حلو البقين الجامدين دول يا بو علي خصوصا موضوع النفاق
عرض للطباعة
حلو البقين الجامدين دول يا بو علي خصوصا موضوع النفاق
الهي ما يكسب لم معارض في اي انتخابات ولا يوقف لك موكب ولا يشغلك بمشاكل الرعيه
عشت لنا رئيسا مدي الحياه انت واولادك واحفادك
انت يا ريس الرياسه دي بتجري في عروقك
جيناتك جينات رئاسه اساسا يعني حاجه كده بتاعه ربنا
لغاية دلوقت مش قادر اعرف ايه المغزى من الموضوع؟
يا ريت araberphilosoph يفهمنى
الغرض ان احنا نفكر في الموضوع تاني
نعرف ان الانسان مش بجنسيته لا بشخصيته يعني الفكره المسبقه عن زواج الاجانب انه مرفوض وخطر وغلط وكده لازم تتغير لانه هيبدا ينتشر اوي
بس فكنت عايز اعرف ارائكم ونشوف انتوا شايفين ايه
بالهداوة كده
واحدة واحدة
انا مبدئيا سافرت (فرنسا و هولندا و النرويج و ايطاليا و انجلترا و اسكتلندا) في اوروبا
و (قطر و السعودية و الامارات و ليبيا و تونس) في الدول العربية
و سافرت ايران
و سافرت جنوب افريقيا
ده غير اني باشتغل من يوم ما اتخرجت تقريبا في شركات اجنبية .. لظروف يطول شرحها
الفساد موجود في كل مكان .. و انا بعيني بشوف الرشاوي و العمولات على اعلى المستويات
و خلينا نتكلم واحدة واحدة
فرنسا
شيراك .. سارق فلوس و معين ناس في فترة رئاسته .. و فرنسا مليانة فقر و في بنات بتجبر على ممارسة الدعارة 18 ساعة يوميا و محبوسين في اماكن البوليس عارف و قابض و ساكت
فرنسا بلد الظلم الاجتماعي .. احياء كامله مفيهاش لاصحة و لا تعليم .. ناس فرنسيين مش لاقيين ياكلو .. و الاحتجاجات و الاضرابات دليل
النرويج على فكرة من اغلى دول اوروبا .. و ممكن تراجع نصيبهم من بترول بحر الشمال ده غير عدد السكان القليل .. و مع ذلك الفساد موجود و رشاوى و عمولات ..
انجلترا .. صفقة اليمامة .. و ان رئيس الوزراء بنفسه .. يصدر امر مباشر بغلق التحقيق في القضية مجاملة للسعودية
ايطاليا .. لوحدها من غير كلام كتير .. بلد الفساد الاول
امريكا .. حدث و لا حرج
الفرق بيننا و بينهم يا باشا ... الميديا .. يا سيدي الفاضل امشي في شوارع ابردين و لا ادنبرة هتلاقي شباب 20 و 25 سنه بيشحت و الله بيشحت ... و ناس واقفة تبيع مجلات
مش بقول احنا احسن في محاربة الفساد .. بس هنا و هناك في فساد
انا عاوز اقولك ان في السعودية و اهي بلد واخده سمعة .. الرشاوي و الفساد على ودنه .. و بعيني شايف الوكيل بيحط فلوس في ايد الضابط علشان التصاريح .. ده الناس بتوع المينا (سعوديين) بييجو يطلبو منا سجاير ..
اللي سافر بلد واحدة .. او سافر زيارة .. سياحة يعني .. او مسافرش خالص .. مش هيفهم كلامي ده ... يا راجل في لندن المية بتتقطع .. و لفيت في روتردام على نت كافيه ساعتين بالعربية مفيش .. وو الشباب في الشوارع اساسا معندهومش فكرة عن البطيخ ... الميديا يا باشا ..
اللي بيتكلم على التحرش .. غالبا مفيش واحدة بتترقى في اي موقع برة .. الا لما بتكون مظبطة المدير بتاعها .. و بيعتبرو ده عادي و من ضرورات العمل
اخر حاجة انا بكرر كلامي .. الحياة مش وردي في مصر ... و لو دورت هتلاقيني عمال اسب و العن في مواضيع تانية على الفساد و قلة الضمير
لكن الحياة مش وردي برة برضو و ده مقصود كلامي .. و لو حطيت ده على ده يبقى تقعد في بلدك احسن و تحاول تصلح حالها .. (للاسف انا بقولك الكلام ده و انا في السعودية و السفرية الجاية النرويج بس انا بسافر شهرين و اخد اجازة شهر) يعني مقيم برضو في مصر
انا ما بسكتش على اي فساد باشوفه في مصر .. و لما كلنا نعمل كده حال البلد دي هيتصلح
طب هو احنا فكرنا فى الموضوع أولانى علشان نفكر تانى؟ و مهما انتشر هيكون برضوا نسبة لاتذكر و لا تؤثر لأن معدل الزيادة السكانية بيوازن اى طفرات فى اى ظواهر.
و موضوع ان الأنسان مش بجنسيته ممكن يتفتح من خلال مواضيع أهم و أعمق تأثيرا من الموضوع ده - مع الأحترام التام لوجهة نظرك -
و لو أغلب الناس شافت انه غلط، فياترى ده هيغير موقفك؟
و ياريت علشان خاطرى تاخد بالك من الكلام اللى زى (جنسية تشرف) لأن بجد بحس انها اهانة لو حد غريب قالها، و بحس انها جرح لو حد قريب قالها.
وأخيرا هقولك رأيى بالمرة من خلال الأرقام، خلال 18 سنة بين مجال شركات السياحة و بين الفنادق قابلت على الأقل 100 حالة جواز مصريين بأجانب، و اللى استمر و نجح مش أكتر من 2.
استاذ حسام
انت شايف انه مهما انتشر مش هيوثر
العالم بقه قريه صغيره بجد يعني جديا قريب اوي زي ما انا قلت مش هيبقه في تعصب لشعب هيبقى موضوع حضارات وبس
وانا بتكلم عن حاجه موجوده في المجتمع فعلا فليه منفكرش فيها ونقول راينا وكتير دلوقتي بيتجوزوا اجانب الموضوع اتغير من 18 سنه اللي حضرتك بتتكلم فيهم دول اتغير كتير
احنا بقينا نفهم اكتر من الاول وبقينا اقرب منهم كتير عن الاول
والمستقبل محدش عارفه
بس زي ما في دول زي المانيا وفرنسا بيشتكوا من المهاجرين والاجيال المختلطه هيجيلنا يوم في المستقبل برده نشتكي منه بس بالعكس اما كل المهاجرين بره دول يرجعه بعيالهم
مواضيع اهم واكثر تاثيرا زي ايه ؟؟
انا مقلتش تشرف انا قلت نظيفه وقلت اني فخور بمصر اللي انا اعرفها بس مش بواقع مصر تماااااااااما
وشكرا يا ابو ليليا
مش جلد للذات لكن مش لازم نضحك على نفسنا .. فى فساد أه لكن فى نظام و برلمان قوى حر مش مزور و صحافة حره كلمتها مؤثرة و مسموعه مش زى عندنا بتنبح فى الهوا ..
يا ريس انت بترد على نفسك .. صفقة اليمامة تم التغطية عليها مش حماية لتونى بلير و لا لاشخاص معينيين و لكن لمصلحة الدولة البريطانية لانها صفقة جبارة تساعد الاقتصاد البريطانى . يعنى خدمة لاقتصاد بلدهم .. محاكمة شيراك زى محاكمة بيرلسكونى و بتينو كراكسى و اندريوتى رؤساء وزرات ايطاليا و فى امريكا رئيس البنك الدولى و حتى فضح و محاكمة و تجريس رئيس اكبر دولة فى الدولة العالم لسبب يعتبر تافه جدا فى بلد فيها حرية جنسية .. حتى اسرائيل قدمت ابن شارون للمحاكمة و ابوه فى الحكم قبل قبل الكوما الاخيره ( يارب ياخده ) و اليابان و دول كتير عزلت رؤؤسائها بسبب الفساد او استغلال المنصب..كل هذه الوقائع توكد انه لا حمايه لاحد ولا سكوت فى مواجهة الفساد و الانحراف .. قول لى من فضلك هل تم اقصاء رئيس وزارة فى مصر او وزير واحد او واحد كبير على صلة بواحد اكبر ؟؟ .. يا راجل شيرى زوجة تونى بلير كانت مستعجلة و ركبت قطار مترو الانفاق فى لندن.. المفتش جالها و لم يهتم انها زوجة رئيس الوزاره و دفعت تمن التذكرة و غرامة كبيرة و هى اعتذرت بانها جريت لتلحق المترو و لم تقول للمفتش انت متعرفش انا زوجة مين ؟!! .. يا راجل انا لو سبت نفسى اكتب امثلة مش حاخلص و لا بعد يومين .. قارن ذلك بما يحدث فى المحروسة حيث النظام يشجع على الفساد و يكافئه مش يحاربه و اقل حاجة اللى موقفه و حش يسبوه يخرج من المطار من صالة كبار الزوار !! و تحياتى .
و انت ازاي تثق في نظافة و نزاهة اي نظام طالما الرؤساااااااااااااااااء بيعملو كده
هتقوللي بني ادمين .. هاقولك فين السيستم .. اللي بيفلتر الكويس من الوحش
برضو هقولك الميديا
و بعدين عندنا وزرا بيدخلو السجن لو حابب اقولك (محيى الغريب و ماهر الجندي و غيرهم) و ده مش شفافية نظام اد ماهي تصفية حسابات و ده اللي بيحصل برة و افتكر مونيكا
اما صفقة اليمامة .. فلو متابع هتعرف ان في مسئولين بريطانيين برضو متورطين في رشاوي الموضوع .. ده غير ان الفساد لا يجزأ
اللي عاوز اوصله للناس هنا .. ان الفرق ان الشكل العام هناك افضل .. لكن الجوهر فااااااسد في الحالتين
انا عمري ما كنت عنيد في اي حوار الا لو كنت مقتنع و شايف بعيني و مجرب بنفسي
و عموما .. بكرة نشوف .. بس بلاش يا اخواننا تصدقو ان برة نضيف اوي كده ..
يا ريس .. بره نضيف و هنا نضيف و في كل حته نضيف ...
النشيد الوطني .... كله يقف ...
بلادي بلادي بلاااااااااادي .. لكي حبي ... و فؤادي ...
ليه يا عم ماتصدقش ان بره نضيف اوي كده .. في كل حته فيه الحلو و الوحش ...
و زي ما قلت .. مش مهم منيين .. المهم ميين .. و الاهم .. الراحه النفسيه ..
طيب يا ريس أنا مش عايز مناصب ،،
بس قولنا برتامجك ،، عشان ننتخبك ،،
و لا هتبقي وراثة برده ،،
بصوا ياجماعه أنا بأكد كلام الريس أن الموضوع بره مش زي ماحنا كنا فاكرينه أنا عايش في السعوديه بقالي سنتين نسبة البطاله بين الشباب السعودي عاليه جدااااااا وعندهم نفس مشاكل الزواج اللي عندنا مع انهم اغنىواقل في العدد مننا بكتير وكمان الأسعار هنا زي مصر ده إذا ماكنتش أغلى وبتزيد 10% على الأقل أسبوعيا (عمار يامصر ) والله بقول الكلمه دي كل ماروح أشتري حاجه للبيت والاقي سعرها زاد (والريس عايش في السعوديه دلوقتي ويقدر يأكد كلامي) يبقى كل مكان فيه الكويس والوحش أحنا اللي بنختار يانبقى كويسين يا نبقى وحشين وكل بلد وليها ظروفها والرشاوي والوسائط والعمولات دي ماشيه في كل الدنيا لكن لو أحنا فعلا عايزين ننجح هنقدر ولو مش عايزين هنتحجج بالظروف ونستنى اللي يمدلنا أيده بالمساعده أنا اعرف ناس كتير نجحت في مصر بمجهودها من غير وسايط ولا يحزنزن .
وبالنسبه للجماعه اللي بيوزعوا الوزارات .... أنا ماخدتش ... أنا ماخدتش
على فكره أنت عايش فين في السعوديه ياريس؟
هى السعوديه تبقى بلاد بره يا راجل ؟؟.... ده مصر بقت مستعمره سعوديه !!ما ارحم من سيدى الا ستى ! ..السعوديه تقود المنطقة كلها فكريا .. تخيلوا فكريا بفلوسها و الفكر الوهابى اياه !!! الله يرحم مصر !
يا ريس يا كبير القلب الامثلة اللى انتى ذكرتها امثلة نادرة ولناس مغضوب عليهم .. و حط تحت مغضوب عليهم عشر خطوط ..و كل 5 سنين مثلا قضية من النوع ده علشان شوفوا احنا بنحارب الفساد .. الجنزورى مثلا ماا تشلش علشان مشروع توشكا او غيره لكن اتشال علشان مش بيورد لفوق !!
النرويج على فكرة من اغلى دول اوروبا .. و ممكن تراجع نصيبهم من بترول بحر الشمال ده غير عدد السكان القليل .. و مع ذلك الفساد موجود و رشاوى و عمولات ..
اللي بيتكلم على التحرش .. غالبا مفيش واحدة بتترقى في اي موقع برة .. الا لما بتكون مظبطة المدير بتاعها .. و بيعتبرو ده عادي و من ضرورات العمل
i dont know from where did u get this information about norway you are totaly wrong a bout it
the oil in the north sea they found more and more every day and this country consider the country number 1 with the stander of life ref: : UN report
pls try to update ur info
by the way am living in oslo:)
ايمن باشا
طيب هو انا قلت ايه ... انا قلت النرويج من اغنى دول اوروبا .. ايه الاختلاف .. و انا مكتبي في برجن في شركة مالتي ويف سي جي جي فيريتاس ... Multiwave Cgg Veritas و دي اكبر شركة Seismic في العالم.. و اكيد مفيش اختلاف في كلامنا يبقى مش محتاج اعمل ابديت
ابو علي باشا .. مانا قلتلك يا باشا الاسماء دي بتروح في داهية مش شفافية و لكن تصفية حسابات .. بس الفكرة ان هو ده برضو اللي بيحصل برة .. ابتزاز و فساد و تصفية حسابات .. ممكنمش بيبان الموضوع اوي كده من برة .. بس لما بتقعد في بلد بتاخد بالك من اللي بيحصل
باسم باشا .. انا حاليا على مركب ابحاث في الخليج مابين راس تنورة (الدمام) و الخافجي .. و السعودية فيها سلبيات كتييييييييييييييييييييييي ييييييييييييير جدا و ماهياش امله .. لكل اللي بيحلموا بيها يعني .. و انا هنا في شغلانة لحساب شركتي .. و السعوديين هما اللي بيشتغلو عندي .. حيث لا يصح الا الصحيح
احمد انور بيه .. نعم ياسيدي .. انت فاكر نفسك هتنتخب .. يا حبيبي احنا في ازهى عصور التقلية .. حيث الصناديق متقفلة في الفورتي فورتي من زمان
اكسبرت .. مش عارف ليه زعلت من اخر مشاركة ليك .. حسيت ان مستوى الكلام (اللي كان حلو حتى و احنا بنهزر) اتغير ..
مصر دي .. اديها 10 سنين شغل بضمير .. و الله و لا مين يلحقنا .. بس تقول لمين ... ادينا بنعافر
يا أخى الفاضل مفيش حاجة اسمها مصر اللى عارفينها و واقع مصر و مصر اللى بنتمناها و مصر اللى بنتخيلها و الخ الخ، مصر دى ورث وارثينه عن أبائنا و أجدادنا و يا نورثه لولادنا أحسن يا أما نقعد على دكة الأحتياطى و نسلمها مخروبة أكتر.
أنا بصراحة مكنتش عايز اتناقش كتير فى موضوع الزواج من الأجانب لأنى شايف انه فى غير مكانه بس مقارنتك بين الأجنبية و المصرية بتجبرنى انى اتكلم لعدة أسباب:
1 - مقارنتك غير موضوعية بالمرة و أنا شايف انك كنت بتقارن بين (حالة نادرة من الأجنبيات اللى ربنا هداهم ووفقهم للأسلام و كمان تدينوا) و بين (واحدة مصرية ميزتها الوحيدة انها بكر) يعنى مفيش اصلا مجال للمقارنة لأن مفيش أوجه شبه أو أختلاف، و بخد انا شايف انه عيب أوى اننا نفكر فى بنات بلدنا بالطريقة دى و نقول ان (ميزتها الوحيدة انها بكر) لأن بناتنا و أمهاتنا و أخواتنا أكبر و أثمن من كده بتربيتهم و تدينهم و محافظتهم علينا و على بيوتنا، بجد عيييييييييييييييييييييييي يب.
2- بتقول (مش عارف احنا تفكيرنا بجد غلط ولا ايه بس موضوع الشبكه والمهر والحوارات دي كلها مش هيوصلنا الا ان كل البنات هتعنس ومحدش هيتجوز ابدا) و هنا اتفق معاك فى ان المغالاة فى الطلبات غير مرغوبة و الدليل على كده ان رسولنا الكريم - عليه الصلاة و السلام - حثنا على ان نزوج من نرضى دينه و لكن ذلك لا يعنى الا يتم تقدير المرأة و لو( بخاتم من حديد)، و كل واحد و مقدرته و اللى يقدر يجيب، و (الحوارات دى) على حسب تعبيرك لها معانى و أسباب كتيرة و أهمها انها تقدير للمرأة، فالرجل هو الملزم بتأسيس البيت و دفع المهر و التكفل بزوجته و بكل طلباتها حتى يشعر بقيمة المرأة الحقيقة و يقدرها حق تقديرها، لأن اللى بييجى ببلاش بيبقى سهل يترمى، و ده مش معناه ان المرأة سلعة، لكن طبيعة الأنسان تربط الحب و التقدير بالعطاء و الدليل على كده ان اى واحد بيموت نفسه علشان يجيب لولاده كل حاجه و مابيكتفيش انه يقعد يقولهم انا بحبكم، و صدقنى مهما الواحد دفع مهر أو شبكة مش هيوفى زوجته حقها من التقدير و افتكر كده معايا أن سيدنا موسى عليه السلام قعد يرعى الأغنام 10 سنين كمهر لزوجته، احنا بقى دلوقت بنجهز بالتعاون مع أهل العروسة، يعنى كل ما واحد فينا بيقعد على كرسى أو ياكل فى طبق مراته بتاخد حسنات علشان المفروض الراجل هو اللى يجيب كل حاجة أصلا.
3 - انت بتقول (ولو علي التدين المتديننين منن الاجانب احسن من المصريين (رجاله وستات) بكتيييييير)، و ده تعميم ظالم، لأنك ببساطة مدخلتش فى قلوب الناس و مشفتش كل الناس، يبقى ما ينفعش تحكم و أنا مش هقولك العكس صحيح لأنى أنا كمان مدخلتش فى قلوب الناس.
4 - و كمان بتقول (ولو علي الاولاد في رايي حتي لو الجواز فشل انت اديت لاولادك اجمل حاجتين، جنسيه نظيفه عشان ميتعبوش في حياتهم زي ما انت تعبت، ودين الاسلام منقي من العادات والتقاليد العبيطه بتاعتنا)،أولا انت كده مااديتهومش حاجة، لأن الزوجة هى اللى هتدى الحاجتين دول و يا ترى الجوازة لما تفشل مين هياخد الأولاد، أغلب الحالات اللى شفتها كان الأولاد مع الأم، طيب هيعيشوا فين؟ أكيد بره مصر و أكيد مش فى بلد أسلامى و حتى لو الأم مااتأثرتش تانى بالبيئة اللى كانت عايشة فيها و فضلت ملتزمة - وده نادر - الأولاد هيتأثروا بسهولة بالمجتمعات البعيدة تماما عن ديننا لأنهم فى طور التكوين و أكيد محدش من المحيطين بيهم من عيلة الأم - ده لو أحاطوا بيهم أصلا - هيبقى حريص على نصحهم و توجيههم نحو دينهم، يبقى غالبا الأولاد مكسبوش حاجة خالص لأن حتى نقطة (الجنسية النظيفة) على حسب تعبيرك دى نسبية و كل بلد فيها السعيد و الشقى.
5 - أخيرا بتقول (والموضوع كله ليله واحده الفرق بين الانين تضيع عمرك كله عشان ليله؟؟؟ بتهيالي الموضوع فيه نظر؟؟) أنا مش عارف انت كونت الرأى ده ازاى عن العذرية، يا أخى أولا العذرية مش بس عذرية الجسد، العذرية هى عذرية الروح و القلب و الأفكار و الأحاسيس، و أغلب بناتنا بيتحلوا بها و لكن للأسف اللى ظاهر على السطح و ممكن يكوت أدى لتكوين هذا الرأى هوالحاجات النادرة اللى بتبان فى الفضائيات و صفحات الحوادث و الخ الخ و ده طبيعى لأن مفيش صحفى أو قناة فضائية هيدور على انسانة محترمة مهذبة متربية بتحافظ على نفسها و بيتها و يعمل معاها حوار و يسألها ازاى عملت كده. و كمان مش فاهم يعنى ايه (تضيع عمرك علشان ليلة)، يعنى اللى ما يتجوزش أجنبية، يبقى عمره ضاع؟ و الا الناس بتتجوز علشان الليلة دى بس؟ فى كلا الحالتين منطقك مغلوط.
أدعوا الله انه يوفقك فى زواجك و بجد يا أخى ارجوا منك انك تعيد حساباتك بالنسبة لأفكارك عن بناتنا و أخواتنا و أمهاتنا و أنا متأكد انك كل ما تكبر شوية و تجرب فى الدنيا أكتر هتشوف الصورة أوضح.
اكسبرت .. مش عارف ليه زعلت من اخر مشاركة ليك .. حسيت ان مستوى الكلام (اللي كان حلو حتى و احنا بنهزر) اتغير ..
ايه ده يا ريس .. انت غضبت علينا ولا ايه :D ... لا لا لا .. وزعلك وحش اوعي تزعل يا ريس .. هاخد يا عم وزاره الهجره و امري لله .. http://www.tawdeeb.com/forums/style_...efault/dry.gif
اصل ممكن تعتبرها استذان و متابعه من بره بره
:D
و ربنا يخلييك لينا يا ريس :D
يا أبو علي باشا أنا مقصدش أن السعوديه بلاد بره أنا أقصد أننا كنا فاكرين ان الواقع في دول كتير بره مصر شيء تاني لكن أكتشفنا أنها غلط ومش هتقدر تقارن الدول التانيه بمصر الا لما تعيش فيها فتره كافيه عشان تقدر تشوف المميزات والعيوب
استاذ حسام
انا اعترف ان خبرتي مع الاجانب اكتر بكتير من المصريين رغم ان عمري كله قضته في مصر بس المرات القليله اللي اتعملت فيها في موضوع الجواز ده مع المصريين كانت سيئه لاقصى حد!! كمان اصحابي ومعارفي اللي تجوزوا مصريات وكانت بتابع خطواتهم بصراحه مكنش الموضوع عقلاني تماما
سيدي شئنا ام ابينا واقع مصر بيفرض نفسه احنا بنحب مصر(مع تعديل كبير في مفهوم الوطنيه والقوميه) بس والله انا بحب كل بلاد المسلمين من شرقها لغربها وموضوع انت اتولدت فين في رايي المفروض ميدفعناش للتعصب للمكان اللي احنا اتولدنا فيه عموما ده موضوع تاني مختلف تماما اتمنى نفتحه برده
مصر دي ورث ورثناه؟؟ (انا وجدنا ابانا علي امه وانا على اثارهم مقتدون* قال اولو جئتكم باهدي مما وجدتم عليه ابائكم) برده ده موضوع متعلق باللي قبله وانا هافتح الموضوع ده للنقاش !!!
اما موضوع المقارنه فانا بحط شروط معينه عشان تبقى عادله يعني ان الاجنبيه مسلمه ومتدينه زييها زي المصريه
قصدي موضوع البكر انه دي اللي هتتفاضل بيه المصريه عن الاجنبيه وخلينا نقول من دلوقني الاوربيه عشان نقفل موضوع العرب تماما لانهم زينا زيهم يمكن هم ابشع في حاجات كتير !!!
انا قصدي ان الانتنين زب بعض مسلمات متدينات محترمات بس التربيه تتختلف والبيئه بتتختلف بس!!!
موضوع المغالاه في الطلبات والمهور زاد عن حده اوي يعني افهم القايمه دي لازمتها ايه؟ وليه نكلف اهل العروسه او العريس كل ده؟ ليه كميه الاطباق والاكواب والشوك والسكاكين دي كلها ؟؟ ليه اوده سفره بالشئ الفلاني ده ناهيك عن السجاد والنجف و و و ليه؟؟ وده بنسبه 90% اللي بيحصل اكيد في استثناءات بس دي النسبه الاكتر انا بقول اه اجيب لمراتي كل حاجه بس بشكل عقلاني مش عايزني وعايزين وعايزين وفي الاخر كله بيتركن لحد ما التراب يكلوا؟؟؟؟؟
واكيد الراجل اللي لازم يجيب كل حاجه علي قد امكانياته يعني في نظري سرير ودولاب وطريبظه وبوتجاز وتلاجه وسخان وكام كرسي يكفوا جدا لو بجد الموضوع عقلاني (اقسم بالله انا بدات حياتي من غير غساله ولا سخان وعاشت مراتي الاجنبيه 6 شهور تغسل هدومي علي ايدها ونسخن الميه علي بوتجاز بعنين مسطح)
موضوع التدين اللي يهمني فيه التصرف الخارجي انا مقلتش الايمان انا قلت التدين النصرف الخارجي صلاه وصوم صدق عفاف حب الخير واسف بس اللي اقدر اقوله ان الاجنبي المسلم عن اقتناع اقوي بكتير عن اللي اخده وراثه (ده ميمنعش ان في استثناءات كتيير بس احنا بنتكلم عن الاعم)
يا سيدي اختيار الام هو الاساس فى الاولاد وانا لما اختار لاولادي ام تجمع مميزات الدنيا بالاخره يبقي انا وفيت حقه وانت اللي بتدين الاسلام من الاساس الاسلام الصح بس انت نفسك بتنقيه منم الشوائب بتاعتنا!!
متربين في بلد اسلامي؟؟ اكرر نفس الكلام هنا بيتعلموا اخلاق اسوا بكتير من اوروبا علي الاقل في اوروبا مش هيصابوا بالازدواج في المعايير والنرجسيه بتاعتنا
اكيد كل نسيه في السعيد والشقي بس اسف مفيش ظابط شرطه سويدي هيسحل مواطن سويدي على قفاه ويهتك عرضه في قسم بوليس مش هيوقفه علي كمين ويقطع بطاقته ويخده تحري
مش لما يمرض هييرموه علي الرصيف عشان مفيش سرير فاضي واكيد لما يموت في حادث عباره من السويد للنرويج مثلا مش هيعتبروها جنحه مش جنايه يعني!!! اقصد ان في حد ادني وده بتوفره لالولادك عشان ميتعبوش التعب ده اللي انت شايفه
انا اقصد _مضيعش عمرك عشان ليله) في المقارنه يس يعني لو اختارت المصريه عشان الموضوع ده بس ليس الا
مش عايز اخش في موضوع عذريه الروح الافكار والاحاسيس يس رايي مش هيعجب حضرتك
انا مقلتش ان بامهاتنا واخوانتا وحشين لا ابدا بقول ان المستقبل بيتفتح قدامنا والدنيا بقت صغيره جدا واكيد هنلاقي في حتت تانيه ناس برده كويسه اوي ندر نبني معاهم اسر تناسب المستقبل اللي مش هيكون في اي حدود لا قوميه ولا جنسيه (العالم بيميل للانفتاح علي بعضه الاتحاد الاوروبي والسوق الخليجيه المشتركه كمثال احنا بس اللي فقرا حبتين عشان كده محدش عايز ينفتح علينا)
واخيرا اشكر ليك دعائك لي ومش عارف ممكن الصوره غريبه شويه دلوقتي بس مين عارف(علموا اولادكم السباحه والرمايه وركوب الخيل فانهم مخلوقون لزمان غير زمانكم)
فيلسوف العرب
انت قلت انك هتحكى حكايتك مع الزوجه الاجنبية
بيتهيألى ان الاوان
انا مستنى اسمع تجربتك
عشان خاطرك بس يا استاذ حسين
انا اساسا خريج جامعه الازهر من قسم الدراسات الاسلاميه باللغه الالمانيه قسم غريب محدش يسمع عنه بس اخنا المفروض المؤهلين ان احنا نكلم الغرب وتجديد الخطاب الدين والمواضيع دي كلها
كانت دفعتنا 33 طالب بس وكان المفروض ان احنا نشتغل في الدعوه في الخارج بس احنا في مصر
كانت عقول بسم الله ما شاء الله بس للاسف منهم لله وزاره الاوقاف!!!
بدات حكايتي وانا في 3 جامعه لما اتعرفت علي بنت المانيه علي النت اوه والله علي النت يعني انجذبنا لبعض 3 اسابيع وجت مصر بتدكره ذهاب بس بلا عوده ووالدي كان متفهم قالي اتجوزوا من غير ورق ولا نيله بس جواز شرعي افضل من اي حاجه وبالفعل !! ربنا اكرمها واسلمت وكنت ساعتها باخد مكافاه تفوق حوالي 1500 في السنه وكان لازم اظبط نفسي بيها وكنت بحاول اشتغل جنب الدراسه المهم ربنا وفقني واتخرجت(جيد جدا مع مرتبه الشرف) رغم اني كنت رب اسره بشكل او اخر
المهم اتخرجت ممعيش غير 1000 جنيه واخدت شقه في القاهره الجديده فيها سرير ودولاب وكرسيين وبوتجاو مسطه وتلاجه واهم من اي حاجه جهاز الكومبوتر بتاعي ووقفت مراتي جنبي لاشتكت ولا قالت حاجه كنت بتغسل هدومي علي ايدها ونسخن الميه في حلل ايام
المهم بدات ادور على شغل وزاره الاوقاف قالتي بعد سنه هنوظف نسيت اقول اني بتكلم الماني زي العربي كده حتى قبل الجواز بس بعده اتحسن اكتر وطبعا بدات ادور ليها على شغل ومفيش اسهل من انك تلاقي شغل لاجنبي في مصر كان شغلها في 6 اكتوبر تخيل من القاهره الجديده ل6 اكتوبر كل يوم وكانت بتعمل كل شغل البيت
وانا مش لاقي
مره كنت بدور علي شغل في اهرام الجمعه بس الواد الي بيجيب الجرايد مجاش الجمعه دي فقالت لي طب متنزل تجيب جرايد وتباعها انت وطبعا طلعت فيها وازاى وازاي وانا وانا سمعتني محاضره عن اسباب تخلفنا وعجزنا وبالفعل جبت جرايد وبعتها وكسبت اليوم ده اول فلوس من عرق جبيني
المهم اسبوعين ولقيت شغل في شرم الشيخ في شركه سياحه شركه بجد محترمه احترمت قوتي اللغويه وقدرتني وسافرت شرم وسبتها لوحدها في القاهره الجديده وانا في اخر الدنيا وبرده معترضتش
بس بدات الحياه تسوء لاسباب بجد مش عارفها وخيرتني يا اسافر المانيا معاها دلوقتي يا كل واحد يروح لحاله بس مكنتش اقدر كنت عايز اثبت نفسي في بلدي الاول وحاولت كتير اني الاقي ليها شغل في شرم بس محدش بيوظف واحده محجبه
المهم انفصلنا بكل ذوق واحترام وحب وما زلنا بنتكلم مع بعض لحد دلوقتي ووالله وصلتها لغايه المطار واحنا الاتنين بنتمني الحير لبعض وبنتابع اخبار بعض من غير لا غلط ولا تجريح
وتمر الايام يعني 4 شهور واتعرف علي انسانه جديده برده علي النت !!! بسم الله ما شاء الله ساعه ما شوفتها قلت هي دي وبالفعل انجذبنا لبعض جدا جدا ونزلت مصر وهي كانت مسلمه قبل ماعرفها ببتاع سنه وبدات تتعلم كل حاجه من الالف للياء كانت بتدرس هناك اسلاميات برده ووالله ساعات انا بتضيع علي فروض وهي ابدا عمرها ماعترضت علي حاجه معاي في اي مكان بغيب عن البيت بالاسبوع ورا بعضه ولا حاجه ست بيت شاطره ومسلمه اسلام عميق عن اقتناع وحب
كانت بتروح وتيجي عشان الدراسه وبعدين وقفت الدراسه واستقرينا هنا
ولما بزور اهلي بتتتعامل معاهم كانهم فعلا ابوها وامها وبتتعلم عربي مخصوص عشان القران كفايه لما دخلت للبيت مره لقيت والدتي بتعلمها قران وهي بتحاول وتحاول والله عيني دمعت
مش عارف اوصف ايه ولا ايه بس لو جيت اقارن بينها وبين زوجات اصحابي او قرايبي ماظنش انهم يستحملوا حاجات كتير زي دي او عندهم طول بال كده
لما كانت في مشكله بيني وبين قرايبي هي اللي بتحضني علي اني اصلهم وجازي الاساءه يالاحسان حاجات كتير كتير
ناهيك عن سعه الافق والتفكير الحر الي غير طريقه تفكيري انا شخصيا
انا بحكي ليكم عن 2 اوروبيات عملو لي صدمه حضاريه في طريقه تفكيرنا غيروا مفاهيمي عن الكفاح والحب والتحمل والاخلاص بل والكراهيه عرفوني ان مش كل حاجه عندنا صح ولا كل حاجه عندهم صح كل هدفنا ان احنا ناخد احسن ما في الحضارتين ونطلع جيل مسلم بيفكر صح قادر انه يتحمل الصعاب ودول همه اللي هيرتقوا بينا اكيد
وان شاء الله ولي العهد جاي في السكه ادعولي
دي حكايتي باختصار عشان خاطرك يا حسين باشا
واستني ارائكم
أخي فيلسوف العرب
أولا بارك الله لك في زوجتك وأبنك القادم أن شاء الله أنا عايز أقولك أنك أنسان صالح وتقي وربنا هيكرمك أن شاء الله وعشان كده ربنا كرمك بزوجتين ونعم الزوجه فعلا لأن الطيبين للطيبات والخبيثين للخبيثات لكن موضوع الصدمه الحضاريه ده أنا مش معاك فيه لأنك ماتزوجتش واحده مصريه الكلام ده ممكن تقوله لو كنت تزوجت مصريه وحصل تعارض بينك وبينها لكن أنت بتقارن تجربتك بتجارب أصحابك وده مش أساس سليم للمقارنه لازم تتجوز مصريه عشان تقدر تحكم بوضوح وموضوعيه .
أوعى والنبي المدام تكون جنبك لحسن تفتكرني بحرضك تتجوز عليها تبقى مصيبه .....
الف شكر ليك يا باشااقتباس:
عشان خاطرك بس يا استاذ حسين
بسهوله كده؟؟؟؟؟اقتباس:
بس بدات الحياه تسوء لاسباب بجد مش عارفها وخيرتني يا اسافر المانيا معاها دلوقتي يا كل واحد يروح لحاله بس مكنتش اقدر كنت عايز اثبت نفسي في بلدي الاول
تسيبها علشان عايز تحقق نفسك فى بلدك وانت عمال تكلمنا على العالم انو هيبقى قريه صغيره
يأخى اقنعها- سايسها- لكن تسيبها؟؟؟؟؟؟
ربنا يجيبو بالسلامه و يبارك فيه و ينفع بيه الاسلام و المسلمييناقتباس:
وان شاء الله ولي العهد جاي في السكه ادعولي
انا حاولت والله بس ساعات الدنيا بتقفل متعرفش ليه حاولت بس محصلش نصيب ببساطه ودي برده حاجه انا اتعلمتها المواضيع ممكن تكون اسهل بكتير مما هي باينه عليه
طب عندك عروسه يا سحس
اسف يا bassimali
لا ياخويا معنديش وماليش دعوه بالموضوع ده ماتدبسنيش وتخلع أنت
على فكره اعز اصدقائى هيتجوز المانيه يوم 29-12
هو فى مصر و هيمشى يوم الاتنين وعاوز اجيبلوا هديه واجيبلها هديه هيا كمان تقترحوا ايه؟؟
-هو 29 سنه بيدرس هناك
-هى 20 سنة - مسلمه- بتدرس علوم اسلاميه-محجبه
ها اجيب ايه؟؟؟؟
,والله سوال صعب يا سحس
بس لها في مجموعه كتب اسلاميه بالالماني موجود في مكتبه جامع الفتخ لذيذه ممكن تشتريها وتديه ليهم
اما صاحبك فانت ادري بيه
ولا قولك اشتريهم حته bmw الفئه السابعه وريح دماغك
ومبروك مقدما
ايه يا عم bassemali مش انت اللي بتقول اتجوز عشان تبقي موضوعي
طب ساعدني يقه ولا هو كلام وخلاص
اسف يا حسين جامع النور بالعباسيه
ياباشا أنا بقول لازم تكون أتجوزت مصريه عشان تشوف مش يمكن تطلع كويسه برضه
مش معنى كده انك لازم تتجوز مصريه دلوقتي مادام محصلش قبل كده يبقى احمد ربنا وأسكت بدل ماتلاقي حلل البيت كلها فوق دماغك دلوقتي وأحتمال حله منهم توصل دماغي وأنا هنا في السعوديه
والله شكل المدام قاعده جنبك!!!!!!!!
اهي دي حاجه الواحد نسى يكتبها ن المصريات
الحلل وما ادراك ما الحلل
ربنا يستر لا متقلقش مش قاهعد جنبي بس ربنا يستر
ممكن تلاقي قطع غيار المرسيدس كلها فوق دماغي ولا Bm العربيات الالماني كتير
ماشي ياعم يابتاع المرسيدس والبي أم
على فكره المصريه مابتضربكش الا لما تكون بتحبك بجد مش بيقولوا ضرب الحبيب ...
بس برضه بلاها ياعم الحب اللي يجيب الضرب ده مش عايزينه
عمال اتلفت يمين وشمال مش عارف الحله هتنزل على دماغي من أنهي حته ماهو ياتضربوا وتخلصونا يامتضربوش بلاش الذل ده!!!!!
أنا مضطر امشي دلوقتي نتقابل بكره أن شاء الله على خير تصبحوا على خير
سلام