شباب هو صحيح البوجيهات بعد الركنة تحتاج تغيير؟
وبكام بوجيهات كورولا 99 عيون؟
بالله عليكم الافادة لاني هطلع العربية النهاردة من الجراج بعد ركنة طالت لسنة وشوية
عرض للطباعة
شباب هو صحيح البوجيهات بعد الركنة تحتاج تغيير؟
وبكام بوجيهات كورولا 99 عيون؟
بالله عليكم الافادة لاني هطلع العربية النهاردة من الجراج بعد ركنة طالت لسنة وشوية
انا النهاردة هنزل اجيب البطارية
هل صحيح البوجيهات بتتغير كمان؟
نرجو الافادة
مش شرط
لو البوجيهات مرتبطشي يبقى مفيش مشكلة
عالعموم مش هتخسر حاجه شغل العربيه وشوف لو لقتها بترجرج ومش مظبوطة على السلانسية يبقى اكشف على البوجيهات وشوف محتاجه تتغير ولا لأ
والله بكرة بقة هنشوف الراجل بيشحن البطارية وبكرة التركيب :]
هي في الجراج وبقالها سنة و3 شهور
احتمال كبير يتغيرو
غير البوجيهات افضل وسعرهم حوالي 40 جنية
جيبت بوجيهات الحمد لله بستين جنيه من تويوتا الشرقية عندنا
وهنركبها ان شاء الله بكرة
الراجل ملى الريداتير مية حنقية عادية علشان ينضف الصدأ الاول وبعدها يحط مية الريداتير
هل ده صح؟
العربية لسة مش اشتغلت ومحتاج النصيحة
باين الراجل اللي انا جايبه مش عارف حاجة
يا جماعة
هم حطو مية من الحنفية للريداتير قال ايه (علشان تنضف الصدأ الاول)
وبعدها ننزلها ونحط المية الخضرا
العربية لسة مش اشتغلت
وهنركب البوجيهات بكرة الظهر باذن الله
يا شباب هل في حاجة او طريقة انضف بيها الريداتير؟
يعني مثلا اضيف حاجة على مية الحنفية (اصلي مش مقتنع بيها)
او انزل مية الحنفية واحط مية خضراء وانزلها تاني واحط مية جديدة؟
او احط مية خضرا وعليها حاجة مثلا تشيل الصدأ
يا شباب الله يكرمكم ايه الصح علشان اعمله
وده موضوع تاني انا عامله في قسم ورشة الاصلاح لاني محتاج الرد ضروري وشكرا ليكم
انا تاعبكم معايا ويا رب يجي اليوم اللي اقدر افيدكم بحاجة
http://www.nilemotors.net/Nile/12329...post3872345569
أخي الكريم
روح اي محطة بنزين محترمة وشوف عندهم جهاز تنظيف الرادياتير ولا لأ
هو جهاز بيكمل دورة المية بتاعت التبريد عن طريق توصيل خراطيم العربية عليه وبيعمل دورة تظيف وبعدين بيحطلك مية رادياتير خضرا
متهيألي ده افضل
وبعدين البوجيهات مش شرط لما تبقى بايظة ان العربيه متدورش وعلى كل تغييره مش مشكلة ولا هيأثر ماديا
انا رايي تروح مركز خدمة تعملها فحص شامل افضل علشان تبقى مطمن وميبقاش فيه حاجه مستخبية تأثر على حاجه بعد كده وانت مش عارف
الحمد لله العربية اشتغلت
وطلعناها
فاضل بس اعرف اي مركز خدمة في الزقازيق يكون محترم
وشكرا ليكم يا جماعة
البوجيهات طلعت مرطبة على فكرة وتعبتنا لحد ما العربية قامت
قعدت تدخن شوية بس بعد كده الشكمان عرق الحمد لله
تنضيف الصدأ يكون بمزيل الصدأ وليس بمية الحنفية
مية الحنفية تعتبر سائل محرم بالنسبة لنظام التبريد لو عايز تحافظ على عربيتك
اهو بقة اصروا
عموما انا ضيفت مية حمرا كانت معايا على المية اللي موجودة
سيبنا من دي يا استاذ سبعاوي
في حاجة جديدة لاحظتها وانا ماشي
وانا بلف جامد بالعربية الدركسيون بيحود معايا وجميل عادي جدا
ولكن مش بيرد معايا (مش بيتعدل)
ايه السبب؟
ولا ده شئ طبيعي في الاول
انا كنت حاسس اني راكب عربية ملاهي مش الكورولا بتاعتنا اللي انا عارفها
(ده عربية الملاهي بترد اوقات :] )
ارجو الاجابة
والله انا تاعبكم معايا معلش
اما موضوع المية ده بقة
مزيل الصدأ اجيبه منين؟ واحطه ازاي بعد ما اصرف المية بتاعة الحنفية (ربنا يسامحهم)
احنا بعد ما شغلنا العربية
الميكانيكي عملها اختبار ميداني هههههههههههههه
شد بيها لحد 80 و100 كيلو وسط البلد وهاتك يا غرز
عمري ما تخيلت عربيتنا (1300 سي سي) ممكن تعمل كده
وتمسك الفرامل تروح تفرمل الحمد لله
المتور حالته كويسه بدليل ان الشكمان عرق
فاضل المكيف بس اظبطه واكيد هيعوز شحن وتنضيف بس احنا في الشتاء ومش ليه لازمة دلوقتي
انا بس اللي قلقان منه الدركسيون
انا الحمد لله كنت سايق العربية بصباعي وكمان لما تبقى مطفية وتيجي تحاول تحرك الدركسيون بيكون تقيل جدا انا بقة رحت محرك الدركسيون وشغلت لقيته خف علطول زي الحرير
المشكلة اني لاحظت انه مش بيرد لما باخد يو تيرن مثلا او بلف على كعبي وسط شارع فاضي لازم ارده انا
مش عارف ده ايه
هم بقة نظريتهم
حط مية حنفية يوم ولا اتنين
وبعدين نزلها ونحط مية الريداتير
المشكلة انهم معارف والدي وقالي ايه بيخدموه ومش عارف اتكلم لان ده غلط وانا مش عاوز احرجهم
انا بقة هنزل الصبح بدري والعربية بارده افضي المية بتاعتها وبعد كده اضيف مية ريداتير وعليه منظف الصدأ بس عاوز اسمه وسعره واجيبه منين (من بنزينه مثلا او من محل بيبيع حاجات معنة كده يعني)
يا جماعة
انا زنقت نفسي
فضيت الريداتير خلاص
ولكن مش عارف
اضيف مية الريداتير مركزة ولا اخففها بمية مقطرة