الموضوع: سؤال لملاك السيريون الأتوماتيك ؟؟؟

السلام عليكم ورحمة الله وبركاته

رجاء من ملاك السيريون الأتوماتيك يقولولي الأر بي ام بيبقى على كام في الحالات الآتية دي مع العلم ان كل الحالات والعربية سخنة مش باردة وتكون العربية على ارض مستوية ومش محملة اي حمل ثقيل :

1- لما الفتيس يبقى على حرف d ومن غير ما تضغط على دواسة البنزين ...... الأر بي ام بيبقى على كام ؟

2- لما الفتيس يبقى على حرف d وتضغط فرامل ...... الأر بي ام بيبقى على كام ؟

3- لما الفتيس يبقى على حرف n ومن غير ما تضغط على اي دواسة والعربية واقفة ...... الأر بي ام بيبقى على كام ؟

4- لما الفتيس يبقى على حرف r ومن غير ما تضغط بنزين ...... الأر بي أم بيبقى على كام ؟

وجزاكم الله كل خير

السؤال ده كان على طرف لساني
انا نفسي افهم بالظبط ايه اللى بيحصل

لما الفتيس يبقى على حرف d ومن غير ما تضغط على دواسة البنزين
1500-1000
لما الفتيس يبقى على حرف d وتضغط فرامل !!!!!! (انا مش عارف استنتج السبب )
500- 1000
لما الفتيس يبقى على حرف n ومن غير ما تضغط على اي دواسة والعربية واقفة
900 - 1100
لما الفتيس يبقى على حرف r ومن غير ما تضغط بنزين
للاسف مجربتش بس هاجرب و اقولك

ياريت لو تعرف تفسرلي حالة (لما الفتيس يبقى على حرف d وتضغط فرامل) و الار بي ام 500 !!!!!!! ليه !!!!!

مستني ردك يا أحمد ان شاء الله ومش كتير عليك

المشاركة الأصلية كتبت بواسطة rockana

السؤال ده كان على طرف لساني
انا نفسي افهم بالظبط ايه اللى بيحصل

لما الفتيس يبقى على حرف d ومن غير ما تضغط على دواسة البنزين
1500-1000
لما الفتيس يبقى على حرف d وتضغط فرامل !!!!!! (انا مش عارف استنتج السبب )
500- 1000
لما الفتيس يبقى على حرف n ومن غير ما تضغط على اي دواسة والعربية واقفة
900 - 1100
لما الفتيس يبقى على حرف r ومن غير ما تضغط بنزين
للاسف مجربتش بس هاجرب و اقولك

ياريت لو تعرف تفسرلي حالة (لما الفتيس يبقى على حرف d وتضغط فرامل) و الار بي ام 500 !!!!!!! ليه !!!!!

جزاك الله كل خير
الأر بي ام بينزل عند ضغط الفرامل علشان ضغط زيت الفرامل بيبقى جاي من الماتور وشوية علشان قلة الكهرباء في وقت الضغط

المشاركة الأصلية كتبت بواسطة bmya

لازم تنزل وده طبيعي طالما مفيش رجه او هزه يبقى عادي

ابو عبد الله هشوف وهقولك ان شاء الله وبالمره هصورك الفانوس يتاعي عشان تقولي فين الاسود ده
وبعدين انت محددتش والعربيه بارده ولا سخنه اصلها هتفرق في حاله العربيه على الn انا هشوفلك والعربيه في الحراره الطبيعيه

شريف حبيب الملايين ازيك
اولا حته انها تنزل و دا طبيعي .... لامش طبيعي
لاني المفروض انى جايب ال d فا المفروض ان العربيه تمشي - بس انا دايس فرامل يعني العربيه عاوزه تمشي بس انا خانقها بالفرامل فا ايه اللى يحصل ؟؟
حاجه تانيه اقرأ كويس الموضوع لانه ابو عبدالله قايلك ان العربيه مش بارده يعني الكلام ده وانت ماشي على الطريق بعد ما سخنتها و عملت كل حاجه

المشاركة الأصلية كتبت بواسطة bmya

الله يكرمك يا محمود باشا حته طبيعي دي فهي طبيعي سعاتك وزي ما قلتلك طالما مفيش رجه جمده في الموتور او رعشه يعني زي ما يكون الموتور هيبطل يبقى كده مفيش مشكله لكن لو عندك الموتور بترعش جامد وتحس انه عايز يبطل يبقى كده في مشكله
واسف لاني فعلا مخدتش بالي ان ابو عبدالله كاتب وهي سخنه مش باررده :c_laugh[1]:
وعموما انا هجرب واشوف بالظبط عندي ايه وهرود عليكم بس ابو عبدالله ما قلتلناش اشمعنه عايز تعرف الحاجات دي هو فيه حاجه عندك لا قدر الله ولا ايه ؟؟ :u_thin1[1]:
وبعدين محمود انت متأكد من الارقام اللي انت كاتبها اصلا اصل فيه ارقام غريبه :b4_556:

ركز يا حاج شريف

رجاء من ملاك السيريون الأتوماتيك يقولولي الأر بي ام بيبقى على كام في الحالات الآتية دي مع العلم ان كل الحالات والعربية سخنة مش باردة وتكون العربية على ارض مستوية ومش محملة اي حمل ثقيل :

اصل انا مش عارف موسوس شويه من ناحية الار بي ام الفتره اللي فاتت وحاسس انه قل
ولكن مش فاكر اساسا انه كان بيبقى على كام بالظبط بدقة لأن هو التغيير اللي انا حاسه مش كبيرولكن عاوز اعرف اللي انا حاسه مظبوط ولا لأ

بس اللي قال عليه محمود معدلات عاليه وأظن انها والعربيه بارده شويه
لأن مسألة ان العربية يبقى الأر بي ام ما بين 1000 - 1500
دي بتبقى في حالة تسخين العربيه وهيا بادرة فقط
وأظن عاى ما اتذكر ان العربيه الأر بي ام مبيعلاش عن 1000 الا في التسخين فقط

بس انا عاوز ارقام ادق شوية
يعني هو عندي مش بينزل عن 500 ولكن عاوز اعرف بيبقى واقف على كام تقريبا يعني 600 ولا 700 ولا 800 ولا 900 ولا 1000

وشكرا للكل وتحياتي لكم

=================

شريف موضوع الفانوس انا عندي الحواف بتاعته كلها اسمر
ماعدا العواكس بتاعت الضوء
معرفشي انت عندك غير كده ولا ايه ؟؟؟؟

وحوش السيريون عاش من شافكوا وجمعكوا,ديما متجمعين على الخير يارب
محمود روكانا باشا فينك ياراجل بقيت مختفى ليه الايام دى؟مبتدفعش اشتراك الدى اس ال ولا ايه
على فكره يا محمود انا فعلا لاحظت ان الارقام اللى انت كتبتها زياده شويه اعتقد ان الارقام دى والعربيه بارده ولا ايه؟


ابوعبدلله لك تقبل تحياتى واسمحلى ارد على استفساراتك مع العلم ان الارقام اللى هكتبها دى كانت بعد مرجعت بالعربيه من شغلى فى الزمالك لحد مصر الجديده يعنى كانت تحط على الموتور كوز دره يستوى فى ثوانى :)

لما الفتيس يبقى على حرف d ومن غير ما تضغط على دواسة البنزين

من 500 الى 700 لفه

لما الفتيس يبقى على حرف d وتضغط فرامل

من 500 الى 600 لفه (يكاد يكون متساوى مع الوضع الاول)

لما الفتيس يبقى على حرف n ومن غير ما تضغط على اي دواسة والعربية واقفة

لما الفتيس يبقى على حرف r ومن غير ما تضغط بنزين

فى الحالتين من 600 الى 800 لفه

تقبل تحياتى

طب هاراجع تاني لان الكلام ده كنت تابعته مره بس مش فاكر موضوع سخنه و بارده