاذي
انا بتأسفلك لأن انا فعلا ماشفتوش
العربيه كشكل خارجي كويسه بس مع اللون النبيتي بتبقي حلوه قوي
ولكن المشكله كلها كانت في الكنبه الخلفيه الضيقه جدا جدا جدا
ماكنتش اعرف اقعد فيها خالص
كان اخري اخد واحد جنبي قدام
ورا ممكن يركب اطفال
وسحب العربيه برضو ضعيف جدا
انا كنت معتقد ان العربيه رياضه ولكن الموتور فعلا ماتنتظرش منه كتير
انا كان معايا ياريس وقتها كانت افضل في السحب
العفشه ناشفه
وبعدين كان بيظهر تزييق في العربيه مع الفرامل ومع الطلعه
زي مايكون صوت احتكاك حديد ببعضه
مش عارف سببها
عموما العربيه اتباعت بعديها بسنه
وكانت عامله حوالي 40 الف كيلو
اتباعت ب 70 الف والحمد لله
اي سؤال تاني انا في الخدمه

هما بس لو جابو حملة شاكيرا ... الاعلانيه ... لسيات ليون ...
اللى مكسره الدنيا فى اوروبا وامريكا اللاتنينه .... وذاعوها هنا فى مصر
السيات بشكل عام هتنتشر اوى ....
دى شاكيرا ياخوانا ....... مش اى حد يعنى
بس انا شخصيا .. مستمتع ان الليون مش منتشره ...
بس بردو الامر ميمنعش ان الواحد يحب يشوف مثلا كل يوم 10 ليون
بدل 2 او 3 وبالعافيه

انا فى رأيى ان أحلى ابيزا نزلت شكلا موديلات 99 و 98 اللون الاحمر و الاصفر الكنارى بالذات كان مجننى و لحد النهاردة لما بشوفها متظبطة و متروقة الاصفر الكنارى دة والله بفكر 1000 ابيع عربيتى و اجيبها فعلا دة كان وقت ازدهار الابيزا ... فاكريين الاعلان
ابيزا السيارة التى احبها كل المصريين

ياجماعة الموضوع نام لية هو مفيش حل

إنسي ومتتعبش نفسك ... دول ناس خسارة فيهم النعمه اللي معاهم

والكلام ده عن تجربه في شغلي ومعلومات عارفها لأني شغال في الإعلانات وكان ليا الحظ من فترة إننا نفتح شغل مع الناس دي ،،، وللأسف :L_bhuhhh[1]:

بجد سيات دي لو راحت لواحد زي نصير ولا غبور حتي ،، هيكسر بيها الدنيا

اقتباس:

---

المشاركة الأصلية كتبت بواسطة fadynabil

إنسي ومتتعبش نفسك ... دول ناس خسارة فيهم النعمه اللي معاهم

والكلام ده عن تجربه في شغلي ومعلومات عارفها لأني شغال في الإعلانات وكان ليا الحظ من فترة إننا نفتح شغل مع الناس دي ،،، وللأسف :L_bhuhhh[1]:

بجد سيات دي لو راحت لواحد زي نصير ولا غبور حتي ،، هيكسر بيها الدنيا

---

علية العوض :T_thum1[1]::T_thum1[1]::T_thum1[1]::T_thum1[1]:

السلام عليكم ورحمة الله وبركاتة
تفعلاً مع الموضوع الجميل دة انا بعت رسالة لادارة المنتدى نصها

اقتباس:

---

المشاركة الأصلية كتبت بواسطة hatemahmed75

السلام عليكم ورحمة الله وبركاتة

من يومين تقريباً قام العضو mohamed.mostafa بكتابة موضوع بعنوان ()
وبصراحة الموضوع عجبنى اوى وحبيت اتفاعل مع الموضوع .
بصراحة رحت انهاردة الصبح لمركز خدمة الشركة الهندسية للسيارات فى ارض اللواء بالمهندسين
وطلبت اقابل السيد مدير مركز الصيانة وبالفعل قابلت الاستاذ / وجدى وعرضت الموضوع عليه واعجب بالفكرة وطلب من اقابل مستر / برانكو مدير التسويق فى الشركة
بالفعل رحنا وقابلنه وحضر معانا المقابلة المهندس / هانى فتحى مسئول التسويق عن ماركة سيات فى الشركة
شرحت لهم موضوع العروض والخصومات الى بتقدمها الشركة لاعضاء المنتدى اصحاب استكير المنتدى والمميزات الى بيقدمها المنتدى للشركة
اعجبوا بالفكره وطلبوا منى ان ادارة المنتدى تتقدم بعرض مكتوب لادارة التسويق فى الشركة وسوف يتم دراسة العرض والرد عليه.
والمهندس/هانى فتحى اعطانى الكرت بتاعة وبياناتة هى
هانى فتحى مفتاح - تليفون 0237094900 داخلى 201
فاكس 0237094800
بريد الكترونى : hmoftah.md-marketing@smg.com.eg

ارجو دراسة الموضوع واتخاذ اللازم وانا تحت امر المنتدى فى اى شئ

---

واحنا فى انتظار رد الادارة

اقتباس:

---

المشاركة الأصلية كتبت بواسطة hatemahmed75

السلام عليكم ورحمة الله وبركاتة
تفعلاً مع الموضوع الجميل دة انا بعت رسالة لادارة المنتدى نصها

واحنا فى انتظار رد الادارة

---

خطوة جميلة جدا وانا احييك عليها وعاوز اقولك احنا كنا بنعد لعمل ذلك وحضرتك سبقتنا انا سوف اعرض الموضوع على الادارة

اقتباس:

---

المشاركة الأصلية كتبت بواسطة mohamed.mostafa

خطوة جميلة جدا وانا احييك عليها وعاوز اقولك احنا كنا بنعد لعمل ذلك وحضرتك سبقتنا انا سوف اعرض الموضوع على الادارة

---

السلام عليكم ورحمة الله وبركاتة

جزاك الله كل خير على الموضوع اصلاً وانت صاحب الفكرة :S_thum1[1]:

بس ادعى التوكيل يعمل شغل كويس مع الادارة

جزاكم الله خيرا أستاذ محمد مصطفي واستاذ حاتم

خطوة جريئة ورائعة وتحسب لكم وبالتوفيق ان شاء الله

اقتباس:

---

المشاركة الأصلية كتبت بواسطة hatemahmed75

السلام عليكم ورحمة الله وبركاتة

جزاك الله كل خير على الموضوع اصلاً وانت صاحب الفكرة :s_thum1[1]:

بس ادعى التوكيل يعمل شغل كويس مع الادارة

---

وعليكم السلام ورحمة الله وبركاتة
يارب باذن الله وانا كلمت استاذ كريم منير واللى فية الخير يقدمة ربنا والله الموفق

انا لسه شايف الموضوع ده حالن
بجد فكره ممتازه و شكر خاص ل محمد مصطفى
انا بجد نفسى سيات تتسحب من smg و يخدها حد يعرف يحترمها و يقدرها و يعملها دعايه صح
انا كنت بدخل على منتدى سيات يوميا قبل متغلى الأبيزا
بس بعد الحركه الأله العملوها كرهونى فى سيات كلها بقيت نادرا لما بدخل عليه

وياريت تضيفو تعليقاتكم على السيات ابيزا 2010 او موديلات السيات بوجة عام الموديلات الجديدة واية اللى خلاكوا تغيروا رايكوا بعد اما استقريتم عليها

انا بجمع ارائكم ومقترحاتكم حتى اناقشها باذن الله مع التوكيل والوصول الى حل لان انا شايف سيات مش واخدة حقها سواء على المستوى العام او على مستوى المنتدى منتظر اقتراحتكم وارائكم .

ياترى ايه اخر الاخبار ؟!

هل ادارة المنتدى قدمت عرض للتوكيل ولا لسه ؟!

عشان الاعضاء اللى بتتعامل مع التوكيل تاخد خصومات بالاستيكر اللى معاها

نتمنى ان يكون فى جديد

الادارة مشكورة ردت عليا ولاكن للاسف استاذ حاتم اللى كلم التوكيل مردش عليا لغاية دلوقت مع اتصالى بية والاتفاق معاة ومستنى ردة وباذن الله فى اقرب وقت حروح انا مع احد الاعضاء فيات ونتفق مع التوكيل

طب كويس دى حاجة كويسة جدا
عشان الخصمات توصل كمان لقسم سيات

ربنا يكرم واللى فية الخير يقدمة ربنا