المشاركة الأصلية كتبت بواسطة ali357
انا نفسى اعرف بجد هو الشركة مش عارفة ان الحاجات دى بتعلق دايما سواء سنتر او مالتى فنكشن او كنب بتزيق
واشمعنى الحاجات دى دائمين الشكوى منها بمعنى بيعلقوا دايما ليه
هل من الركنة والتراب ولو من الكنة والتراب ما عربيات كتير وماركات كتير بتتركن بردوا ومع ذلك مش بيحصل كدا
نفسى نحط ايدنا على العيب الدائم ده والتوكيل يحله لان بصراحة حرام ادفع 90 الف ودم قلبى والاقى حاجات فى العربية تطلعلى وتتعبنى نفسيا ,وانا عارف ان فى ناس غيرى ممكن مش يفرق معاها النقطة دى مقابل الكماليات الكتيرة اللى فى العربية ,طب واذا كانت الكماليات دى بتعلق حيقا اي لزمتها بقا يشيلوها افضل
ده بجد اللى مزعلنى واتمنى بجد ان التوكيل يتدارك النقطة دى وخصوصا واحنا لينا صوت مسموع بيوصل ليهم
, مش عايز حد يزعل منى فى القسم هنا ,ويفتكرنى بهاجم فى العربية انا من الناس اللى بيحبوا العربية دى جدا البيرسونا ومن الناس اللى بتحب قسم البروتن اوىى ,بس اتمنى مزيد من الاهتمام من التوكيل بالعربي وتقفيلها
واتمنى تتقبلوا وجهة نظرى