ايه رايكم في زواج الاجانب

**hussein** · 20-12-2007 05:45 PM

وفي نظري احسن حاجه في الدنيا انك تجوز اتنين اجنبيه وعربيه

انا رأى نخليهم 3(دا رأى فعلا مش بهزر):)

**araberphilosoph** · 20-12-2007 05:49 PM

'طب يا سحس اشرح لينا 3 ازاي؟؟

**hussein** · 20-12-2007 05:51 PM

واحده اجنبيه و عربيتين (مع انى مش بشجع الصناعة المحليه فى العربيات):)

**Ahmed Anwer** · 20-12-2007 05:55 PM

محذوف ، محذوف

**الريس** · 20-12-2007 05:56 PM

المشاركة الأصلية كتبت بواسطة araberphilosoph

موضوع العادات والتقليد وتفهما وتفهمك بتهيا لي ملوش محل من الاعراب هنا ليه؟ لان مش كل عاداتنا وتقاليدنا صح اغلبها ورثناها من ايام العصور المظلمه( اواخر الحكم العثماني) وبتهيالي لو احنا نقينا العادات والتقاليد اللي بيوافق عليها الدين هتلاقي ان الاجنبيه هتتفق معاك فيها بل والعكس هتشجعك عليها
لكن الباقي (اللي سببها العنطظه والكبر والعند) يبقي ديارميها في الزباله احسن!!!
ولو جيت تقارن مصريه باجنبيه في نوعيه الفكر وتحمل المسوليه الاجنبيه تكسب بمرااااااااحل
ولو علي الجمال رايي نمش محتاجه كلام الاجنبيه وش
ولو علي التدين المتديننين منن الاجانب احسن من المصريين (رجاله وستات) بكتيييييير
ولو علي الاولاد في رايي حتي لو الجواز فشل انت اديت لاولادك اجمل حاجتين
جنسيه نظيفه عشان ميتعبوش في حياتهم زي ما انت تعبت
ودين الاسلام منقي من العادات والتقاليد العبيطه بتاعتنا
يعني من كل الاوجه الاجنبيه احسن

بغض النظر عن اني شايف في شوية تعدي في كلام حضرتك
بس احب افكر الجميع ان المصرية هي اختك و والدتك و المفروض نستخدم لغة احسن من كده

ثانيا عاداتنا و تقاليدنا ملهاش دعوة لا بعثماني و لا حاجة .. و افضل كتير من ناس غيرنا
الجنسية المصرية جنسية نضيفة .. و تشرف حاملها
مصر بوابة الدين و المدافعة عنه .. برغم كل ما يحدث
البنات المصريين اللي في بيوتهم و مع اجوازهم .. درر .. جواهر .. ربنا يحفظهم ..و لو بنت مصرية سمراء و جميلة عندي احسن من 1000 اجنبية .. مين قال الاجنبية احلى وش .. ده ذوقك الخاص ..
و تقبل مودتي

**araberphilosoph** · 20-12-2007 05:57 PM

قصدك في المتعه الجنسيه يعني؟؟
والله ده موضوع نسبي
صحيح انا عمري متجوزت مصريه بس بتهي لي الموضوع ده بيختلف من واحد للتاني
بس انا مش هتجوز واحده بس عشان بتعرف تمتعني اكتر
انا بتكلم عموما
قدامك الاختيار ايه مصريه ولا اجنبيه؟؟

**Xpert** · 20-12-2007 06:07 PM

بص يا سيدي .. الصراحه انا مش عارف اقولك ايه .ز بغض النظر عن الجنسيه او او او .. و احب اقول انا معايا جنسيه سويسريه .. هم حاجه الراحه النفسيه . بغض النظر عن الحاجات التانيه .. الموضوع مش موضوع جواز من اجنبيه ولا جواز من هنديه .. الموضوع كله يتمحور حوالين الراحه النفسيه .. بمعني ..انت طالب ايه في شريكه حياتك ؟ بس الفكره بقي ان المواصفات تكون جديه ... بمعني .. مش هاجي اقول عاوزها شعرها اشقر و عنين خضرا و بتعرف تطبخ .. لاء .. انت عاوز حاجه تكون مناسبه امكانتك الاجتماعيه .. عاوز زاحده تكون طيبه (اه فيه حريم مفتريين .. اسمع مني ..) .. عاوز واحده محترمه و عارفه اصلها و عارفه نفسها .. مش بتاع الكلام الفاضي و الكلام ده .. عاوز واحده تكون مناسبه لسنك او اصغر منك حاجات بسيطه .. يعني انت عندك مثلا 25 سنه .. مش عاوزها 16 ولا 45 .. حاجه وسط تناسبك .. و اهم حاجه تكون فاهمه دماغك ماشيه ازاي ..
يعني من الاخر .. الموضوع مش موضوع هيا منين .. الموضوع موضوع هيا مين ...
طبعاً انا مع كلام "الريس" لأنك لو بصيت كويس .. هاتلاقس بنت البلد عارفه دماغك و "الاعيبك"و العادات و التقاليد واحده .. لأن الاصل واحد و التربيه متقاربه ..بس ده مايمنعش انك تلاقي حاجه مناسبه ليك عند الاجانب..
اتش اتش اس ... الموضوع كله تراضي ... انك تبقي راضي و تراضي اللي قدامك ..
فيلوسوف العرب قال كلام مظبوط برضه .. (مع اني مسيحي ) .. بس نسيت حاجه يا حج .. ماتعممش !! .. مش كل اللي انت بتقوله يمشي علي كله .. لن العالم فيه الابيض و الاسود و الرمادي .. يعني لو حاطط الكلام ده استاندردز .. هاتتفاجيء كتيير ..
مصطفي بكري : كل اللي حاطط اسسه علي الفلوس و الهجره و الكلام ده بيفشل بعد مده اقصاها سنه .. يبقي لا طال ابيض ولا اسود .. و بيسافروا يشتغلوا ويترز في المطاعم و بيمسحو الاطباق و العيشه زباله .. اختار ما ببين كرامتك ولا الهجره و نقي .. اللي يسافر يسافر بشرفه و كرامته .. مش بالطرق دي .. انا شوفت حاجات و مناظر بعيني والله يا جدعان .. تخليك تفكر الف مره قبل ما تسافر ..

**araberphilosoph** · 20-12-2007 06:07 PM

يا ريس هنتكلم عن الواقع ولا هنتكلم كلام حماسي بس
اسال اي شاب مصري تختار تاخد اي جنسيه اوروبيه ولا تفضل كده
وشوف هيقول ايه؟؟
شايف ان تقاتليدنا كلها صح؟؟؟ طب هاسال حضرتك سوال واحد
تفتكر ان حياتنا ماشيه قريبه من الاسلام؟؟ تفتكر كل عاداتنا وتقاليدنا واخلاقنا قريبه من الاسلام؟
انا بتكلم عن الواقع والواقع اللي احنا عايشين فيه؟؟؟ مش كلام حماسي
انا مصري وفخور بمصر بس مش بواقع مصر
بمصر التاريخ الجدعنه دفء الاحاسيس
بس مش فخور تماما بواقع مصر
تمااااااااااااااااااااممم ممممممممممممممممممماااااا اااااااا
اما ان المصريات اهلي وقريابي انا مقلتش حاجه صح وان في مصريات ممتازات ماختلفتش
انا اللي اقصده ان احنا بنعقد كل حاجه في حياتنا و بناخد بالاشاعات مجرد انطباعات!!!
الاجنبيه منحله؟؟ والمصريه احسن؟؟ ليه؟؟
لو مصريه سمرا اجمل من 1000 اجنبيه؟؟ بصراحه؟؟ معتقدش
انا بتكلم عن الواقع الي عايشه الشباب ليش الا
الواقع اللي ملوش اي معني ان نهرب منه بالاحاديث الحماسيه!!!
والدنيا بقت اصغر كتير اوي يا ريس وقريب اوي مش هيبقي في خصوصيه لاي شعب
هتبقى موضوع حضارات وبس
وتقبل تحياتي

**araberphilosoph** · 20-12-2007 06:16 PM

استاذ expert انت قلت مربط الفرس (مش مهم هي منين المهم هي مين) ده اللي نفسي اوصله ان احنا مناخدش الموضوع بالشبه اهم حاجه الشخص مش البلد
اما موضوع العادات والتقاليد فده موضوع طويل ومن الاخر مش كل حاجه عندنا صح واخلاقنا بقت سيئه جدا انتهازيه ووصلويه وحاجه زفت
فلو الواحد لقه واحده اجنبيه لقطه زي مبيقولوا يبقى يتوكل المفروض متفرقش موضوع الجنسيه دي حاجه واهله ممكن يتقبله الموضوع لازم يكون تفكيرهم احسن
تعرف الاعيبك؟ هاهاها هو اللواحد بيلعب ليه مش عشان يخصل على حاجه مش عارف يوصلها لكن لو كان في حريه صح يبقى هتلعب ليه الا اذا كنت من الاساس نيتك وحشه
الموضوع سخن واحلو
والموضوع الجديد هيبقي قنبله

**Xpert** · 20-12-2007 06:24 PM

بصوا يا جدعان .. معلش اعزروني بس ده بقي حال المجتمع المصري .. مجتمع خلاص انحا و انحلت اخلاقياته .. اصبح الجنيه همه الرئيسي و اصبح مليئاً بالمجاملات الفاضيه .. و الوعود الكاذبه و اهتم بمصلحه الفرد بغض النظر عن مصلحه الاخرين .. احترف الكدب و الفساد بقت شغلته الوحيده .. و بقي كله بيضحك علي كله و لو يطوول ياكلك هايكلك صاحي .. انت راجل عشت بره و عارف المعامله الانجليزي ازاي .. و المعامله المصري ازاي .. المصري طول ماهو جنبك بيبقي جنبك عشان عاوز منك مصلحه .. و لو احتجت انت منه حاجه ماتلاقوش .. الانجليزي شغال بنظام فيد و استفيد ..
انا راجل زي ما بيقولو تربيه بره .. اتربيت بره مصر .. و عايش في بلدي تعبان و راضي ( الميكس ابن الكلاب ده جابلي انفصام شخصيه بجد .. )

يا عم فيلوسوف العرب .. تقاليدنا مش صح .. و بعيده تماماً عن الصح ..بس الواحد عنده انتماء للوطن ودي حاجه في الدم .. بغض النظر انا مولود فين ... انا مولود في سويسرا و العائله من مصر .بحب مصر و سويسرا قد بعض .. انا زعلان علي حال الشعب المصري .. و في نفس الوقت صعبان عليا نفسي .. انا مصري و فخور بمصر برضه .. و زعلان علي حال البلد كل مدي في الانحدار ..
هوه فعلاً الناس كلها بتشرب من الاشاعات كتير .. و ده عيب الشعب المصري برضه ..
و معني انهم جابو حاله في التليفيزيون يقولك اخدت العيال و هربت يبقي كلهم هايهربوا..
معني انهم جابوا حاله ان واحد سلم نفسه في السفاره و رجعووه مصر يبقي هايمسكوك ..
يا جدعان فتحوا عنيكو شويه و زي ما فيه ده .. اهه عندكم الراجل متجوز اهه و زيه كتيير ... ماسمعناش يعني حاجات وحشه - بعد الشر- ..
يالا علي الله حال البلد يتحسن شويه ..
عيب عليك يا اخ فيلوسوف العرب .ز احنا دايسين و اتداسنا في البلد دي كتيير برضه :d

يا جدعان اللي كان مسافر بره او متجوز من بره يتكلم عن نفسه شويه برضه و يقول كان فين و ايه تجاربه الشخصيه .. ايه يا عم فيلوسوف انت ضحكت علينا ولا ايه :d
مع تحياتي المصريه و السويسريه علي حد السواء
و كل عام و انتم بخير .. و عيد سعيد و احجزولي شويه لحمه ياللي مش راحمين حلل اللحمه
اخوكم من ارض الوطن
جون
:d