تعرضت لحادث ولكن الله سلم
من يومين واثناء عودتي من عمل بالقاهره وانا على بداية الدائري وكنت اسير بسرعه 140 او 150 لا اتذكر فوجئت بذئب او كلب كبير جدا يقطع عليا الطريق وكان بجواري عربيات فخشيت احاول افاديه فتنقلب السياره لاقدر الله والحقيقه اني ملحقتش افكر انا اصطدمت بيه على طول وللأسف حصل تلفيات في السياره هي عباره عن كسر الشبكه الأماميه والاكصدام والرادتير وسربنتينه التكييف عموما" الحمد لله وسوف ارسل لكم صور السياره بعد الحادث علشان تحكموا على متانه العربيه على فكره صدر العربيه لم يتأثر خالص الحمد لله وطبعا اخدت السياره على التوكيل بس اللي عندي في طنطا وفوجئت بارتفاع اسعار قطع الغيار الفانوس ب660 وفانوس الشبوره ب160 والكلاكس ب165 والاكصطدام من غير جسر ب540 الاسعار دي فسرت ليا ليه العربيه رخيصه هي رخيصه علشان قطع غيارها غاليه جدا يعني الخبطه دي هتكلفني 4500جنيه تقريبا والحمد لله على كل شيء وربنا ينجينا جميعا ونصيحتي للجميع اياكم والسرعه العاليه لأنه حتى ولو العربيه ثابته فأن قوه الخبطه على السرعه بتضاعف اربع او خمس اضعاف كفايه اوووي لحد 120كم